أبغى أسوي شاهي البر علموني

[ميس تحت المطر]

مسا الخير

والله مستفشلة اجي فيذا :o وكنت مترددة اسجل لانه مكان كله رجال وريحة خيمة وبر :f
بس اختك في الله تبي فزعتكم ابغى طريقة الشاهي حق الرجال شلون يسوونه خاصتن اللي بالبر طعمه زين
وابوي يقول عن الشاهي اصلحه انه ماصل ولا له طعم هههههههههههههههههههاي واحيانن يقول دبس
بحثت بقوقل واليوتيوب ولا لقيت جواب وتعبت قلت اسجل هينا واسالكم
طريقتي في الشاهي غلي الماء ثم اضافة السكر وبعدها ابعده عن النار واحط الشاي ولا يضبط معاي وش اسوي
وابسالكم الحين اذا الشاهي تصلح على جمر يتغير عما اذا كان على الفزن


شفت في المواضيع حقت الطبخ والله يا عليكم طبخ يهههههههبل

ارجو منكم مساعدتي كنترول كرر

[شيخ العبدان]

مساء النور
اولاً السكر تحطينه حسب حجم البريق وثم الشاهي انصحك بالوزه بعد يما يغلي الماء نصبه على السكر بالبريق كانك مسخنه الماء بابريق ثاني ثم نحط الشاهي و نخليه يقلب على النار شوي ثم نبعده عن النار لين يركد و بالعافيه

[جني صغير]

تراء عادي فيه معانا كم أخت موجوده بالقروب



وحياك بين إخوانك

[ميس تحت المطر]

مساء النور
اولاً السكر تحطينه حسب حجم البريق وثم الشاهي انصحك بالوزه بعد يما يغلي الماء نصبه على السكر بالبريق كانك مسخنه الماء بابريق ثاني ثم نحط الشاهي و نخليه يقلب على النار شوي ثم نبعده عن النار لين يركد و بالعافيه

شكرا لك الشاي اللي نستخدمه ريد ليبل واحيانن فرط ليبتون
بس الفكرة اللي اوحيت لي فيها اني استخدم بريقين !!!!!

شكرا على مشاركتك ربي يديك العافية بس اي اعرف سر مذاق شاي البر

[ميس تحت المطر]

تراء عادي فيه معانا كم أخت موجوده بالقروب



وحياك بين إخوانك

وش قروبه :no:
عاد الحين اللي يشوفني ماني متغشية
ع العموم شكرا لك على المشاركة

[أبوسعد111]

http://www.mekshat.com/vb/showthread.php?t=629430

بالتوفيق

[المهاجر انا]

احسن طريقه تسخن الماء ثم يضاف السكر ويحرك بالملعقه بدون تسخين لكي لايتأكسد ثم يضاه الشاهي ويترك دقائق حتى يخدر
ملاحظه حسب نوع الشاهي المده

[asomi612]

السلام عليكم

حياك الله ي أختي
حسب تجربتي أنا في تصليح الشاهي الطريقة كالتالي
احط فالبريق ماء وقبل يغلي الماء بشوي احط السكر علشان يذوب
واذا قام الماء والسكر يغلي أحط اللبتن أنا استخدم الربيع طعمه فالراس
واخليه يطبخ دقيقتين ثم اخليه كم دقيقة الين يخدر ثم بالعافية على ابيك

[نايف الشيباني]

عندي طريقة اسويها
وهي كالتالي
افيح الماء ثم احط السكر بمقدار الماء والابريق حتى مايصير دبس
ثم اتركه يقلب شوي .
ثم احط اللبتون حسب الماء والسر هنا
اتركي اللبتون يطبخ عشر دقايق راح تلاحظين ريحة الشاهي .
وبالتوفيق

[لامبالي]

حاولي كل مرة تتعلمي من اخطائك في وزن الشاهي والسكر
وراح تضبط معاك

[شرق المغيب]

تبين شاهينا لاصرنا مستعجلين

ادبسيه ويضبط وخاصة على الجمـــر

يكون البريق قديم ومدبوس بالنار لين صار فحمه من كثر المكاشيت وشبشبة النيران

انا استخدم شاهي هاي تي ادبسه مع سكره مره وحد واحطه على الجمر واخليه يغلي ثلاث دقايق او اقل

واركده جنب الجر لين يركد ويخدر

وتعال ذق يصفق بالراس لاصرت لاحققك تعب

خوذي النصيحه

[مطر وسم]

انا عندي طريقه لتصليح الشاهي واعتبرها الافضل

تعلمت هذي الطريقه من صديق لي طباخ ماهر وراعي قهوه وشاهي محد يتحداه

اول شي يفوح الماء ببريق لوحده لين يغلي بعدين نجيب الشاهي والمفضل لدي ابو جبل فرط نضع كمية تقريبا ملي فنجالين اوثلاثه في ترمس شاهي حسب الموجودين ثم نصب على الشاهي ماء مغلي مقدار ثلاث بيلات شاهي ونسكر غطاء الترمس ونحركه قليلا وتسمى هذي الطريقه غسل الشاهي وتصفيته من الاوساخ وبعد ذلك نسكب الغسيل برى الزمزميه او الترمس ونضع السكر المطلوب ونمليها ماء مغلي مره ثانيه الى حد الغطاء ونتركها ربع ساعه او ثلث ساعه يخدر

اللي يجرب الطريقه هذي بيحس بطعم الشاهي صحيح والله ما ينساه ابد

الشاهي لابد من غسله لان فيه غبار وتراب

تحياتي للجميع

[قوافي ( أم نهار )]

السلام عليكم ورحمة الله وبركاته

حياك الله اختي والله يسعد صباحك ومسائك

الشاهي كيف يعني كل واحد يطبخه بالطريقه اللي تروق له ،،

عن نفسي شاهي البر ((الحطب))المويه والسكر وأخليه لين يفوح تقريباً دقايق وعقبه احط الشاهي وانا افضل شاهي الوزه او ليبتون فرط واتركه ثاني يقلب ثلاث قلبات او اربع ثم ابعده عن الجمر لين يركد وبالعافيه..

الاخوان ما قصرو وكلن وطريقته واتمنى ان توصلين للي يرضي الوالد الله يحفظكم جميعاً..

تحياتي وتقديري واحترامي

اختك

..قوافي..

[ميس تحت المطر]

ربي يسعد قلوبكم كلكم
ما توقعت هالتفاعل الكبير و السريع
ولقيت النتيجة ومن جد مشكورين
الله لا يحرمني منكم وتسلمين أختي قوافي آمين يا رب الله يقوينا وإياكم على بر والدينا

[راع الهيل]

انصحك بشاهي السرور تلقيمه موجود بالرياض-حي السلام -شارع الزبير ابن العوام
وطبعا الشاهي المظبوط لازم شبة نار علشان يكسب النكهه الحلوه
وللمعلوميه شاهي الضو مايعقد او يعني مايكسب مراره حتى يخلص مو مثل الغاز
اتمنى افدتك

[manaf]

انا طريقتي في الشاهي اول شي ارتز في الفرشة ثم ازهم على الي معي اعجل علينا وين الشاهي همن افغص بلجوال لين يجيبون لي البيالة