هذي اخرتها يا اهل الحباري

[هديب الشام]

يا اخوان والله هالني مارأيت ( حبارى مرمية جنب احد الاستراحات ) وسألت عنها قالوا صادها فلان اعلف الطير على الثنادي ورمى البقية يقول ضعيفة ما تسوى طبختها
الصورة تتكلم

http://www.mekshat.com/pix/upload/images22/mk12760_2006_111800066666.jpg

[الرّمااااي]

لاحول ولا قوة الاباللة

[راعي نواف]

والله الخبر فجرني تفجير مشكور اخوي هديب الشام.

[خشكاري]

إللي يشوف الحبارى بهذا الشكل يقول على إنها قفى من يشيل عندنا . . .!!

من جد صورة ترفع الضغط . . .

ومشكور أخي هديب الشام على هذه اللفته . . .

[هديب الشام]

اخواني الرماي وراعي نوف وخشكاري شكرا على المرور وفعلا انا منقهر

[هديب الشام]

لاتعليق على الردود

[فارس الرس]

والله شي يقهر فعلا :mad:
ولكن وسع صدرك اخوي هديب الشام حن بأخر الزمان والله يعيننا على الجاي:confused:

[هديب الشام]

فعلا والله صحيح بس القاهرني رايحين رحلة للبر خمسة ايام وتكاليف وتعب وطير مشري بالالاف وهذه النهاية

[alburkan]

والله شي يقهر

[هديب الشام]

ما شفنا راي الصقاقير

[501]

سبحان الله شي يخلي الواحد ينقهر ***** وحنا ياهل المقناص متعودين على هذي المشاهد من الناس :no2:

[هاوي مقناص]

السلام عليكم ورحمة الله وبركاته

لا تستغرب الخبر يا الغالي لان الحباري لحمها لستك ، واحلي مافيها الثنادي .

صدقني لو ان لحمها طيب كان الانسان ما يخليها ابد.

وتقبل تحيتي


اخوك:هاوي مقناص

[نهر العطاء]

فعلا اللي يشوف هالمنظر يقول الحبارى على قفى من يشيل عندنا :confused:

عموما لستك ولا جنط الله يرزقناها بس :)

[المري]

مرحبا بالاخوان وصراحة منظر ماهوب حلوى..

بس الغريب في الحبارى انها ماهيب محلله ؟؟!!! الظاهر انها ميته حراااام.. هذا اللي خلاه يرميها ..


والغريب الثاني .. جنحانها ماأخذها ( ملواح) !!!!!!!!!!!!!!!

أتوقع انه نسيها .. او شي من هذا القبيل..

شكرا هديب الشام وماقصرت وعسى الله يهدي الجميع.


اخوك / المري

[مدهوش]

سجل راي صقار عندك؟

حسبنا الله ونعم الوكيل والمثل يقول (إذا لم تستحي فاصنع ما شئت)

[المختلف]

حدث العاقل بمالا يليق فإن صدق فلا عقل له :no2:

[القصيلي911]

لاحول ولاقوة الابالله
يااخي يمكن تكون مربينها بالاستراحة ماتت رمها برا
والله اعلم واذا ان غير كذا مثل ماقلت مااقول الا انه
( مب صقاااااااااااااااااااااااااااااااااااااااااااااااا اااااار)

[حنوش]

الله يهديهم والحقيقة مالهم حق يرمونها بالشارع

[ولـد الدوادمي]

الله لايبلانا اصحاب العقول بنعمه

[هديب الشام]

تسلمو اخواني على الردود وفعلا اخوي المري الصقار انا اعرفه يقول ما ذكيتها اهم شي عندي الطير يشبع والباقي كيفه

[ولد333النفيع]

طيب كان عشا الطيور الثانية إذا كان عنده

وياخذ جنحينه يسوي فيه ملوح احسن له

وياخذ العرف ترا العرف شكله حلو وناس كثير تدورة

[barq]

اول شي الصوره ذي غريبه صحيح الحبارى ماهيب محلله وهذا امر غريب صدق يعني لو ما حللها الطير الواجب هو يحللها الا ان كانها ماتت عنده وعقب علفها الطير

اما الموضوع الثاني يرمي الحبارى ما ياخذ جنحانها! هذا امر يفك الراس

عساك خذتا الجنحان بس يا هديب

في سالفه اعبر من هذي واحد من الصقاقير مره قانص ومفرع طيره المهم الطير طلب شي وهده راعيه وساق وراه ويوم وصله لقاه محول على حبارى ميته في صبخه وياليت هذا الموضوع لقى ثمان حباري مرميات بالصبخه!!!!!!!!

ماكان من خوينا الا انه خذ الجنحان :)

الله لا يعاقبنا بس

[عاشق البسيتين]

إذا لم تستحي فاصنع ما شئت

[راعي شواش]

مساكم الله بالخير جميعا 00 اول شي اخي المري جاب المفيد 00 وانا عندي تعليق القانص الي بيقول لاشاف جرتها (ابشروبها) (وبيقصها) (وبيهد عليها ) (وبيسوق معها) (وبيذبحها لطيره) ( وبيعطيه المقسوم) وبيشيل طيره في السياره هذا شي اكيد والحبارى مستحيل يتركها ولاكن هذا لن يكون جنب استراحه ???00
انا عندي تعليق بسيط على هذا المنظر وهوا ( من تركها بهذه الطريقه هوا من صقاقير هدلي وهدلك والموعد القرعه العصر اشترى الحبارى وعلم طيره عليها وتركها كما يترك الحمامه ولن يراها ثانيه الى كما رأها اولآ )
تحياتي للجميع 000

[جرناس دبي]

السلام عليكم:
والله شي يقهر يا هديب الشام .هذي مش من عوايد الصقار ولا ريت مثل هل منظر.
انته متوكد انه صقار :no2: يمكن منكثرة الحباري إلي قنصها الرجال معاد يميز بين الحباري ليناس أدور عليها
والطير النورس(الصلال).

