أبوفهدالمزيني
08/05/2014, 01:20 PM
بسم الله الرحمن الرحيم
السلام عليكم ورحمة الله وبركاته
أعزائي أعضاء منتدانا الغالي هذه القصيدة اهديها لمحبي البر والكشتات
اتمنى أن تنال استحسانكم ورضاكم
ياماحلا بالبر لا صرت مرار
مع روضة خضرا ولا احد وطاها
والجو بارد ما معه ذرة غبار
والغيم غطاها وغطى سماها
حولك معاميلك وربعك هل الكار
كل صفاته بالمراجل بداها
مقدارهم عندي مهوب أي مقدار
مقدارهم عندي وصل منتهاها
والله مابدلهم ولو صار ما صار
افعالهم معنا ولا الحق جزاها
ياما حلا مجلاسهم ليل ونهار
مايذكرون بقولهم من قفاها
وياماحلا الدله على حافة النار
صفرآ تقل غرو البنات بحلاها
وياماحلا فنجالها يوم يندار
لاصبها راع الكرم هو دواها
وإذا حصل لك مع هل الخير تذكار
فأنت الحظيظ محصلٍ لك مناها
تعاف عقبه ياولد نومة الدار
ودك تهد اجدار منهو بناها
ويااللي تبي تاخذ مع البر مشوار
خذني معك ترى فؤادي هواها
وصلو على اللي يذكرونه بالأذكار
بأول طلوع الشمس وآخر مساها
محمد اللي للحرم خير من زار
عد الرمال وعد رعيٍ رعاها
وسلامتكم
الشاعر / صالح المزيني
السلام عليكم ورحمة الله وبركاته
أعزائي أعضاء منتدانا الغالي هذه القصيدة اهديها لمحبي البر والكشتات
اتمنى أن تنال استحسانكم ورضاكم
ياماحلا بالبر لا صرت مرار
مع روضة خضرا ولا احد وطاها
والجو بارد ما معه ذرة غبار
والغيم غطاها وغطى سماها
حولك معاميلك وربعك هل الكار
كل صفاته بالمراجل بداها
مقدارهم عندي مهوب أي مقدار
مقدارهم عندي وصل منتهاها
والله مابدلهم ولو صار ما صار
افعالهم معنا ولا الحق جزاها
ياما حلا مجلاسهم ليل ونهار
مايذكرون بقولهم من قفاها
وياماحلا الدله على حافة النار
صفرآ تقل غرو البنات بحلاها
وياماحلا فنجالها يوم يندار
لاصبها راع الكرم هو دواها
وإذا حصل لك مع هل الخير تذكار
فأنت الحظيظ محصلٍ لك مناها
تعاف عقبه ياولد نومة الدار
ودك تهد اجدار منهو بناها
ويااللي تبي تاخذ مع البر مشوار
خذني معك ترى فؤادي هواها
وصلو على اللي يذكرونه بالأذكار
بأول طلوع الشمس وآخر مساها
محمد اللي للحرم خير من زار
عد الرمال وعد رعيٍ رعاها
وسلامتكم
الشاعر / صالح المزيني