الدبل الثقيل مايعشق باترول 96

[خشير الذيب]

السلام عليكم ورحمة الله وبركاته وبعد اسعد الله اوقاتكم جميع عندي سؤال
عندي بترول 96 الدبل الثقيل كان يعشق بصعوبه واذا عشقته وفكيته يسهل تعشيقه مره اخرى وﻻكن احيانا نا احتاجه اﻻبعد سنه واﻻ سته شهور ولما احاول اعشق العصا مايعشق ﻻزم احاول كم مره واﻻ اسحب العصى بقوه
افيدونا جزاكم الله خير

[اسدهم]

شيك علا زيت القير الدبل لة صرة بلحالة وهمن علا مجري القير حق التعشيق لا يكون شي مدقرلة اذاكان سليم علا كلامك

[حجاب ودهيس]

انت معك علم ان عصا الدبل تضغط تحت عشان يعشق الثقيل بالنسبه للنيسان والتويوتا تسحب فوق

[sgl2002]

لا لا


الباترول تضغطه تحت


ع العموم انزل تحت الموتر ونظف عصا الدبل بالخاخ تلباه مجمع عليها الاوساخ

[عابر الموج]

بالشهر مرة لازم تستخدم الدبل خفيف وثقيل اقل شي 3كم حتى يكون دائما سلس بالتعشيق المصنع يقول الكلام هذا راجع الكتالوج السيارة بالتوفيق

[خشير الذيب]

السلام عليكم ورحمة الله وبركاته.
وبيض وجوهكم على الردود والتفاعل
وبالنسبه للضغط نعم اعرف استخدم الدبل في جميع السيارات ولله الحمد
وﻻكن بعد الضغط تحس بصعوبه في سحب العصا واحيانا ماودك تجور عليه ﻻتخرب شي وراح ان شاء الله تعالى احاول انظفه ببخاخ ايسي دلكو وان شاء الله يضبط اما الزيت مشيكه تمام وﻻكن مشكلت الموتر يوقف بالشهر والشهرين والدبل احيانا فتره طويله ما اعشقه بسبب وجود مواتر غيره

[sgl2002]

ترى يعلق تعليق طبيعي مايشبك معك بالضغط


بعلمك طريقه يعشق بسهوله


حط الدبل N


ابدا عشق الاول وفك الكلتش وادعس كانك تمشي بتشوفه مايتحرك

ثم الثاني والثالث نفس الشي

بعدها فك رجلك لين يهدا المحرك


ثم اضغط الكلتش وعشق الدبل بيلقم معك بالراحه

[خشير الذيب]

ابشركم اليوم عشق الضاهر انه كان معلق من الغبار واﻻ مدري و اللي كان ماسكه

[ددسن مسدرك]

السلام عليكم يا حبيبنا

المشكلة اللي عندك الله يحفظك صارت في بترول عندنا نفس الكلام ثقيل في تعشيق الدبل الثقيل ..
و حل المشكلة صار بتنظيف العصا من تحت بالبخاخ و غسيلها بالبنزين لأنه كان المجرى حق الدبل جامع التراب و الغبار و بعدها صار يعشق بسهولة تامة و الشغل ذا كله ما يكلفك الا ٣٠ ريال تقريباً