البليتين الالكتروني للباترول

[بجاد السحيمي]

السلام عليكم ورحمة الله وبركاته

لاهنتوا يالربع عندي مشكله بسيطه ان شاء الله عندي ربع 99 وفيه البليتين على حسب كلام العامل والبليتين ماخليت محل قطع مارحت عنده حتى الوكاله ولاحصلت القطعه ودي اعرف من اهل المدينه محل كهربائي ممتاز وارقام لقطع الغيار اللي بالقصيم والرياض لاهنتم

[sgl2002]

اشتر ديلكو كامل من التشليح ارخص واحسن

[بجاد السحيمي]

اغير ديلكو كامل !!!

[SGL]

السلام عليكم ورحمة الله وبركاته

لاهنتوا يالربع عندي مشكله بسيطه ان شاء الله عندي ربع 99 وفيه البليتين على حسب كلام العامل والبليتين ماخليت محل قطع مارحت عنده حتى الوكاله ولاحصلت القطعه ودي اعرف من اهل المدينه محل كهربائي ممتاز وارقام لقطع الغيار اللي بالقصيم والرياض لاهنتم

وعليكم السلام ورحمة الله وبركاته
وش مشكلته أخوي بجاد الموتر مايشتغل أو يشتغل شوي ويطفي؟؟؟؟

[بجاد السحيمي]

يشتغل بصعوبه بعد ماغيررت شاكوش الديلكو قبل لاغيره مايشتغل بالمره كشفت على البنزين ماهو بنزين والكبريتر سليم قالوا انا انه من البليتين الالكتروني

[بجاد السحيمي]

ارجو التفاعل بالموضوع يا اهل القصيم والرياض وجده وارقام الكهربائيين يا اهل المدينه واماكنهم

[SGL]

يشتغل بصعوبه بعد ماغيررت شاكوش الديلكو قبل لاغيره مايشتغل بالمره كشفت على البنزين ماهو بنزين والكبريتر سليم قالوا انا انه من البليتين الالكتروني

طيب ياأخوي بجاد شيك على الكويل وعلى سلك الكويل وشيك على فيش الكهرب الي يركب في الكويل وفي الديلكو شيك زين زين ولو تشوفلك كويل مستعمل أو تفكه من موتر ثاني وتركبه لتجربة فقط البليتين الإكتروني نادر يخرب وسعره غالي حيل وغير متوفر بعد :eek:

[داموك 1]

طيب ياأخوي بجاد شيك على الكويل وعلى سلك الكويل وشيك على فيش الكهرب الي يركب في الكويل وفي الديلكو شيك زين زين ولو تشوفلك كويل مستعمل أو تفكه من موتر ثاني وتركبه لتجربة فقط البليتين الإكتروني نادر يخرب وسعره غالي حيل وغير متوفر بعد :eek:

اخوي اس جي ال بارك الله فيك البترول 99س ج ل اين يوجد كويله

[SGL]

اخوي اس جي ال بارك الله فيك البترول 99س ج ل اين يوجد كويله

وفيك بارك الله أخوي داموك1
بنسبة لموقع الكويل تلقاه قريب من قربة ماء الرديتر بين علبة الكلتش وقربة الرديتر في الرفرف وواضح جدآ ﻷن يوجد فيه سلك مثل سلك البوجي يركب فيه والطرف الثاني يركب في الديلكو ويوجد نوعية ثانية من الباترول مالها كويل بس ديلكو فقط كويله يجي داخل الديلكو حسب ماسمعت والظاهر إنه للباترول الفل بخاخ مكينة 4500

[sgl2002]

وفيك بارك الله أخوي داموك1
بنسبة لموقع الكويل تلقاه قريب من قربة ماء الرديتر بين علبة الكلتش وقربة الرديتر في الرفرف وواضح جدآ ﻷن يوجد فيه سلك مثل سلك البوجي يركب فيه والطرف الثاني يركب في الديلكو ويوجد نوعية ثانية من الباترول مالها كويل بس ديلكو فقط كويله يجي داخل الديلكو حسب ماسمعت والظاهر إنه للباترول الفل بخاخ مكينة 4500

اخوي للمعلومية ترى الكويل اللي تقصد مايجي الا من 97 وتحت

[sgl2002]

اغير ديلكو كامل !!!

البليتين الالكتروني نادر يخرب لذلك نادر تحصله وقيمته قيمة ديلكو تشليح

[بجاد السحيمي]

بفحص الكويل وان شاء الله يكون هو البلا لان البليتين سعره الف وثلاث غاااالي بالحيل

[SGL]

http://mekshat.com/vb/showthread.php?t=635247
حياك الله أخوي sgl2002
الباترول موديل 98/99 مكينة 4200 كربريتر يجي لها كويل إكتروني أما مكينة 4500 أتوقع بخاخ مالها كويل وحتى شكل الديلكو تبعها مختلف ومايركب فيه سلك كويل فقط أسلاك بواجي وفيش كهرب يجي من الظفيره وهذا إعلان أخونا خارج النص عارض ديلكو وكويل وبليتين كلهن إكتروني حقات باترول 98 مكينة 4200 وحطيت الرابط لتوضيح فقط :good2:

[داموك 1]

http://mekshat.com/vb/showthread.php?t=635247
حياك الله أخوي sgl2002
الباترول موديل 98/99 مكينة 4200 كربريتر يجي لها كويل إكتروني أما مكينة 4500 أتوقع بخاخ مالها كويل وحتى شكل الديلكو تبعها مختلف ومايركب فيه سلك كويل فقط أسلاك بواجي وفيش كهرب يجي من الظفيره وهذا إعلان أخونا خارج النص عارض ديلكو وكويل وبليتين كلهن إكتروني حقات باترول 98 مكينة 4200 وحطيت الرابط لتوضيح فقط :good2:

جزاك الله خير اخوي sgl
اللي معي 4500 بخاخ وموصل فيه فيش فقط مافيه سلك من الوسط
اكررشكري وتقديري لشخصك الكريم