بعد بحث طويل انحلت مشكلة الطقطقه في الاكسبديشن

[حسن القبيسي]

اخواني السلام عليكم حبيت افيدكم بتجربتي مع الطقطقه في مكينه الاكسبدشن كان عندي صوت عذبني من سنه ماخليت ورشه وكل واحد يعطي كلام المهم اخر ماتوصلت اليه رحت الوكاله شافو السياره قالو مشكله داخل القير المهم مااقتنعت جاني واحد هندي وارسلني علي مكانيكي بصناعيه الخليج بالثقبه والله الي يشوف الورشه مايدخل سياره مديل ستين المهم توكلت علي الله ودخلت السياره عنده المكانيكي اسمه مضفر ورشته ملاصقه لمحل الكهربائي جمال السوري كان شغال عندالملحم وبعدها طلع وفتح ورشه الصوت كان يجي عندي جهت اليمين مقابل الراكب براس المكينه طقطقه غير منتضمه ويبان اذا عشقت السياره ومشيت او اذا شغلت المكيف ودعست بنزين خفيف يطلع الصوت طلع العطل من حساس الكام ومكانه في راس المكينه جهت فتحت الزيت هم اثنين واحد يمين واحد يسار وبرضه من ترس التيمن الي يركب عليه الجنزير غيرت اثنين حساسات واثنين تروس وراح الصوت اخيرن والحمد لله ومن اراد توضيح اكثر يتواصل معي خاص

[Bleazr]

الحمد لله ان الموتر ضبط بس اخوي بسالك عن الصوت يعني وانت داعس بنزين يطلع معاك على طول وإذا بعدت رجلك عن الدعسة ( كرمت وكرمو القراء ) يختفي الصوت !
لان عندي صوت مشابه افدني

[حسن القبيسي]

الصوت تسمعه اذا عشقت السياره ومشيت يشبه صوت البلوف اواذا شغلت المكيف ودعست بنزين تسمعه اما اذا شلت رجلك عن البنزين يختفي ماتسمع الصوت اواذا لفيت الكفر الي الاخر ودعست بنزين برضه يطلع الصوت انت شيك علي البكرات اول وعلي الرمان حق الدينمو والكمبرسر اذا كلها سليمه ابداشيك علي حساسات الكام فيه فيش كهرب راكب بالحساس افصله وجرب ادعس بنزين اذا الصوت اختفي اوقل فتاكد ان المشكله من حساس الكام مايودي زيت كفايه لترس الجنزير غيره مع الترس وبتزين السياره طبعن غير الجهتين يمين ويسار ضروري وبرضه شيك علي طرمبة الزيت

[عبقري91]

الله يبيض وجهك ويجزاك خير. ويعوض ربي عليك

[Rapture]

اخوي ايش اسم الورشة وين مكانها بالضبط في صناعية الخليج ادخل لها من الشارع العام ولا على جنب جهة المقبرة

[الشرقيه 03]

اخوي اتمنى التوضيح صناعية الخليج الجديده ولا القديمة اللي بجانب المقبره
اتمنى التوضيح يالغالي وان شاء الله تنسى هم الصناعية

[وجعين]

ندي نفس الصوت نفس صوت الجنزير اكسدبيش اسمعه اذا مشيت بين البيوت بين جدارين لان الصوت يرتد مشكور يالغالي

[خشير الذيب]

جزاك الله خير على نصيحتك

[اكسبدشن 11]

يا اخوان انا عندي طقة عند التعشيق من n الى d زي طقة الصليب حصلت معي من يوم سافرت عليها رحتابغىاشحم الصليب قالو مافيه تشحيم للاكسبدشن تركتها لين رجعت للديرة و مريت ورشة ونزل شيك على الصليبات يقول الرخاوة ظاهرة في الصليب الوسطاني غيرته واحس انه مرة يروح ومرة يرجع ويكون وقت تحميل القير في d نورونا يا اخوان