تغيير زيت المكينة

[talol]

اخواني لي فترة طويلة اغير زيت 20w50 فوكس سوبر جي تي وسمعت انه ثقيل جدا وقد يخرب المكينة على المدى البعيد .
فهل استطيع التغير للزوجة الوكالة 10w30 اما راح تحصل مشاكل بالمكينة بسبب تغيير اللزوجة؟

[هاوي بلادي]

السلام عليكم

على حسب موترك وموديل

ومحرك !

ويش موترك وموديل

لاهنت !

[talol]

اكسبلورر ٢٠٠٤

[uaa.123]

هلا بك اخوي ..
كان معي هايلكس وكنت استعمل 20w50 قرابة 5 سنوات والحمد لله من نوع سوبر جي تي و ما اشتكيت من شيئ لكن لو تبي تغير حول على 20w50 بترومين الترا 7 اجود من سوبر جي تي ولك حرية الاختيار ,,

[أبورشيد600]

اخوي ضبط الاكسبلور يلي عندك

[1824]

حسب الممشى اذا كثير فالضرر قد حصل للمحرك وانتهت القضية وتغيرك للزوجة اخف راح تصير مشكلة لان محركك توسع من داخل بكثرة بسبب تاخر وصول الزيت باستمرار يمكن افضل حل عشان توازن الوضع تغير زيت عيار 10w40 بالتوفيق لك

[بامالك]

من اول يوم تسلمت فيه السيارة الى قبل سنة من الآن ونا استخدم زيت عيار 20W-50 والحمد لله لي سنة الان مغيره لـ 10W-30 والحمد لله من حسن إلى احسن نعومة وخفة وضجيج اقل , السيارة موديل 2009 وقت التغيير تقريبا بعد 180 الف كيلو .

ملاحظة لكن ماني متاكد منها : كنت الاحظ حرارة السيارة ونا طالع الهدا اشوفها ترتفع شويا , ماني متاكد هل السبب ان الزيت خفيف ولا يمتص حراره المحرك او لا ... ارجو انكم تصححون الملاحظة .

[1824]

من اول يوم تسلمت فيه السيارة الى قبل سنة من الآن ونا استخدم زيت عيار 20W-50 والحمد لله لي سنة الان مغيره لـ 10W-30 والحمد لله من حسن إلى احسن نعومة وخفة وضجيج اقل , السيارة موديل 2009 وقت التغيير تقريبا بعد 180 الف كيلو .

ملاحظة لكن ماني متاكد منها : كنت الاحظ حرارة السيارة ونا طالع الهدا اشوفها ترتفع شويا , ماني متاكد هل السبب ان الزيت خفيف ولا يمتص حراره المحرك او لا ... ارجو انكم تصححون الملاحظة .

ليس له علاقة مباشرة ولكن عامل مساعد ولكن خفة الزيت افضل في تزيت المحرك وبالعكس يقلل الحرارة ولا يرفعها فمشكلتك في مكان اخر بالتوفيق لك

[هاوي الديرة 1]

الزيت هذا استعمله في سيارتي من 14سنه والان السيارة ماشيه حول 500 الف وما فيه الا العافيه واترك كلام الناس
ابدل الزيت كل 4000 الاف كليو واخذ الزيت بالكترون اضمن واقل سعر

[1824]

الزيت هذا استعمله في سيارتي من 14سنه والان السيارة ماشيه حول 500 الف وما فيه الا العافيه واترك كلام الناس
ابدل الزيت كل 4000 الاف كليو واخذ الزيت بالكترون اضمن واقل سعر

استعمل زيت المصنع المطلوب وتمشي مليون مو 500 الف توك على عمر المحرك الافتراضي لا مشيت مع تعليمات المصنع ما اتوقع تخرب السيارة من الاساس يمكن تموت والسيارة باقي شغالة بالتوفيق لك