مشكلة الحراره بباترول 2003

[البدر 707]

السلام عليكم ورحمة الله وبركاته صباح الخيير ياخوان
عندي باترول 2003 غيرت له الراس جديد وغيرت الاديتر صيني جديد واذا وقفت ارتفعت الحراره الى النص وفوق النص بعض الاحيان واذا مشيت تنزل على طول وفيه المراوح الاماميه اليمنى كانت تطلع صوت رجه اذا شغلت المكيف وراح الصورت ولكن الحين احس ان هواها اقل من اليسرى هل المشكله منها او من غيرها .

[kmk9999]

بما انك تقول اذا مشيت تنزل الحرارة فمعناته ١٠٠٪ من المروحة

والدليل انت الحين ماشي وتنطح الهوى وش معناته ؟ معناه ان الهوى يدخل بين فتحات الرديتر ولما توقف لا يوجد هوى وعلشان كذا فائدة المروحة انه في حالة الوقوف هي تنوب عن الهوى .
وبرضه تأكد من تماتيك المروحة أو تأكد أن المراوح الكهرباء شغاله اذا انك بدلتها بدل الميكانيكية

وان شاء الله اني افدتك وما راح يقصرون الشباب بالرد

[الا سير]

المشكلة من كلتش المروحة تعبان
او من المروحة يمكن مركبة عكس
وشيك على هواية الرديتر يمكن
مكسورة او ماهي مثبة زين
المشكلة ماتطلع من هالحاجات الثلاثة

[البدر 707]

مشكورين اخواني على فزعتكم وبيض الله وجيهكم
اخوي الاسير ممكن تدلني على كهربائي بالرياض جيد يعرف هالمشكله

[الا سير]

المشاكل هذي مكانيكية
مال الكهربائي علاقة فيها
وانا من اهل تبوك ما ادل بالرياض
يفيدونك اهل الرياض ان شاء الله

[اسدهم]

شيك ع المراوح تحصلها تشتغل وحلوة بس اذصدمها الهواء اشتغلت ونت واقف تدور بس موبذاك ازود
افحص الفلوف وفحص ادئرة الموية كاملة

[البدر 707]

ياخوان بارك الله فيكم
شيكت اليوم على المروحه حقت المكينه ومالها صوت حنه وحاولت اوقف المروحه والسياره شغاله وماوقفت لكن مافيه صوت حنه وارتفعت الحراره للنص والمروحه الي يمين السياره قدامها مثل الاديتر صغير جهة الشبك يطلع حراره ومدري ايش المشكله هل هو من تماتيك المروحه او من المراوح الكهرب

[الواثق 7]

بلاك من تماتييك المروحه والله اعلم

[البدر 707]

تم تغيير تماتيك المروحه ومازالت الحراره ترتفع ياخوان فيدوني قسم بالله رفع ظغطي هالموتر

[SGL]

المشكلة في موترك من المراوح الي خلف الشبك ضعيفه شيك عليها :)

[البدر 707]

شيكت عليها وسليمه وعند ابو صالح التركي كل شغلي ويقول ابو صالح موترك مافيه شي والحراره توصل النص

[العطاوي a511]

اذا موترك فتك شف المروحه الميكانيكيه يمكن مركب حقت 4500 تركب على الفتك لاكنها صغيره مروحه الفتك كبيره محلات قطع الغيار مايفرقون بين قطع الباترول اهم ماعندهم ركب وامش والرديتر الصيني ماينفع بريال مايبرد الموتر لازم رديتر اللمنيوم والالمنيوم مايجي الا اصلي وقيمته حول1700

[اابوخالد666]

انا كانت عندي نفس مشكلتك وركبت بلف حراره الأصلي حق وكالته رقمه 65 والحراره صارت ثابته على الربع سواء كان الموتر واقف او متحرك وترى المراوح اذا كانت تعبانه ماراح ينفع لو تركب بلف حراره لازم تكون المراوح شغاله 100%

[البدر 707]

الله يجزاكم خير وبيض الله وجيهكم
العصر انا عند ابو صالح وقال شفت بلف الحراره وسليم وشيكت على دورة الماء ومظبوطه وهو بنفسه ماعرف وش العله والمراوح سليمه حتى حقت المكينه لوها حقت 4500 كان عرفها ابو صالح ماظني تغيب عليه ؟

[هم الشمالي]

طيب ابي اسئلك اذا شغلت المكيف او شغلت انوار السياره ترتفع الحراره بشكل ملحوض وسريع

[البدر 707]

والسياره عزمها وسط واذا دعست الابنص كامل الاول والثاني والثالث يشيل نفسه وزين اذا جا الرابع يريح والابنص كامل لما يفصل وعموم العزم متوسط

[البدر 707]

اذا شغلت المكيف والسياره واقفه ترتفع الحراره واذا طفيت المكيف تنزل حتى وهي واقفه اما الانوار مالاحظت

[هم الشمالي]

شف فيه طريقه يمكن تضبط لاني مجربها وصل سلك من اصبع البطاريه البارد يكون قوي لأي مكان بجسم السياره وثبته فيها
لأن يمكن عندك تهريب كهرب

[ابوفريحح]

اهاذا النيسان خذوها قاعدة لازم كل سنه تغير جميع الهوزا التبريد قيمتهن كلهن ب حدود2500 لان يتسرب الماء وترتفع الحراره
جاكم العععلم

[sgl2002]

اذا ارتفعت الحراره يفصل المكيف ويقلب حار؟؟


طيب شغل اي جهد كهربائي وشف يتحرك العداد بشكل غير طبيعي


اانزل وامسك الاهواز وقت الحراره شف منضغطه ؟؟


ترى الطبلون او الحساس نفسه يمكن خربان

[sgl2002]

اهاذا النيسان خذوها قاعدة لازم كل سنه تغير جميع الهوزا التبريد قيمتهن كلهن ب حدود2500 لان يتسرب الماء وترتفع الحراره
جاكم العععلم

اللله وش 2500


انا مغير جميع الليات الصغيره كلها اقيامها حول35 ريال الوحده

والخراطيش ماتعدا 100

[البدر 707]

اذا ارتفعت الحراره يفصل المكيف ويقلب حار؟؟


طيب شغل اي جهد كهربائي وشف يتحرك العداد بشكل غير طبيعي


اانزل وامسك الاهواز وقت الحراره شف منضغطه ؟؟


ترى الطبلون او الحساس نفسه يمكن خربان

اخوي نعم صحيح يفصل المكيف اذا احترت السياره واذا طفيت المكيف ينزل انبير الحراره .
واذا احترت السياره اكيد منظغطه الاهواز مررره وحاره .
والطبلون بالاساس كان خربان وصلحه ابو صالح التركي ولكن يبقى فيه مشاكل والحساس يقرا صح والسياره طبعا تحتر مو انه يقرا غلط .