[هديب الشام]

مرحبا بكم اخواني والله اللي صادها واحد اعرفه شخصيا وصادها يوم السيت 27 /10 انا كنت في الرياض وجيت من بكرا وحصلتها عند الاستراحة مرمية وسألت عنها فالوا صادها طير فلان حية واعطاها ابو فلان يعلم طيره عليها الرجال علم الطير عليها وترك الطير ياكل منها لين شبع ولا حللها وجابها في الا ستراحة يوريها الشباب تقاسموها اللي اخذ جنحانها واللي اخذ رجليها وتركوها في الاستراحة وجا بكرا وهي في محلها مشمة ورموها جنب الاستراحة هذا كل القصة يا راعي شواش

[صقار قديم]

السلام عليكم جميعا ورحمة اللة وبركاتة ،،

فعلا ملاحظة الاخ المري في محلها تماما ، اذا امعنت النظر في الصورة فانك تشاهد ( جثة ) كجثة قتيل وجد مرمي قرب الطريق ، وليست حبارى صادها طير . وجود أجنحتها و عدم تحليلها بالذبح وكذلك لا توجد اثار للطير على رقبتها وكل اصحاب هذة الهواية يعرفون مدى ضعف هذة المنطقة من هذا الطائر، كل هذة الادلة تؤكد حدوث امر مريب لم نتوصل الى تفسيرة أما مقولة ان من صادها قام برميها بهذة الطريقة في الشارع فانني لا أتوقعها ، على اي حال لو ثبت عكس ما خطر للمري ولي ، وأن من صادها قام برميها عمدا بالقرب من استراحة فأقول لة أولا : لقد أخطأت خطأ كبيرا يا أخي بفعلتك المشينة التي يستنكرها كل من يمارس هذة الرياضة العريقة ، والتي طالما أطلق عليها رياضة الملوك في عصور سابقة ، وذلك لنبل وشيمة من يمارسها . أخواني الاعزاء الصيد بالصقور رياضة راقية جدا ويمارسها الكثير من الناس في مختلف دول العالم ويستطيعون ممالرستها بكل حريّة وفق قوانين واضحة ومحددة يلتزم بها الجميع لذلك تجد كل التسهيلات من قبل تلك الحكومات أما نحن ابناء الخليج فاذا قنصنا دمرنا كل ما هو في المناطق المقنوصة مالنا غرض بة وما ليس لنا بة غرض ، اذا وجدنا الصيد في الاماكن المسموح بالصيد فيها لم نكتفي بل حاولنا الدخول للمحميات والاماكن الممنوعة وذلك ضنّا منا وطمعا بوجود اعداد أكبر ، لذلك نشتكي دائما من تشديد القوانين وصعوبة الاجراءات سواء في بلادنا او في الدول العربية الاخرى او حتى الدول الاجنبية الاخرى و معظمها معروف للقنانيص.
ثانيا : لو صحّ ما لا اتمنى ان يكون من هذا الصقار فأرجو من من يعرفة او يتصل بة أن ينبهة لخطورة الخطأ الشنيع الذي ارتكبة عمدا أو خطأ و الصورة المشينة التي يضفيها على رياضة الاباء و الاجداد ، فواللة ان الصقّار الحق يدرك بأن المقصد من صيد الحبارى هو بالدرجة الاولى اجتماع و رياضة للنفس وتمارين اخلاقية عظيمة الفائدة و مهارات موروثة و حديثة متبادلة خاصة اذا تفاوتت الفئات العمريّة حيث يستفيد الصغير من ما تعلّم الكبير ، وكذلك في عصرنا يستفيد الكبير من التكنلوجيا و التقنيات الاخرى بمساعدة الشباب الملمين بالوسائل الحديثة .

اخيرا أتمنى أن لا يكون ماكتبتة ثقيلا على قلوبكم ولكن ما رأيتة استوجب علي المشاركة ،،

ولكم تحياتي و احترامي.

[هديب الشام]

الله يهدينا وياك اخوي صقار قديم تشكك في مصداقيتي انا مالي مصلحة انزل اخبار مزيفة او افبرك الاخبار وانا كتبت القصة كاملة حتى اللي رمى الحبارى زعل علي لما نشرت الموضوع في النت

[صقار قديم]

السلام عليكم ،،،
أخي العزيز هديب الشام المحترم ،، بعد التحية معاذ اللة يا أخي أن أشكك بما كتبتة في مشاركتك ، انما تصورت انك وجدت الحبارى قرب استراحة ما ، و انك قمت بسؤال من وجدتهم هناك فأفادوك بأنة فلان ( اي انة شخص ما لا تعرفة ). لو كنت أعرف انك تعرفة لأكتفيت بكتابة الجزء الثاني فقط من مشاركتي التي أتمنى أن تقرأها مرة أخرى لتتبين انني فهمت عكس ما تفضَلت بة.
أخي العزيز استميحك عذرا اذا كانت مشاركتي قد خرجت عن حدود اللياقة الأدبية ، ولكن يعلم اللة بعلو قدر هذة الهواية الراقية ومنزلتها في نفسي ، ومدى"" احترامي "" للطيور التي تقوم عليها هذة الرياضة الراقية.

تقبّل تحياتي ،،،

[هديب الشام]

تسلم والله اخوي الحبيب بالعكس انا اعذرك فيما كتبت لانه فعلا شيء غريب ما حدث من هذا الصقار

[قنيص الحبارى]

من كثرة الحباري ها ها ها ها