اليوكن تقطيع بعد60

[عبقري91]

السلام عليكم. ×يسعد مساكم جميعن
اولن احب اشكر من قام على هذا الموقع. وجزاكم الله خيرآ. لكل من شارك ×في حل وقتراح للمشكل ×الي تطرح او مرت به. ×لما في ذالك فائده لاخوانا المسلمين


ابدا في موضوع وهو لسياره عزيزيه علي. يوكني الدلوعه حيث انهو صبر علي الكثير الكثير. ويستاهل مني كل خير
من شهر بدا يدلع ويتغلا علي قلتله ابشر
سم وش تبي قال فيني تقطيع غير واضح. بحكم اني انا صاحب السياره ×انا ادرا بسيارتي ماهي الي اعرفها الراكب مايحس فيها يبدا من بعد ال60 او80. اذا ريح بنمره × قلت بس. واغير البانزين لل95. ولا فاد×
نظفت الثرول ولا فاد نظفت حساس فلتر الهوا ولا فاد عيرت صفايت بانزين ولا فاد×
طنشته فتره. بحكم انه غير ملاحظ. لكن تجاوب السياره بدعس تغيير ثقل×
رحت شريت بواجي nkg ×واسلاك بواجي اصليه ولا فاد كني ماسويت شي
حطيت قاز مع البانزين ولا فاد
×اول لمن المس الدعسه يجاوب بتبديله وينطلق مشاء الله والحين لا لازم ادعس اكثر من اول عشان يتجاوب معي×

ملاحظه ما احس فيها الا بعد مايريح بنمره. وامون مهدي يعني بعد ال60 ريح. تبدا المشكله. واذا دقيت بور القير. يبدل نمره واحس تختفي لا يبقى فيه ثقل



افيدوني كزاكم الله خيير

هل هي من القير او من حساس الصرقعه×
لان بفحص الجهاز يطلع حساس الصرقه خربان
او من الطرمبه. وكيف احم عليهن.×
وجزاكم الله خير.×


يوكن2002 1500

[يالبى الهلا]

موترك طبيعي لاتلعب فيه نظف بوابة الهواء الي الموصلة للفلتر الهواء الريسئ
طريقة تنظيفها فك المجموعة ومن ثم ابدا بتظيفها ببخاخ ديلكو خاص بالبخاخات مع دعسة البنزين الي رقم 2 مع البخ بكثرة داخل البوابة وتأكد من عدم وجود تنسيم بهوز لهواء

[يالبى الهلا]

دائم فحص ااكمبيوتر يعطئ اكواد خربانة والمهندس الشاطر من يحدد العطل من اول فحص ولايخسرك قطع جديدة المفروض ماتتغير

[عبقري91]

نظفتها. هي اول خطوه بديت فيها. لاكن دون فايده

[دوج رام 98]

المفروض تسوي فحص للطرمبة حق البنزين , أتوقع والله اعلم أن الطرمبه على وشك , سو لها فحص ضغط

[ابو وائل فهد]

رح لجيركو بالصناعيه
مخرح ١٧

شف مواضيعي عن اليوكن وش سوا فيني

شهر

[abzs]

بعد التحيه الاخ عبقري هل وجدت الحل لان عندي نفس المشكله مع سبربان ٢٠٠٤ نفس المشكله تماماً ارجو ان تفيدني

[عبقري91]

والله لسه حتى الطرمبه غيرتها مافيه فايده

[المهندس اسعد]

السلام عليكم :
اغلب المشكلات في اخفاق القدرة اثناء السرع المتوسطة والعالية هي برمجية اي تنطوي تحت قائمة قفل السرعة او خطأ برمجي في نظام العقل بعد التاكد من الفحص النظري اي بواسطة العين المجردة مثل تسرب الوقود وزيت الهيدروليك وشمعات الشرر وحساسات السرعة في نهاية صندوق التروس
مع التقدير

[abzs]

