الفزعه يالربع الاديتر ماه به زيت والمكينه تمام

[شايف نفسه]

السلام عليكم ورحمة الله
كيف حالكم عساكم بخير
يا اخوان واحد من الزملا عنده جي اكس ار 2001
يقول اموره تمام لكن. يقول مره فتحت غطاء الاديتر
واحصل الماء كانه حليب شاهي يقول احس ان الارض دارت بي
ياولد الموتر خبط خلاص
يقول واسحب العيار واحصل الزيت ماشاء الله مثل ماغيزت لا نقص ولازود
ولونه ممتاز علما يقول ماشي عليه حدود 700كيلو من تغييرته
ابيكم تعطونا وش توقعون المشكله
وللعلم الموتر ما وداه للحين للورش وافقت اليوم مشغول
وبكره جمعه

ولاهنتوا وعادتكم الفزعه

[أكسبلور]

مشكلتة بسيطة بأذن الله ... وهي حاصلة معي بس ناسيها واول ماتذكرها برد عليك ..

[ابو رامي الجو]

:l:ماء الرديتر الموجود في السياره هو اصلي وإلا وبعدين ان شاء الله بسيطه:r

[sgl2002]

اذا هو تماتيك

تلقا مبرد زيت القير

[الطير الطاير]

بسيطة ان شاء الله
بس حاول تصلحها بسرعة
هذي طال عمرك ماصور تبريد زيت القير فيها تهريب

[مسير عليكم]

هو تماتيك ولاعادي

[مهند 2009]

وعليكم السلام ورحمة الله وبركاتة

زيت القير مع ماء الرديتر خالط عن طريق ماصورة تبريد الزيت

واذا تبي تتأكد اسحب عيار زيت القير وشف الزيت

الحل

تغيير زيت القير مع التنضيف وكذلك الرديتر مع التنضيف


* قد يكون خالط زيت المكينة وأنت شف العيار وغطا الزيت اذا علية رغوة او بياض أو ماء لكن اذا تقول الزيت سليم فالاحرى القير خالط

[محمد 2002]

حتى لو عادي
أتوقع مشكلته من مبرد زيت المكينة وموقعه تحت الاقزوز

[ابوراكان تبوك]

اذا هو تماتيك

تلقا مبرد زيت القير

:good2::good2::good2::good2::good2:

اذا زيت المكينه ممتاز ومالقى شيء على غطى الزيت ( اقصد يفك غطى الزيت ويشوف من داخله في بياض او لا )
اذا تمام المشكله من مبرد القير لالالالالازم يفحص زيت القير ويتأكد من عدم دخول الماء فيه وان لقى المشكلة من المبرد لازم يصلحه ويغير زيت القير والفلتر في أسرع وقت

بس الاكيد ان في تهريب زيت للرديتر 99% من مبرد القير اذا كان تماتيك

[شايف نفسه]

ماقصرتوا يا اخوان
والموتر قير عادي
ومثل ما قالو الاخوان احتمال مبرد
القير

بس فيه شي استجد وهو مضحك بنفس الوقت
ويوم فكرنا فيه قلنا مكن يكون هو السبب
وغسل السرندل اليوم والاديتر وبعد كم يوم بنشوف عنه

هذا سلمكم الله الموتر صاحبه مدخله تلميع كامل
مع المكينه
يقول انا اشك بالتلميع اللي يستخدمونه انه داخل على القربه
لانهم يغسلونه بضغط هوى
فمن الممكن انهم انفتحت القربه ودخلها شي من المحلول
وبعدها راح للاديتر ل
سبب
ان القربه الماء فيها مركز كانه حليب شاهي
والاديتر تركيزه خفيف

لكن ان شاء الله اوافيكم بالاخبار
واتمنى ان شاء الله تطلع المشكله بسيطه

[مسير عليكم]

قير عادي مافيه مبرد ولاكن علي قولك يمكن الاديتر مصبوب فيه شي خله يغسله ويتابع

[ابوراكان تبوك]

غريب الموضوع

ممكن السيارة خلطت قبل كذا وصلحوه ولا غير الماء

التلميع ماله علاقه لو تنقع المكينه في مويه ما يسوي فيها كذا

فيه طريقه ذكرها المهندس أصيل الحجازي لفحص الراس
انك تخلط موية الاديتر بنيله زرقاء سائله
واستخدم السيارة كم يوم بعدها امسح الشكمان من الداخل بقطعه قماش او فاين ان طلع به زراق معناه تهريب من وجه الراس للمكينة

ان شاء الله الامور سهالات دام الزيت نظيف

[محمد 2002]

اخوي ترى جيوب اللاندكروزر فيها مبرد لزيت المكينة تحت الاقزوز وناس كثير حصلت معهم نفس المشكلة يحصلون زيت مع موية الرديتر وغيروا المبرد وضبط الوضع