ساعدوووني تكفون .. كيفية ابقاء الميد حي لفتره 3 ساعات فقط للمحاياه

[عاشق-القمرى]

السلام عليكم يا أخوان انا في مكان خاص فيه سبيطي ومزيزي بكثره والجيم المطلوب طبعاً زوري والا ميد ... المطلوب شلون اخلي السمك ما يموت لين وقت الحداق ، مع العلم اني اصيده واحطه بالبحر بقالون واذا جيت احدق القى اغلبه ميت خصوصاً الميد والزوري الكبار .. مادري يمكن القالون صغير والا اني احطه بتيار ماي قوي يمكن هذا اللي ذبحه .. واستبعدت اني اجيب جهاز اكسجين لاني انا اصلاً عند البحر والصراحه شي ينرفز السبيطي حاضر والجيم ميت :mad:

[NOBL3]

اللي اعرفه ان كل ما كان الجالون كبير كمية الأكسجين تكون اكثر والسمك يعيش اكثر

لكن هالشي برضو يعتمد على كمية السمك ، كل ما كان السمك قليل كل ماكان فرصة ان يعيش اكبر

انا انصحك تشتري قرقور صغير جداً يجي لونه اسود وتحط طعومك الحية فيه وتقطه بالبحر

[برهوم جدة]

اخي العزيز . تستطيع ان تصنع محيا ( من فيبر جلاس ) بطول 100وارتفاع 45وعرض45 سم وتضعه بالقارب وان تعمل فيه مثل ما يتم عمله بحوض الاسماك من أجهزة التنفس وهي رخصية الثمن لابقاء السمك حي .
أو الحل الآخر ان تطلب من عامل الفيبر يركب محيا صغير بالقارب ويسوي فتحات للتنفس .
الحل الثالث تستخدم الزبيل الخصف بحجم كبير وتخيطه من اعلاه من الاطراف وتنزله بالماء وتمشي بالهوينه الين توصل المجلب اللي بتصيد فيه .
والله يرزقنا واياك . ارجوا منك الدعاء

[عاشق-القمرى]

اخي العزيز . تستطيع ان تصنع محيا ( من فيبر جلاس ) بطول 100وارتفاع 45وعرض45 سم وتضعه بالقارب وان تعمل فيه مثل ما يتم عمله بحوض الاسماك من أجهزة التنفس وهي رخصية الثمن لابقاء السمك حي .
أو الحل الآخر ان تطلب من عامل الفيبر يركب محيا صغير بالقارب ويسوي فتحات للتنفس .
الحل الثالث تستخدم الزبيل الخصف بحجم كبير وتخيطه من اعلاه من الاطراف وتنزله بالماء وتمشي بالهوينه الين توصل المجلب اللي بتصيد فيه .
والله يرزقنا واياك . ارجوا منك الدعاء

هلا فيك اخوي شكراً على مرورك بس انا احدق على السيف مو بطراد .

[عاشق-القمرى]

اللي اعرفه ان كل ما كان الجالون كبير كمية الأكسجين تكون اكثر والسمك يعيش اكثر

لكن هالشي برضو يعتمد على كمية السمك ، كل ما كان السمك قليل كل ماكان فرصة ان يعيش اكبر

انا انصحك تشتري قرقور صغير جداً يجي لونه اسود وتحط طعومك الحية فيه وتقطه بالبحر

اخوي المشكله اني حاطه بالبحر ويموتون !! راح اشوف لي قرقور لو انه القراقير اللي عندنا فتحاته كبيره بس والله فكره راح اشوف شي بحجم اكبر من السطل اللي عندي وشكراً على مرورك اخوي .

[أبوحافظ]

اخوي الكريم هذا الجهاز مجربه ممتاز وجربته على سمك العربي اكثر من 4 ساعات حي


احببت من خلال هذا الجزء اعطيكم تجربة جميلة لجهاز
تم شرائة من النت وسعره رخيص جدا
مطلوب لهواة القصب

في السابق شفت طريقة استخدام هذا الجهاز من اخي الغالي (( الموج العالي ))
واخي الغالي (( ابوعبدالرحمن القرش )) في هذا المنتدى لجهاز الاكسجين للمحيا
وكان طريقة استخدامته صعبه نوعا من خلال بطارية السيارة

وللفائده احببت مشاركة الجميع بهذا الجهاز ومن ميزاتة :

رخيص الثمن
سهل الاستخدام ويعمل بالبطارية
سهل النقل لاي مكان

تم تجربته بنجاح واشتغل لمدة 7 ساعات ولازال فيه امكانية لتشغيلة وكانت البطاريات من الرخيصة الثمن والسمك كان حي ولم يمت خلال هذه الفترة

طبعا الجهاز عبارة عن محيا ينقل الهواء الى داخل السطل اللي بيكون فيه الطعم الحي


اسم الجهاز موضح بالصورة


http://www.mekshat.com/pix/upload06/images/2014/03/mk200176_300811.jpg

[Alihamad]

أنا عندي مثل الجهاز اللي مع مشرفنا abo hafiz

الجهاز رائع جدا!!! جربتة على شعوم وظلوا حيين قرابة الساعتين قبل لا أشيلهم.. لما شلتهم كانوا تعبانين شوي وأرجح
الشبب لكثرة الأسماك في السطل وقلة الماء... فالأكسجين اللي تستهلكة الأسماك أسرع من كمية الأكسجين اللي في الماء!

المضخة مصنفة لضخ الأكسجين في كمية 8 جالون ما يعادل 30 ليتر... وتعمل على بطاريتين D

[fish]

[QUOTE=أبوحافظ;10099987]اخوي الكريم هذا الجهاز مجربه ممتاز وجربته على سمك العربي اكثر من 4 ساعات حي[


جهاز ممتاز ما شاء الله ، أحييك :)

[أبوفهد3]

السبيطي او غيره لايلزم السمك الحي اهم شي السبيطي حاضر و الخيط خراري بطول باع و طعم بدون ازعاج بتصيد باذن الله بالتوفيق