صوت رمي من الشكمان ؟

[راعي الرود]

السلام عليكم
موتري احياناً يطلع صوت رمي مع الشكمان اذا شبيت عليه و دعست له بشكل متواصل .. ياخذ له وقت بعدين يرمي من الشكمان اما في السواقه الهاديه عادي مافيه صوت رمي
و كذلك و الموتر واقف ماتقدر توقف وراه من ريح البنزين او ريح كربون مدري وشهي ريحته الوكاد انها ريحه شيء غير طبيعي
وش السبب ؟
مع العلم تم تغيير الأتي :
- بواجي 6 حبات اصليه NGK
- اسلاك بواجي 6 كامله اصليه
- صفايه بنزين جديدة اصلي
- فلتر هواء اصلي

وكلها اجتهادات ظنناً مني ان المشكله من البواجي او اسلاكها وللاسف ما انحلت المشكله

انا قريت و بحثت عن المشكله قبل ما اغير اي شيء و فهمت انه بنزين ما احترق و ينزل بالقزوز لذلك يطلع صوت الرمي بس وش الحل معه ؟

الموتر لاندكروزر 6 سلندر موديل 2000

[عاشق الهدد051]

وعليكم السلام
هو صحيح المشكلة انه بنزين ما يحترق و سمعت من بعض الناس
انه في حساس في جنب المكينة من جهة السيفون دايم يخرب في الكروزرات
اسمه حساس النوك تأكد منه و يقولون انه يضعف العزم
والافضل انك تفحص كمبيوتر عند المحلات الموثوقة

[راعي الرود]

وعليكم السلام
هو صحيح المشكلة انه بنزين ما يحترق و سمعت من بعض الناس
انه في حساس في جنب المكينة من جهة السيفون دايم يخرب في الكروزرات
اسمه حساس النوك تأكد منه و يقولون انه يضعف العزم
والافضل انك تفحص كمبيوتر عند المحلات الموثوقة

عندي مشكله بالعزم فعلاً .. أن شاء الله يكون حلها بسيط و بفحص كمبيوتر اليوم
جزاك الله خير

[الباثفايندر3]

سجل عندك gxr 2002 نفس مشكلتك بالضبط
الرمي والرائحة اللي تعمي العيون ياليت تفيدنا بعد الفحص ولك الشكر

[راعي الرود]

فحصت كمبيوتر وهذي النتيجه :
http://www.mekshat.com/pix/upload05/images253/mk31073_2014-05-20%2008.38.38.jpg

حساس هواء الثلاجه تغيير او تشييك ظفيره الحساس
و تنظيف دعسه + برمجه

والله أعلم

[عاشق الهدد051]

الله ييسر امرك شف الحساس الاول حق حرارة الهواء راكب في غطاء القربة
من جهة الراكب و الحساس الثاني راكب على الثروتل مقابلك لا فتحت الكبوت
عاد عطنا خبر اذا صلحت شي الله لا يهينك

[راعي الرود]

الله ييسر امرك شف الحساس الاول حق حرارة الهواء راكب في غطاء القربة
من جهة الراكب و الحساس الثاني راكب على الثروتل مقابلك لا فتحت الكبوت
عاد عطنا خبر اذا صلحت شي الله لا يهينك

كنت بصلح اليوم بس مالقيت الكهربائي اللي اعامله بالورشه لذلك بروح له بكره الصبح و ابصور وش يسوي و وش القطع اللي يحتاج اشتريها واحطها هنا بالموضوع

الله يعطيك العافيه ماقصرت

[الباثفايندر3]

الله لايهينك

وبانتضارك ربي يوفقك

[ابوسند9]

وعليكم السلام
اتوقع المشكله من حساسات القزوز اذا فيه حساسات
او عندك فلتر الهواء قديم ومتسخ
او عندك خرم في الدبه

[راعي الرود]

الله لايهينك

وبانتضارك ربي يوفقك

ولا يهينك

رحت اليوم الصبح و سألت عن الحساس اللي طلع في فحص الكمبيوتر صار سعره 700 ريال و كسور و طلبيه و تشوف شكله تقول ذا اربعين ريال بالكثير تغاليت سعره و وديته لرفيدزي و قال بنظفه لك ببخاخ الكترونيات و بينظف الدعسه و البخاخات و حساس TPS و قال احتمال الرمي من تنسيم بالقزوز بعد مايطلع الموتر بمر به ورش الشكامين و يشيكون عليه بطريقتهم التقليديه (يسد الشكمان بنعله ويقول ادعس :D)

[راعي الرود]

