لمتى يا اليوكون و انت كذا

[ابو وائل فهد]

🔴
اقنعوني بالاستمرار مع اليوكون
هذا ثاني يوكن املكه وتجي فيه ها الحالات الغريبه

بالله عليكم كم واحد مرت فيه هالحاله المهم
يا اخوان ابي حل عاجل طفشت منه

-من عشاق اليوكن ولكن للاسف مايحدث
شي غير معقول×. قبل سنتين ونا توني فاكه جت هالحاله
انخفاض المحرك واخذته ايسي ديلكو
قالو انت وحظك بنغير زيت القير وممكن تروح
وممكن لا وش هالموتر الي ع الحظ وقتها ندمت
اني شريته المهم غيرو الزيت
وضبط
هذا ايامها كان الموتر ماشي 60 وشوي

و الان الحمدلله السياره لازالت نظيفه ماشي
الحين 120
2010 يوكن طبعا
طلع معي في التابلون×
العلامة الي دايم تزعجنا×
و امرضتنا

فحص جهاز الثبات×
و انخفاض طاقة المحرك×

-فصلت البطاريه شهرين ع هالموال×
تروح وترجع×
-سويت برمجه عند مختص ما نفع×
-رحت لمنير حق الروضه الرجال انجن
تروح وترجع فحص لي الفيوزات×

وقال بشيك الظفيره×

(الموتر النمر ثقيله وتختفي العلامة الي تحت×
نمر القير بالشاشه D وغيرها

واذا وديته الوكاله انزله عندهم يدقون
يقولون راحت من حالها مانقدر
نشتغل


يعني بالله كيف اتطمن بسفر
مع هالحاله والحين راميه
عند منير

يا الربع من الي مرت عليه
هالشغله يفيدني كرما

[ابو وائل فهد]

للعلم اليوكن الي قبله ٢٠٠٩
مستعمل كانت تطلع هالتصنيفات
في راسه و افضل بطاريه
ولا اروح للمبرمجين
فقلت ممكن لانه مستعمل وحبيت
السياره وبعته وفكيت ٢٠١٠
لكن والله الحين بلشت

[ابوعزآم]

اذا الشغله معقدتك وماحصلت حل عند الورش وخايف يلعبون فيها رح لـ تراي ستار صح غالين بس ينهي لك المشكله ...


واذا تقول شغلهم غالي افحص عندهم بس لان فحصهم افضل من الورش الثانيه .. أسأل مجرب ولا تسأل طبيب

[ابو وائل فهد]

فحص الجهاز يطلع كمبيوتر القير
ورحت لمهندس كان يشتغل بالجميح
ركب عليه كمبيوتر قير ما تغير شي ابد

الموتر استخدام شايب الطعوس مايعرفها ابد
و اذا جيت ستار بيقولون بلف بودي ولا كمبيوتر قير

[ابو وائل فهد]

يااااااااااااااااااااااازين التاويوتا

ينسيك ريحة عفن اليموزينات

اه بس المشكله كل ما سالت صاحب يوكن قال
تصدق قد مر علي كذا اقوله بتجيك يا المستانس

[cadillac911]

ايوة وتثبت السرعة في تويوتا وتموت او تنجلط من الخوف


Liverpool for ever

[ابو وائل فهد]

يا الطيب والله ماعلى ذمتي تويوتا

كل الي عندي جموس
...

ونياسين النياسين بيع وشرا


لكن والله من عرفت اليوكن ويدي ع قلبي كل
شوي اتوقع انخفاض المحرك لمتى ها المشاكل

[ابو وائل فهد]

قال ايش يعلق بك التويوتا
يارجال ناسي اليوكن الي علق
هذي حالات واحد بالمليون
لكن العله ذي وش حلها

[cadillac911]

ما هي مشكلة التويوتا القديم انا معاك قلبا وقالبا لكن الجديد ابو كلب


Liverpool for ever

[abo yusef]

🔴
اقنعوني بالاستمرار مع اليوكون
هذا ثاني يوكن املكه وتجي فيه ها الحالات الغريبه

بالله عليكم كم واحد مرت فيه هالحاله المهم
يا اخوان ابي حل عاجل طفشت منه

-من عشاق اليوكن ولكن للاسف مايحدث
شي غير معقول×. قبل سنتين ونا توني فاكه جت هالحاله
انخفاض المحرك واخذته ايسي ديلكو
قالو انت وحظك بنغير زيت القير وممكن تروح
وممكن لا وش هالموتر الي ع الحظ وقتها ندمت
اني شريته المهم غيرو الزيت
وضبط
هذا ايامها كان الموتر ماشي 60 وشوي

