**** أكثر من سؤال بخصوص كاميرا go pro ****

[ريان2002]

السلام عليكم ورحمة الله وبركاته
قررت يا أخوان أشتري كاميرا قو برو من كام فورسيل وعندي أكثر من سؤال أتمنى ألقى لها جواب
1 / الكاميرا مايجي معها القطعه اللي تركب في القزاز وتتركب عليها الكامير فلو كانت متوفره في كام فور سيل كا إكسسوار ماهو إسم القطعه ؟ لأن الموقع بالإنجليزي
2 / لو بغيت أسجل مقطع فيديو لمدة ساعه هل ميموري 32 قيقا تكفي ؟
3 / لو شريت مايكرو ميموري من محلات الجوالات ينفع وإلا ضروري من محل كاميرات لأن محل الجوالات أرخص ؟
4 / لو أدخلت الميموري في اللاب توب أقدر أسحب الفيديو منها زي ميموري الكانون وإلا يبغالها برامج ؟
5 / ماهي إعدادات التصوير بالفيديو اللي ماتأخذ مساحه كبيره بالذاكره
أنا في إنتظاركم بارك الله فيكم

[الشوق بحر]

وعليكم السلام ورحمة الله وبركاته


السلام عليكم ورحمة الله وبركاته
قررت يا أخوان أشتري كاميرا قو برو من كام فورسيل وعندي أكثر من سؤال أتمنى ألقى لها جواب
1 / الكاميرا مايجي معها القطعه اللي تركب في القزاز وتتركب عليها الكامير فلو كانت متوفره في كام فور سيل كا إكسسوار ماهو إسم القطعه ؟ لأن الموقع بالإنجليزي
اخوي القطعة متوفرة لديهم اكسسوار والموقع عربي

2 / لو بغيت أسجل مقطع فيديو لمدة ساعه هل ميموري 32 قيقا تكفي ؟
لا اعلم
3 / لو شريت مايكرو ميموري من محلات الجوالات ينفع وإلا ضروري من محل كاميرات لأن محل الجوالات أرخص ؟
ما يفرق من اي محل الاهم هو سرعة الميموري وغالبا في محلات التصوير يهتمون بذلك اكثر
4 / لو أدخلت الميموري في اللاب توب أقدر أسحب الفيديو منها زي ميموري الكانون وإلا يبغالها برامج ؟
ما يحتاج اي برامج كانك فاتح فلاش ميموري عادي
5 / ماهي إعدادات التصوير بالفيديو اللي ماتأخذ مساحه كبيره بالذاكره
كل ما كان حجم الجودة وعدد الفريمات اقل يوفر لك مساحة اكثر
أنا في إنتظاركم بارك الله فيكم

[alwalhan]

مرحبا اخوي الله يعطيك العافيه ماقصر اخوي الشوق بحر عطاك المفيد انا لي كم اضافه بخصوص كم سؤال

بحكم اني مجرب Gopro 3 plus black انصح وانت مغمض حتى لو ما حصلت الاجابه على الاسئلة اللي فوق

اما بخصوص اضافاتي اللي حبيت اتكلم عنها ,,,
2 / لو بغيت أسجل مقطع فيديو لمدة ساعه هل ميموري 32 قيقا تكفي ؟
تكفي وتزيد حتى بأعلى جودة اللي هي 4K وجربت والامور طيبه بس لا تاخذ الا ميموري شغل ممتاز

3 / لو شريت مايكرو ميموري من محلات الجوالات ينفع وإلا ضروري من محل كاميرات لأن محل الجوالات أرخص ؟
مو قصة ينفع او ارخص او اغلى ,,, الميموري اللي في محل الجوالات غالبا ماتكون كلاس 4 انت في قو برو تحتاج الى كلاس 10 لسرعة استجابتها للتخزين ,,,

لا تفكر تاخذ اقل من 10 بتتعب في تسجيل الفيديو يطلع لك يقطع ..



وفي الختام اتمنى انك تجيبها من برا اوفر لك انا جبتها من امريكا كلفتني مع الاكسسوارات تقريبا 1700 ريال

الاكسسوارات اللي جبت معاها
حزام راس + حزام صدر + استاند القزاز + بطاريتين اضافية + موني بود + حقيبة للكاميرا ,,

وبالتوفيق

[ريان2002]

أخي الكريم الشوق بحر
جزاك الله خير على ماذكرت وأتمنى تعطيني رابط القطعه اللي عندهم وتركب على القزاز وموقع كام فور سيل صحيح عربي ولكن كنت أقصد المنتجات تسمياتها وبياناتها ومميزاتها بالإنجليزي وماني خبير في منتجات التصوير مثل هالمواصفات تحت كلها إنجليزي

http://cam4sell.com/1302,ar_gopro-hero3-plus-black-edition.html

أخي الكريم الولهان
جزاك الله خير على ماذكرت ولك كل الشكر ولو كنت أقدر أجيبها من برى كان جبت الأهم منها ولكن اللي عندنا فيه الخير والبركه إن شاء الله

[alwalhan]

http://cam4sell.com/1324,ar_delkin-fat-gecko-single-suction-for-gopro.html


هذا القطعه اللي طالبها اخوي ريان2002

على فكره في Ebay سعرها بـ 7 دولار وشهنها بـ 50 ريال على البريد السعودي

تقريبا تكلفك 70 ريال وكام فور سيل يبيعها بـ 135


اذا انت بالشرقية انا اقدر افيدك بطلبات من برا اذا بعيد الله يساعدك

موفق يارب

[ريان2002]

ماقصرت يا الولهان على المتابعه وبيض الله وجهك في الدنيا والآخره