وعليكم السلام
اتوقع المشكله من حساسات القزوز اذا فيه حساسات
او عندك فلتر الهواء قديم ومتسخ
او عندك خرم في الدبه

الله يعطيك العافيه
المشكله الحساسات اسعارها ناررر
و فلتر الهواء جديد اصلي
اظنها من القزوز بعد مايخلص الموتر العصر اوديه و اشوف

[الباثفايندر3]

ولا يهينك

رحت اليوم الصبح و سألت عن الحساس اللي طلع في فحص الكمبيوتر صار سعره 700 ريال و كسور و طلبيه و تشوف شكله تقول ذا اربعين ريال بالكثير تغاليت سعره و وديته لرفيدزي و قال بنظفه لك ببخاخ الكترونيات و بينظف الدعسه و البخاخات و حساس TPS و قال احتمال الرمي من تنسيم بالقزوز بعد مايطلع الموتر بمر به ورش الشكامين و يشيكون عليه بطريقتهم التقليديه (يسد الشكمان بنعله ويقول ادعس :D)
ههههههه حلوه يسد الشكمان بنعله
غااالي الحساس والله

[عاشق الهدد051]

طيب شف لك احد يطلبه من النت خذ رقم الحساس من الوكالة
و ابحث في النت اكيد تبي تلقاه بارخص من سعره عندنا
و الله ييسر امرك

[عاشق الهدد051]

بشر يا اخوك وش صار عليك??

[عاشق الهدد051]

وينك يا رجال عطيتنا ركبة و خامس

[راعي الرود]

المعذرة وانا اخوك
اللي صار فيه تنسيم براس القزوز يعني في الشعبه و مكانه شين يقولون مايزبط معه التلحيم بيتفكك بعد فتره خليته على ماهو عليه و الظاهر اني بركب هدرز سويدي اخف للموتر و كود نفتك من الرمي
و نظفت بخاخات و فكيت الثلاجه نظفتها و الدعسه و نظفت الحساسات ببخاخ الكترونيات والموتر انفتحت نفسه شوي وعبيته 95 و مسيته حدود 60 كيلو امشي 160 صار اخف من اول بفرق ملحوظ لكن للحين فيه ريحه كربون ورى الموتر

كلف علي كامل الشغل 500 ريال و مازال فيه رمي اذا شبيت على الموتر اخر احتمال انه من القزوز

[عاشق الهدد051]

معذور يا اخوك
ان كانك ناوي تركب هدرز ركب بحريني نوعيته المونايز
يقولون انه افضل شي وابرد للمكينة و وزنه خفيف
و الله يوفقك

[راعي الرود]

معذور يا اخوك
ان كانك ناوي تركب هدرز ركب بحريني نوعيته المونايز
يقولون انه افضل شي وابرد للمكينة و وزنه خفيف
و الله يوفقك

لاهنت غلبناك معنا
عرفت اللي تقصد حق قزوز مارت بالبحرين لكن مدري هو يتوفر بالرياض او لا ؟

[عاشق الهدد051]

لا وش دعوة يا رجال ترانا اخوان
اما عن الهدرز دور في الشيخ قوقل و موقع حراج وخيمة البيع و ان شاء الله تبي تحصل
و ان ما لقيت شف لك اثنين من ربعك يا الذيب و و روحوا للبحرين على قولتهم حج و قضيان حاجة
منها تغيير جو و منها الهدرز يفصلونه على كيفك تبي دبة كاتمة و لا نص
و الله ييسر امرنا و امرك

[ابو فهد...]

والله انصحك بالبحريني لاتعداه تلقى مستعمل
او عندك العتيبي بالشرقيه
وعندك الصفدي بالرياض
السويدي مايفرق واجد وغير كذا يجمر وثقيل
بس اهم شي احرص على العازل

[عاشق الهدد051]

العازل يقولون انهم يركبون حق البلد و ناس يقولون ركب حق باترول
موديل ٩٧ و ناس يقولون فصل وانت بالخيار بينهن

[الفريح1]

انا نفس المشكلة رمي ونظفت الثورتل ..فكيته برا ونظفته ورجعته نف المشكلة .ماجاء الرمي الا بعد يوم شنبرت الموتر...............السيارة لاند كروزر2002gxr
نبي الحل

[رهمرري]

تشخص الرجل صحيح والدليل على ذلك شوف عطل سيارتك في برنامج OD5http://www.arabs-up.com/uploads/arabs-up.com_02_06_14_1401730320531.jpg

[رهمرري]

http://www.arabs-up.com/Vh6qaDui