و الان الحمدلله السياره لازالت نظيفه ماشي
الحين 120
2010 يوكن طبعا
طلع معي في التابلون×
العلامة الي دايم تزعجنا×
و امرضتنا

فحص جهاز الثبات×
و انخفاض طاقة المحرك×

-فصلت البطاريه شهرين ع هالموال×
تروح وترجع×
-سويت برمجه عند مختص ما نفع×
-رحت لمنير حق الروضه الرجال انجن
تروح وترجع فحص لي الفيوزات×

وقال بشيك الظفيره×

(الموتر النمر ثقيله وتختفي العلامة الي تحت×
نمر القير بالشاشه D وغيرها

واذا وديته الوكاله انزله عندهم يدقون
يقولون راحت من حالها مانقدر
نشتغل


يعني بالله كيف اتطمن بسفر
مع هالحاله والحين راميه
عند منير

يا الربع من الي مرت عليه
هالشغله يفيدني كرما

اذا فحصت واش الكود اللي طلع
عموما شيك على ضغط الطرمبه
على البواجي والدبات للشكمان
على دعسات البنزين الخارجيه والداخليه وافياشها
صندوق الفيوزات واﻻرضي للبطاريه
اذا طلع لك في الفحص حق القير كمبيونت سليبينق فلا تتعب نفسك يبلها تنزيل قير وفحص الكفنريتر والطرمبه
قبل ماتفحصه افحص ضغط الزيت وحرارةالقير كم تجي عندك
تاكد من كمبيوتر الطرمبه اللي في جنب التانكي
اذا انت موديه للوكاله فقلهم ابغى اعادة الضبط للسياره

[deer]

شف وانا اخوك انا بهذلتني قبلك هالمشكلة بانخفاض ضغط المحرك ولمبة جهاز الثبات مع بعض ...

وبعد الحوسه اكتشفت انها من الدعسه الخارجية ... فيها ترس بلاستيك تتكسر بعض سنونه ويسبب المشكله

قيمته 1450 تقريبا تزيد او تنقص ... من الوكاله

تأكد من دعسة البنزين الخارجية اسمها الثروتل بالانقليزي

والله يوفقك ومن يقرأ

[MSAN]

فيش أو أسلاك ثروتل الدعسة الألكترونية


مشكلة معروفة في أغلب سيارات جي إم من 2005 وفوق

[ابو وائل فهد]

الله يجزاكم خير جميعا ما قصرتو
هل يوجد ورشه اخرى غير منير الي في الروضه
له اسبوعين عنده ما عرف علة الموتر علما انه محترم
وكويس و امين
-قال كمبيوتر قير ابركب لك مستعمل
لان الجديد يبي برنامج بألف ريال غير سعره

يقول جاب ٣ كمبيوتر قير مستعمله شغاله
ما ضبط الموتر
(ملاحظة فيه ميكانيكي علمته و قال لي مفروض يوم ركب
المستعمل يسوي برنامج له )
عاد منير هذا يقولون خبره وله وضعه

[ابو وائل فهد]

الوكاله يقولون نستقبله منك
كرت مفتوح
يعني تدفع ١٠٠٠ او مية الف حسب الشغل


والله لو اقلبه تشليح ب ٢٠٠ الف ما تاخذون ريال

موتر نظيف يتلسفون علينا

[abo yusef]

الوكاله يقولون نستقبله منك
كرت مفتوح
يعني تدفع 1000 او مية الف حسب الشغل


والله لو اقلبه تشليح ب 200 الف ما تاخذون ريال

موتر نظيف يتلسفون علينا

الوكاله تبغى تغير لك كمبيوترات وظفيره
افحص الظفيره للكمبيوتر
بعدين فحصت كمبيوتر واش التقرير الكود واش طلع
افحص البورد حق الكمبيوتر عند واحد حق الكترونيات متخصص

[sgl2002]

يا الطيب والله ماعلى ذمتي تويوتا

كل الي عندي جموس
...

