مشكلة جيب GX-R 2002

[مجنون فيها]

السلام عليكم ورحمة الله

وشلون اتأكد من طرمبة الزيت انها خربانه بالموتر..؟اذا شغلت اسمع صوت طقطقه ويختفي ..واذا دعست يرجع الصوت نفسه..؟
الفزعه الله ﻻيهينكم

[مجنون فيها]

والله رحت كذا ورشه..يقولون عمود الكرنك..ﻻزم توضيب..واحس ماعندهم سالفه..ابي شوركم الله ﻻيهينكم

[أصيل حجآ زي]

وعليكُم السلاَم
ورحمّةُ الله وبركاَتُه

اخي :
اذا بشاشة الطبلون
موشّر ضغط الزيت !!!
فان مضخة ( طرُمبّة ) الزيت سليمّة ؟؟؟
بتشوف الموشّر يقراء القرأة الطبيعية
المُعتادّة ( العادية ) كاملّة من غير نقص .

اما اذا بالمضخّة خلل !!!
فبيتاخّر ( نازل شوي ) قراىة الضغط .
وشوي يبدء يرتفّع / ينقز او يتدرّج في الطلوع .

تقول العرّب ؛
((( اخّر العلاج ألكي ))) التوضيب .

ابحث عن حلول أُخرى
غير التوضيب منها : مثلاً
فُك القعر ( الكرتير / أويل بان oil ban )
وتفحص صفايّة مضخة الزيت الداخليّة / لا تكون
مسدودّة جُزىياً .
هي تشبه ( مصفيها ) المُنخُل / المشخاَل .

تتنظف ويُعاد استخدامها .

او بين الصفايّة والمضخة
ماصورّة شفط الزيت للمضخّة
تركب على أطراف الماصورّة جلّد ( ربلات )
يمكّن تهرّب الزيت ويعود ادراجُه للقعر .

فلا تضُخ المضخّة
كفاَيّة من الزيت ( الضغط ) .

مما يتسبب في طقطقة
وأصوات الصمامات ( البلوف ) .

طيّب ؛
علمنا وش هي ديرتّك ؟؟؟
حتى يدُلّك الشباب
على ورش جيدّة وامينين .

ولو ان الطيبين والثقّة
ماتو من زماَن ' الا ما رحّم الله .

مُر ورش كثيرّة لا يقل عن 7 .
حتى تحصّل اصلاَح جيّد ومضمون بتوفيق الله .


صدّق :
نسيت أسالك !!!
انت مجنون في السياَرّة
وإلا في غيرها ((( مثلاً ))) ؟؟؟ :looney::looney::looney::

هههههههههههههههههة

الجنون فنون .
:burnout2:
هههههههههة


موفّق
وعلى خير .

[kmk9999]

السلام عليكم

انا وظبت المكينة مرتين وبعده غيرت مكينتين كلها بسبة طرمبة الزيت
ضغط الزيت بالطبلون معياره السليم اذا الجيب شغال وواقف راح يكون تحت النص بشئ بسيط واذا مشيت ياصل للربع فهذا ما شاء الله عليه تمام
اما اذا كان على الربع او اقل وانت واقف فهذا يا انه طرمبة الزيت او ( فيه عمود بأعلى المكينه ناسي اسمه يشبه عمود الكرنك تحصله به فضاوة) ليش به فضاوة ما ادري .
هذا من واقع تجربه

[مجنون فيها]

يسعد مساااك ي اخوي اصيل حجازي..ﻻ مجنون بحاجه ثانيه..هههههههههه
وانا من الخرج..بالنسبه لمؤشرالزيت والسياره تشتغل ناازل على الخط اﻻخير واذا
مشيت اقل من النص..
ومشكورين اللي شاركوا بالاجابه

[kmk9999]

طبعاً للتصحيح قصدي بردي السابق لما تمشي يكون الربع قصدي فيه الربع من فوق لقد خانني التعبير

بالعامية وانت واقف تحت النص واذا مشيت يرتفع فوق النص بربع زياده هذا هو الوضع الطبيعي

اما اذا انك واقف على الربع او اقل واذا مشيت يرتفع الى اقل من النص فهذا اكيد يا طرمبة الزيت ما تضخ زين
او مثل ما قلت لك عمود التيمن تلقى به فضاوة

انا أقولها لك من واقع تجربة وظبت مرتين وغيرت مرتين وكلها على موتر واحد GXR 99 والله يعينك وانا اخوك

وبرضه شيك على الشخال بالكرتير لا يكون مسكر

[مجنون فيها]

الله ﻻيهينك ي اخويkmk9999
كفيت ووفيت ..اذا صرت واقف اقل من الربع على الخط اﻻخير..واذا مشيت النص بالضبط.
واشكرك من جد ﻷهتمامك

[مجنون فيها]

السلام عليكم :اخويkmk9999..انا وديت السياره وفحصتها وعرضتها على 5ورش وكلهم قالوا نفس الكلام..ﻻزم توضيب ي ناس اللي مجنني ان الموتر واقف مااستخدمه اﻻ من فتره لفترره واشيك على الزيت والسيفون وكل شي ..فجأه توضيب.

[kmk9999]

أولاً هذا مقدر ومكتوب

ثانياً السبب على ما أعتقد بسبة الزيت والسيفون ويمكن السبب برضه بما انك تستخدمه من فترة لفترة طول وقفته الزيت كله ينزل
تحت وما يكون على السبايك وعمود الكرنك زيت على الاقل تشغل السيارة مرتين بالاسبوع او ثلاث وتحركه مره بالاسبوع علشان المحركات كله

ثالثاً نصيحة لوجه الله دور لك مكينة نظيفة ولا توضب من واقع تجربة
وترى انا كنت ماخذ المكينة من القصيم ب٩٠٠٠ ريال وضمان شهر من تشليح العجلان
لأن اللي بالرياض صكوني ب١٥ ألف وضمان ١٥ يوم