وين ورش المنطقة الشرقية ؟؟؟

[الباااحث]

السلام عليكم ورحمة الله وبركاته ...
قريت موضوع للاخ باثفايندر03 الي يقول فيه انه راح للرياض لتصليح سيارته وشرهتوا عليه
وقلتوا فيه ورش في الشرقيه ومافيه داعي الواحد يروح للرياض طيب كلام جميل
انا عندي سياره سفاري 97 بخاخ وعندي كم مشكله فيه ومريت به على اشهر الورش في الدمام
ولا احد عرفله الي فيه اول شي وزن ديلكو الوزن الصحييييح ثاني شي الموتر اذا دعستله مكتوم
تحس فيه شي مايخليه ينطلق واخر شي وزن البلوف صوتها واضح وكل الي رحت لهم يقولون خله
كذا احسن نخاف نفكه ولايضبط ...
اﻻشياء الي غيرتها وطبعا كلها اصلي وكاله هي بواجي وصفاية بنزين وطرمبة بنزين وفلتر هواء
ونظفت حساس الهواء بمنظف خاص ونظفت الثروتل بمنظف خاص وفحصت البخاخات كمبيوتر طلع
كل شي سليم ... ولا تغير شي السياره هيا هيا
اسف على اﻻطاله ولكن مرتفع ضغطي وحبيت افضفض .. ملاحظه ماعندي مشكله في السعر بس
القى واحد يضبط الموووتر
الكره في ملعبكم واول واحد اﻻخ العزيز اصيل حجازي

[أصيل حجآ زي]

وعليكُم السلام ورحمةُ الله وبركاتُه
عـزيـزي / الباَحّث
رُح ل الـمـُهـنـدس أبـو شـعـبـآن
مـُدير ورشّة السروآت بـالـدمـآم .

أستشرهُ وخلُه يشرف على إصلاح سيارتّك

بتحصل ولدهُ المُهندّس / عبدالرحمن
اطلُب الشايب ابو شعبان
بـالـصـنـآعـيـة ( الخـُضرية) غـربها
بـالشـآرع الرئيـسي بها.
وأنـت جـآي مـن الـبـلـد من شـآرع سـعـود.
مـُجـرد تـتـعـدى أخر أشـآرة ///
أشـآرة ش عمر أبن عبدالعزيز / سـيـهـآت
وأنـت كـأنـك تـبـي الـجـبـيـل / رآس تـنـورة RT .
يـصـآدفـك عـند المفرق الذي بعد الأشـآرة
بخط الخدمة الذي يتجه للخط الـسـريـع.
يوآجـهـك كـفـرآت بـريـلي الألـمـآنية
على اليمين / شـعـآرهـ أحـمـر كـآتـم.
بـعـدها بـمـئـة مـتـر تـقريبآ '
تـدخـُل يـمـين بـالـشآرع الرئيـس.
على يمينك على طـول
ورشة الـسـروآت لأبي شــعـبـآن.
لـوحة زرقاء بالزآوية بالخط الأبيض .
أبو شــــــعـبـآن : لأغلب السيآرآت .
/ وقــُـل لـه ُ مـن طـرف خـويـك
مـُهـنـدس الطيرآن وســـوف يـعـرف
وسوف يعـلـمـك مـُشكلتك وحلها بإذن الله .

بيفيدك أن شــاء الله .

أبو عـبـد الرحمن
""" الأصـيـل الـحـجـآزي """

[الباااحث]

اولا شاكر لك اهتمامك وسرعة الرد .. وبالنسبه للورشه الي ذكرتها قد رحت لها وقال مااوزن ديلكو ولكن عشان خاطر عيونك برجعله واقوله من طرف ابوعبدالرحمن يمكن يغير رايه وراح اعلمك بلي يصير معي .

[awa141]

السلام عليكم،

أخوي الباحث ممكن انك تمر صناعية التركية بالقطيف شباب سعودين اكثر شغله نيسان و تعبيث سيارات

اذا في شي انا في الخدمة

[sgl2002]

عندك ياطويل العمر حاجه بسيطه


ياليت تشيك على خرطوش الهواء اللي بين حساس الهواء وثلاجة المكينه

لان اي قطع بسيط فيه يخلي الموتر مكتوم ولا يمشي
وكذلك نظف البوابه الثروتل

[العنابي 616]

ورشة صبيا في الخضرية ورشتهم كلها لاندكروزرات و باترولات

[نننننننننن]

عندك ورشه صبياء تخصصهم جيوب وشغلهم ممتاز

[الباااحث]

السلام عليكم .. ومساكم الله بالخير جميعا ..
اخوي اﻻصيل حجازي هالحين توني جاي من عند ابوشعبان ويوم قلتله اني جاي من طرفك يشهد الله ماقصر وجرب الموتر وقال فعلا عزمه ضعيف
ووزن الديلكو بيده ورجع جرب الموتر وصار يلقلق ورجعه مثل ماكان وقال اتوقع انه الكلتش رح لورشة صبيا خلهم يشيكون عليه ورحت لهم وجربوه
وقالوا الكلتش سليم رجعتله قال والله ماادري وش اقولك ماعندي لك حل ثاني..
اخوي awa141 مااعرف وين الصناعيه الي تقول عليها .
اخوي sgl2002 شيكت على الخرطوش سليم وتم تنظيف الثروتل زي ماذكرت ماتغير شي ..

[نننننننننن]

طيب شيك على مواصير البنزين يمكن فيها عفطه ولا شي

[رحال7]

الله يسهل أمرك
جرب ورش الثقبه

[sgl2002]

اخبر فيه واحد متخصص نيسان هندي كان شغال بوكالة الحمراني شفه بصناعية الثقبه


اسال عنه داخل الصناعيه يدلونك لان الصناعية ماهي ذاك الكبر

[الباااحث]

اخوي sgl لو عندك وصف لورشته بتفيدني لانه صعب تروح تسال تقول هندي كان شغال عند الحمراني ؟؟ وشاكر مرور باقي الشباب ...

[الباااحث]

السلام عليكم ورحمة الله وبركاته ..
هالحين تاكدتوا ان الشرقيه مابها ورش عليها القيمه ومافيها ناس فاهمه .. اجل لعاد تلومون الواحد اذا طلع برى الشرقيه يصلح سيارته .
وفي الاخير الله يعينني ويعين الجميع وشاكر لك من شارك في الموضوع وحب يساعد ويخدم ...

[awa141]

السلام عليكم .. ومساكم الله بالخير جميعا ..
اخوي اﻻصيل حجازي هالحين توني جاي من عند ابوشعبان ويوم قلتله اني جاي من طرفك يشهد الله ماقصر وجرب الموتر وقال فعلا عزمه ضعيف
ووزن الديلكو بيده ورجع جرب الموتر وصار يلقلق ورجعه مثل ماكان وقال اتوقع انه الكلتش رح لورشة صبيا خلهم يشيكون عليه ورحت لهم وجربوه
وقالوا الكلتش سليم رجعتله قال والله ماادري وش اقولك ماعندي لك حل ثاني..
اخوي awa141 مااعرف وين الصناعيه الي تقول عليها .
اخوي sgl2002 شيكت على الخرطوش سليم وتم تنظيف الثروتل زي ماذكرت ماتغير شي ..


أخوي الباحث،
بالنسبة الى الصناعية تسمى صناعية تركية في القطيف على طريق تاروت.
و لو تسال أي أحد راح يدلك او تسال عن مستشفى المواساة بالقطيف لانها ما تبعد عنه كثير.