استفسار عن جيب في اكس ار ٢٠٠٧ .

[غرتني الايام]

السلام عليكم .
عندي صوت دقة في تعشيقة الدي والرويس مدري هي طبيعية والا فضاوة في الديفرنس ارجو الافادة .

[اليامي قطر]

الاغلبيه اتكون من كلتشات القير

معروفه بالتماتيك بس عادي اتعمر معك فتره من الزمن

لاتحاتي

[غرتني الايام]

شكرا علا المشاركة مدري بس فيه اعطال ثانية تسوي دقة فالتعشيقة .

[ابوراكان تبوك]

فيه وشائعه
الرباعي المستمر او الاعمده محتاجه شحم

[غرتني الايام]

طيب انا فحصته عند واحد تركي يقول فضاوة فالدفرنش يقول شيك علا زيته وشحم الصليبات و الصليبات بس فيه المشكلة

[ابوحمد766]

هذي الطنجره الي تكون بين القير والمكينه

غيرها بأسرع وقت لانه إذا خلص الزيت الي فيها ما تعشق

هذي لها عمر أفتراضي وتغير مثل الدزق والكلتش


والله يكون بعونك

[اليامي قطر]

شكرا علا المشاركة مدري بس فيه اعطال ثانية تسوي دقة فالتعشيقة .


صح نسيت ان موترك دفع رباعي

وبالعاده اتكون فيه دقه مع التعشيق

لو كان دفع خلفي مايدق معك للقير عادي والتماتيك

كان عند عمي فكسار 2006 ونفس الشي واستخدمه

مافيه الا العافيه

[راعي الرود]

اذا هي صوت طقه خفيفه مافيه مشاكل ان شاء الله اغلب التماتيك كذا
اذا الطقه صوتها غير طبيعي و مزعج او كان فيه رفسه بالموتر مع صوت الطقه بالعادة لا تخلو من هالأمور:
- فضاوة في الدفرنس
- مشكله بالعمود سواءاً يحتاج تشحيم للصلبان او تغييرها
- المقصات الخلفيه عددها 4 او يسمونها عمدان السحب
- جلد دفرنس او يسمونها كرسي دفرنس امامي او خلفي
- كرسي قير

شيك على هالاشياء وشف اقرب احتمال و لعلها بسيطه إن شاء الله .

[غرتني الايام]

والله مدري بس هي لها فترة هي اذا عشقت بالدي والرويس اذا تحرك الجيب اول حركة تسمع صوت دق . جات اكثر من ميكانيكي مايعرف ولكن بحط جميع الاحتمالات اللي اكتبوها الاعضاء وارد لكم خبر والله يعطيكم العافية .

[يالبى الهلا]

لاتخسر فلوسك علي الفاضي المشكله من الدبل فية فضاوة واصلاحة يكلف مبلغ وقدره مالك الابفصل الدفع الرباعي وبتحس الموتر خف عليك والصرفية قلت

[طير شلوى نجد]

وانا اخوك طبيعي بأغلب الفكس ار الدفع الرباعي المستمر لا ينشغل بالك اخوك مستخدم للفكس ار

[غرتني الايام]

تقريبا ياطير شلوا بس والاعطال اللي اذكروها الاعضاء. شيكت علا كل شيء اوكيه والا الان كل ميكانيكي يعطيني عطل . طير شلوا ويامي قطر يقولون طبيعيه .