وش افضل طريقة لحفظ القهوة

[.. PATROL ..]

السلام عليكم

مساكم الله بالخير

القهوة .. دايم يتغير طعمها واضطر اغيرها بسبب طعمها المتغير

وش افضل وسيلة لتخزين القهوة بالعزبة بدون ما يتغير طعمها وريحتها


وشكرا :good2:

[aborajwa]

افضل طريقة تخليها حب محموصة .. وتاخذ طحانه وكل ما بغيت تسوي قهوه تطحن البن اللي يكفي الدلة ... سويتها وارتحت لو تجلس سنه ما يضرها .. طبعا تحفظها حب محموصة في حافظة جيده قزاز او المنيوم داخل كيس .

[خالد الخطير]

كنت سابقاً اخليها حب ومعاي نجر :D

بس حسيت ان المسألة صارت قلق :)

بعدها لقيت علبة (مهبولة) عبارة عن غطاوين

وتحفظ القهوه والشاي والهيل والقرنفل ... الخ ، لمدة طويلة

وحجمها ممتاز ، لا كبيرة ولا صغيرة

وهذي صور لها سحبتها من النت ، لاني عاجز لا اصور وافكفك العزبة :D

http://im38.gulfup.com/vwxdN.jpg

http://im38.gulfup.com/QD7By.jpg

http://im38.gulfup.com/P0Ynm.jpg

ميزتها غطاوين و تحفظ باحكام

[حمد؟؟]

انت لو قلت وش كنت حاط القهوه فيه كان احسن
لاكن
اسمع
انا عانيت من تغيير طعم القهوه
وغيرت كلاتي
علبة القهوه القهوه نفسها المفواح الدله الماء لي التانكي الهيل المسمار
تخيل بعد هذا كله نفس المشكله على ان القهوه جديده
تخيل وين لقيت المشكله
علبة الهيل
هي الوحيده اللي ماغيرتها
والله ياهي تغير طعم القهوه مرررررره
المهم الكيس و العلب البلاستيكيه لايقرب الهيل والقهوه والمسمار اذا صار مطحون نهائي
وخذلك علبة استيل ولايكون غطاها بلاستك انتبه
كلها استيل
ولاتقول بحط القهوه بكيس وحطها داخل العلبه
ودايم حاول تبعدها عند الشمس في البر
وان شاء الله بتدعيلي

[motlq]

اذا في البيت حطها في الفيريزر

[كباس]

تحمص القهوه دون طحن وكل مابغيت اطحن وحطها في علب قزاز

[ابو ساره العنقري]

اخليها حب ومعي طاحونه صغيره بالعزبه لها وللهيل

ولا اروع

[الفريح1]

افضل طريقة حمص القهوة بس لاتطحنها ....اذا بغيتا تصلح قهوة اطحن على قدرك

[ابوحمد5]

عليك بالقزاز

[ابوحمد5]

علب القزاز ممتازه جدا

[الرحال2222]

تعبت من كثر ما اغير بذا العلب

كل مرة وانت طالع مر اقرب محل وخذ منة قد حاجتك للقهوة جديدة يطحنها قدامك وريح راسك

[مشلخ الذيب]

علب بلاستيك تقوم بالواجب .. والهيل اهم شي حطه بعلب قزاز


هذا اللي انا اسويه ولا يتغير الطعم ولاشي كنك طاحن القهوة قبل ساعة

[وضاح القمر]

عليك بعلب القزاز.. الجبن الحجم العائلي للقهوة.. وكذلك العلب القزاز الصغيرة للهيل والمسمار

الشاهد العلب البلاستيك ﻻ تقربك أبدا.. ﻻ للهيل وﻻ للقرنفل وﻻ للقهوة..

علب الستيل زينة للشاهي.. لكن للهيل والقرنفل والقهوة عيبه إنه يهرب النكهة وﻻ يحفظن زين

ووصية.. اشتر واحفظ بالفريز (بعيدا عن اللحم والزخمة).. واطخن بقدر حاجتك.. ﻷن القهوة والهيل إذا أبطن مطحونات تفقهد رائحتها

[ابوطيف2]

افضل طريقة تخليها حب محموصة .. وتاخذ طحانه وكل ما بغيت تسوي قهوه تطحن البن اللي يكفي الدلة ... سويتها وارتحت لو تجلس سنه ما يضرها .. طبعا تحفظها حب محموصة في حافظة جيده قزاز او المنيوم داخل كيس .
هذا احسن احل برأيي القهوة حساسة حيل
واذا كانت مطحونة ومر عليها وقت تتغير حيييييييييل