مؤشر ضغط الزيت بالفكسار

[عمرالتميمي]

السلام عليكم
عندي فكسار 2007
مؤشر الضغط كان على النص مايرتفع فوقة ابد ثم غيرت الزيت بزيت اخف من السابق
ثم صار المؤشر مايرتفع عن الربع مع انه ماتشتغل لنبة الزيت ولا فية صوت ابد
http://im52.gulfup.com/VNkgSG.jpg (http://www.gulfup.com/?UGvfIM)

وهل فية طريقة افحص طرنبة الزيت
او تدلوني على واحد متخصص بالسيارات موقعي الرياض

[عاشق الهدد051]

وعليكم السلام ورحمة الله و بركاته
حياك الله يالسمي و البناخي
طيب الحين اذا دعست ما يرتفع ابد يعني ما يتحرك
شيك على حساس الزيت اللي في المكينة و السيفون اصلي و لا لا
بعدين شيك على الانبير نفسه و ان شاء الله انها سهالات

[رحال7]

اذا يرتفع مع المشي لا اعتقد مشكله واحتمال عطل الحساس ضئيل جدا
قبل ان تفكر بعمل اي اصلاح خلهم يفحصون ظغط الزيت بجهاز ظغط ميكانيكي

[عمرالتميمي]

[QUOTE=عاشق الهدد051;10097428]وعليكم السلام ورحمة الله و بركاته
حياك الله يالسمي و البناخي
طيب الحين اذا دعست ما يرتفع ابد يعني ما يتحرك
شيك على حساس الزيت اللي في المكينة و السيفون اصلي و لا لا
بعدين شيك على الانبير نفسه و ان شاء الله انها سهالات[/QUOTE
تحيا يالعم ارررحب...
مايرتفع وبعض الاحيان يترتفع شوي لك الغالب ثابت
اليوم الصبح شغالت صار بين النص والربع
السيفون انا مخذة من الضحيان اصلي
والله يبيض وجهك

[عمرالتميمي]

اذا يرتفع مع المشي لا اعتقد مشكله واحتمال عطل الحساس ضئيل جدا
قبل ان تفكر بعمل اي اصلاح خلهم يفحصون ظغط الزيت بجهاز ظغط ميكانيكي
الله يعين اشوف عنه اليوم العصر

[راعي الرود]

كم ماشي الموتر ؟

[عمرالتميمي]

200.000 وكسور

[راعي الرود]

200.000 وكسور

الممشى قليل بالنسبه للفكسار
مافيه شيء ان شاء الله تطمن و تخيل موترك بدون ضغط زيت دام مافيه طقطقه الوضع طبيعي انا موتري زيك كذا نازل و ماشي اللحين 340 الف

[kmk9999]

السلام عليكم

اخوي انا كان معي GXR وظبت مكينته مرتين وغيرت مكينتين والسبب من طرمبة الزيت
بعد ما وظبت التوظيبه الاولى كان الموتر تمام ورحت غيرت الزيت والسيفون وبعد يومين صار ضغط الزيت الربع
ورجعت للي وظبه وقال لي ركب فلتر هايلكس ركبت فلتر هايلكس ورجع الضغط تمام التمام
وبعده باسبوعين سمعت طقطقة بالمكينة ورجعت للي وظبها وخليته يوظبها مره ثانيه على الظمان بس قلت له خلاص انا ابدفع بس جيب القطع من الوكالة وانا احاسبك واخذت الفواتير وكل شي ولما خلص واجهته بالواقع الفاتورة عليها ضمان وما خلص الضمان وخبطت مكينة الموتر فرضى بالأمر الواقع
وبعد سنتين من الجلد في احد المرات طولت وما غيرت الزيت ورجع له ضعف الطرمبة
ولما شيكت طلعت من ( ما ادري وش اسمه بس انه براس المكينة وزي عمود الكرنك ) صار فضاوة وصار الزيت يتهرب فيه المهم صار يطلع صوت خفيف وانا كنت طالع من الرياض قلت ماراح اغير مكينته الا لما يقول أي لما وصلت حايل وهو يقول لي ارحمني قلت له وتوفى الرجال هههههههه شحنته على العجلان بالقصيم واخذت مكينه ٢٠٠٦ بس طلع الضغط ضعيف قالوا خلاص خله معك الين ما القى لك ىاحد ثاني خلص الشهر وما جاهم شي ورحت لهم وجددوا الضمان علو الفاتورة لشهر ثاني وما حصلوا وجيتهم ومددوا لشهر ثالث وكانت روحاتي وتياتي كلها على المكينه اللي هم مركبينه وبعدين اتصلوا علي وقالوا حصلنا لك وجيتهم وركبت حقت ٢٠٠٧ وكانت ما شاء الله
وعاشت سنتين الين ما بعته

حبيت اطرح لك المشكلة اللي صارت لي وبرضه انصح بإن التوظيب ما ينفع نهائياً