فعلا صندوق التروس
غيرت القير كامل وراح التقطيع
ملاحظه التقطيع اذا دعست على البنزين على سرعه من ٧٠ الى ١٠٠ وكان السياره تفضي وتعشق وتفضي وتعشق
الضغط يطلع فوق والسياره ترجع ورى طبعا شي بسيط اغلب الاحيان ماحسبه وياضح اذا رقيت كبري مثلا وكذا مره يركب معي عامل من ورشه ومايطلع ابد التقطيع
التقطيع هذا من يوم اشري السياره ولاكن مالحظته الا بعد البيعه
الاسبوع الي فات طلع صوت مثل صوت التيربو بالقير زي الحنه وتروح ورحت الى ورشه متخصصه بالقيور ركب معي وسمع الصوت وخلال المشي لاحظ التقطيع وقال هذا من القير واحسن توضبه
طبعا شغل يده ١٢٠٠ +طقم وجيه ٧٠٠+ كلتشات ٨٠٠ وكلها ماهي وكاله بالاضافه الى ترس لازم يغير كل مره يفك القير المهم وصل السعر الى ٣٠٠٠ قبل مانعرف الخراب
نصحن واحد اغير القير كامل مضمون وارتاح احسن من التوضيب الي كل شوي يتصلون جب صوفه جب رمان وجب وجب الى ان تصل التكلفه الى ٧٠٠٠ ريال
المهم غيرت القير بي ٣٠٠٠ وعليه ضمان شهرين احس ان السياره افضل بكثير وراحت التقطيعه وراح الي كانه رجوع على السرعه اكثر من ١١٠ وراحت الفضاوه اذا عشقت ريوس ثم قدام
انا انصحك تروح الى ورشه متخصصه بالقيور ويفيدونك عن اللي بسيارتك لاتغير القير ولاتصلحه الا اذا عطوك ضمان ان الخراب من القير
هذا وصلى الله على نبينا محمد واله وصحبه اجمعين

[almo3jl]

انا اقولك القير مافيه شي


عندك ياطويل العمر الكويلات

علامتها يقطع قطعات غير متواله لما يريح كل ماتدعس زياده يقطع لما ترفع شوي رجلك


اما اذا كنكنه وتقطيع مستمر بين ٦٠و٨٠

حساس الهواء الي على القربه خربان يبي تغيير مو تنظيف

[عبقري91]

ابشركم ولله الحمد. خربت معي الطرمبه حقت اابانزين. وغيرتها. بحقت فورد. وغيرت الصفايه مع اني مغيرها قبل فتره بس لرضر حصلتها وصخانه. المهم. اخذتلي اسبوعين ولحمدلله خفت التقطيع بشكل ملحوض حتى اكاد اقول راح بالمره. لاكن. العزم ماهومعجبني وتجاوب القير لمن ادعس
مثل امشي ٤٠ وابي اتجاوز اتعس يمشي بس مايرد نمره لين اكتم الدعسه اخر شي بعدها يبدل نمره.
زمان كان ادعس شوي يستجيب مشالله
ويفحط الكفر بعد الحين لا. ونشالله اني بفك الحسسات وانظفها. واردلكم

[alwali]

اكيد من فلتر القير مسكر
بدل زيت وفلتر قير
صارت مع واحد من الشباب لما يدعس ماتجاوب السيارة وكان يطلع صوت حنه
وبدل زيت وفلتر وردت السيارة طبيعية

[عاشق الموج]

السﻻم عليكم عندي اخو موترك
وعانيت من التقطيع في البدايه شكيت في حساس tps الخاص بثبات دعست البنزين لكن طلع سليم وبعدها شكيت في بوابة الهواء التروثل ونظفتها ووضعها سليم
قلت خلني اعرضها على فني و اول ما دخلتها على الفني
قالي كم لك من غيرت البواجي قلت له مالي اسبوع من غيرتهم
قالي بفكهم واتاكد من وضعهم وفعﻻ فكهم وواحد منهم كان مو راكب بشكل كويس الي عند دبة الفريون خلفها مكانه صعب اشوي الظاهر الفني الي ركبه شد عليه بشكل غلط ﻻنه ما كان يعطي الشراره المطلوبه
والحمدلله بعد تركيبهم بالشكل الصحيح راحت الرجه والتقطيع ورجعت السياره من ابدع ما يكون

شف شيك على البواجي واحرص على رقم البواجي الخاص بالسياره

[عبقري91]

يا اخواني ارجو قرائة الموضوع والردود. المشكله انحلت ولله الحمد وذكرت سبب المشكله
لاكن من ناحيت القير. انا شاك في ٣ امور. واحد حساس الصرقعه لان عندي جهاز فحص طلعه لي
والثاني اتوقع حساس بالقير.
والثالث. حساس الهوا
لاكن الزيت مغيره عند. الوكاله اذا وصل ٣٠ الف. علا طول

[alwali]

ندري ان انحلت المشكلة
بس انت تقول السيارة ثقيلة
واحنى عطيناك الحلول
لكن ابي اعرف وش هو حساس الصرقعة

[عبقري91]

هذا حساس. او حساسين بالمكينه اجي تحت الثلاجه
تنظم الانفجارات دداخل المكينه وموضوعها طويل
لاكن عطاني كود الخطا. وبحثت عنه وطلعي اسمه العلمي حساس الصرقعه.
ومريت كذا ورشه قالو بيكلف فكه ٦٠٠ من غير القطع
ولو تبحث عن مواضيعه واجد.
والله يبيض وجيكم وماقصرتو وجعل اجتهادكم والحرص في ميزان حسناتكم