ونياسين النياسين بيع وشرا


لكن والله من عرفت اليوكن ويدي ع قلبي كل
شوي اتوقع انخفاض المحرك لمتى ها المشاكل


صادق مامثل وارد اليابان اللاند والبترول عز الله ماجابوا غيرها موتر
يمشي وهو خربان وان خرب كل يصلحه ويقول الزود عندي هذا اذا ماصلحته بيدك

[ابو وائل فهد]

صادق


��لي اسبوعين ادور الي يصلحه هذا وانا بالرياض

انحاشو عن اليوكن والتاهو

قسم بالله ان بعته ما ارجع له

[ابو وائل فهد]

ان شاء الله
يصلح و ابيعه بيعت كلب

اجل موتر مافيه شي ما تامن السفر عليه
واذا نشدت الي معه مثله قال ايه
عادي برمجه بس طيب ولا صرتا بسفر
من يبرمج لك
طيب وذا ليش ما نفعت به البرمجه

اقول بيعت كلب ما يسوا

[رحال7]

الله يعينك
الامريكي مثل البطيخ

[ابو وائل فهد]

الله يعينك
الامريكي مثل البطيخ

فعلا وصفك دقيق

[راعي الرود]

لي تجربه مريره مع الأمريكي بعدها شريت ياباني و مستعمل و ماشي فوق 300 الف
انا اشهد ان اليابان انتجت مواتر و كب عنك الباقي
الله يعينك

[ابو وائل فهد]

هذا وانا با الرياض كل ورشه من اشهر الورش يقول
راي

اجل اهل المدن الغير رئيسية وش بيصير
باهل الموتر الخايس ذا

[ابو وائل فهد]

الان دخلنا الموتر
عند رابع ورشه من اشهر ورش الصناعية القديمه
با الرياض


انحاشو عن الامريكي وارد جميح ولا وارد
فريح ويرزقكم الله

[ابو محمد 276]

يا خوي في واحد من الربع سارت معة وبرمج كمبيوتر السيارة وراحت تماما

[ابو وائل فهد]

يا خوي في واحد من الربع سارت معة وبرمج كمبيوتر السيارة وراحت تماما

يا طيب البرمجه سويتها اول يوم ما قبل
ماهي لحية برمجه

[MSAN]

فيش أو أسلاك ثروتل الدعسة الألكترونية


مشكلة معروفة في أغلب سيارات جي إم من 2005 وفوق


خذ العلم من ردي الي فوق

وترا تقدر تقلب دعسته عادية (واير) بس بتدخل في حوسة شوي..


بالتوفيق

[بلحارث]

اهم شي تعلمنا اذا صلحته وش كان السبب ا

[ابو وائل فهد]

اول الخير
وديته جيركو
تتبعو اسلاك الظفيره وهم ثاني ورشه يتتبعونه قالو جيركو
الظفيره فيها اسلاك ومشكله تدرون ليش صدقتهم
لان المهندس الباكستاني منير الي كان في الجميح
و الان يشتغل في ورشه خاصه بولد الجميح قالي
(اشك في الظفيره ٩٠ ٪ ) المهم الله يعين على تكاليفها

وباقي الان يتاكدون من كمبيوتر القير

...
يا اخوان الظفيره اعترف ان السبب فصل اصبع
البطارية الاحمر كنت افصل وارجعه
لانه تعطل في طريق سفر ومعي عائله
ومع ذلك احيانا يضبط لين في الاخير تفصل الاصبع
ولا ما تفصل خلاص الخلل معلق

اقول ياحلو الياباني بس عزالله مهو مخوفك
و انت بسفر وبزارينك معك بليل ولا نهار

خلو عني بس ..
ولا تسبعدون اي خيانه من اليوكن و التاهو
انتبهو

[ابراهيم 2003]

افا ياليوكن الظاهر اهون مااشتريه جديد

[ابو وائل فهد]

تم تغيير شريحة القير
و جزء من الظفيرة

و ان شاء الله انتهت المشكلة

[ابو وائل فهد]

لكن اعيد و اقول
انتبهو

[أبوأسامه...]

ان شاء الله انه زان توقعت مشكلتك بكمبيوتر القير او الضفيره لئن ضفيرت القير مربوطه 75% بالمكينه وكلها بسبب تغسيل السياره بالماء او دخولها بماء واجد ويسبب رطوبة وتلف جزئي ولا يبين إلى بعد فتره بالتلفيات اما الكمبيوتر ضرب او خلل بالاسلاك

عندك الثورتال الاكتروني يسبب مشكله
ضفيرت القير
كمبيوتر القير



اما بلف بدي ,,,,, فهو يسبب بعض اللاحيان نتعه بالثاني فقط

حراره القير تاثر على العزم والصرفيه وعمر القير وعمر الرديتر


وان شاء الله انها انحلت المشكله

[abosaad777]

انشالله بسيطه
مر على ورشه الجابري بالصناعيه القديمه. تراهم فنانييييين. نفس الطريقه مع اخوي جمس يوكون اكس ال حصلوا التماس بالظفيره والحمدلله. الامور تمام


تم الإرسال بواسطة iPhone بإستخدام Tapatalk