فلتر الهواء لعب بالمكينه

[ابو عبيد55]

السلام عليكم
قدر الله وركبت مكينة فتك على باترول 95
ويوم جيت الورشه الا مركبين لي فلتر كي ان ان
قلت ابي تركبون لي فلتر الوكاله لأن استخدم الموتر يومي وامسك عليه خطوط.. قالوا مافي مجال للقربه حقت الفلتر

المهم ياربع كل اسبوع افكه القى مدخل الفلتر مليان تراب .تكرم وجيهكم ..
وصار ينقص زيت مع العلم المكينه نظيفه وقالوا لي الموتر اذا تمسك عليه خط طويل ومركب فلتر شئ طبيعي ينقص الزيت

وش الحل تكفون . ؟
ووش افضل فلتر يمسك وثقيل يشبه حق الوكاله
والي يعرف بخاخ للفلتر عشان يمسك الغبار يعطينا اسمه ووين نحصله

[ابوراكان تبوك]

الفلتر الرياضي معروف انه مفتوح زياده حتى لو تحطه على مكينه من الاساس ماتنقص رايح ينقص معاه غصب

الفلتر هذا تخصص تراب اعزك الله ولا يستخدم للمستخدم العادي بوجهه نظري

بخصوص فلتر نفس الوكاله لازم يكون نفس مقاس الاصلي حتى مايدخل هواء زياده ويسبب نقص للزيت

انا ما عندي اي خلفيه عند قطع البترول تعليقي كان بحكم تجربتي للفلتر اللي انت ذكرته و يفيدوك الاخوان ان شاء الله

[ابو فهد...]

ركب كي ان kn وركب شراب للفلتر

[ابو عبيد55]

صحيح يابو راكان
فيه واحد من العيال معاه شاص 2010
اذا ركب الفلتر صار ينقص زيت
واذا رجع فلتر البلد ضبط

بس بوضعي انا مااقدر اركب فلتر البلد

[ابو عبيد55]

ركب كي ان kn وركب شراب للفلتر



ركبت كي ان ان وشراب
ولافاد

[الا سير]

الشراب الي ركبته اصلي ولا لا

[الا سير]

فيه نوعية يجي بدون زيت جاف
وبالسوق اغلى من كي ان
لا لقيته جربعه عساه يكون احسن من
كي ان
وهذي صورته
http://im78.gulfup.com/CXpMPD.jpg (http://www.gulfup.com/?Aso5iB)

[ابو عبيد55]

الشراب الي ركبته اصلي ولا لا

اي والله اصلي حق كي ان ان شاريه ب120
وحاط تحته شراب عايله:(

[شاق النفد]

طيب وانا اخوك حاول ترهم صندوق للفلتر
يعني دبر لك عوازال

[denso]

الاصلي الكبير سعره ماينزل عن ٢٠٠ ابد
يمكن تجاري اللي عندك
على موتري له كم سنه واسافر عليه ومضبوط

[دانفوس]

تركب القربه عادي سبق وركبتها

[كاشت بالبر]

فلتر K&N لازم يتزيت عشان يمسك الغبار

بدون تزييت = الله يعين المكينه على الغبار

له عده خاصة بالتنظيف والتزييت

http://www.autotrucktoys.com/beetle/images/knfiltercleaner.jpg

http://www.3sx.com/store/catalog/intake-kn-cleaner-kit-995050-02-600l.jpg

ترى شرّاب العايله يمكن ما ينفع :D

لكن شف هذا من شركة K&N

http://www.needswings.com/ProductImages/precharger1.jpg

http://www.qrckarts.com/store/images/products/k-n-ru1240pk-lg.jpg


الفلاتر الرياضيه نوعين :

بعضها لازم تزييت .. زي K&N لازم تزييت

بعض الشركات الأخرى تتوفر بنوعين : نوع يحتاج تزييت ؛ ونوع بدون تزييت

الفلتر الرياضي مساماته (فتحاته) أكبر من فلتر الوكاله ؛ عشان يدخل هواء كثير للمكينه ويعطي عزم أقوى ... بس المشكلة الجو غبار وسيء جدا وأتوقع خطر على المكينه


ملاحظه:
أنا أستخدم فلتر الوكاله

[ابو عبيد55]

تسلمون على آرائكم وماقصرتوا
لاكن وين احصل عدة التزييت هذي او وين احصل محل للفلاتر ببريده
انا الفلتر الي عندي نفس الكي ان ان
بس تو انتبهت انه مكتوب على راس الفلتر كلمة (درب)

[Jeep 2005]

لو تبي اخدمك فأبشر حياك خاص

انا من الدمام
وفيه محلات واجد لهشغلات

[ابو عبيد55]

لو تبي اخدمك فأبشر حياك خاص

انا من الدمام
وفيه محلات واجد لهشغلات


تسلم وماتقصر يابعدي
بس انا ماني حولك
انا بالقصيم

[ابو عبيد55]

ممكن احد يفيدني بصرفية الزيت ،،،؟
الموتر ينقص زيت تقريبا كل 1000 كيلو ربع علبة
مع العلم اني فحصت المكينة وكل شئ تمام
ولا تدخن والزيت لما اعايره يكون اشقر كاني توي مغيره بس انه ينقص
وجربت كذا زيت منها كاسترول ماجناتيك، والترا سفن، وشل،وكاسترول
كل تغييره بزيت شكل .. قلت يمكن المشكله نوعيه الزيت بس مافي فايده نفس صرفية الزيت...
تكفوووووون افيدووووني الي يعرف وش المشكله

[الحميضاني]

اخوي شيك على المكينه من التهريبات يمكن احد الصوه تهرب

[ابو عبيد55]

اخوي شيك على المكينه من التهريبات يمكن احد الصوه تهرب

ض

شيكت على المكينه ولا فيها تهريبات ابد:)

[SGL]

أخوي أبو عبيد55
شيك على بلف التبخير

[ابو عبيد55]

أخوي أبو عبيد55
شيك على بلف التبخير


هلا اخوي وشاكر مرورك
بس بلف التبخير حق الفتك كيف طريقة فكه
انا شفت موضوع بالصور لتنظيف بلف التبخير تبع التويوتا . مدري اذا الفتك صعب فك البلف او نفس التويوتا

[داموك 1]

يعطيك العافيه اخوي ابو عبيد55
انا معي 4500 غطاء الراس فيه ليين سود واحد منهم موصل
من الخرطوم الي جاي من فلتر الهواء والاخر موصل من الغطاء الى الثلاجه
بلف التبخير في الثلاجه تحت الثرتل بودي طريقتي بالتشييك عليه للتاكد من عمله
وانه نظيف افك اللي من غطاء الراس ثمن انفخ فيه اذا شغال يروح الهواء واذا مقفل مايروح
وايضا تستطيع ان تشفط الهواء من اللي اذا ماجاك هواء معناته شغال تمام
وهذه الطريقه اسرع واسهل

[اسدهم]

شف يالغلا اذانت في الرياض او خارجها انقز بلموترك لتشليح وشفلك قربة تركب يعني تولفها اذاكان صغير تشوفلك قربة حولة او تقص شوي من البدي الداخلي عشان تركب بس دور حقات الكوابرس او الفورد تجي مستطيلة
وياليت تسدح لنا صورة المكان والفلتر عشان نساعدك اكثر

[محسن اليامي]

ركب فلتر غليون