جمعٍ وعند البعض يالهيل طايب...............الحل:نواشف....حله:ناصرالعلي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز وترحيب بطريدي الفارس المغوار


اهلا هلا باللي عن النت غايب=اهلا هلا وسط الصدور الرحيبه
شفتك نهار الامس للنت آيب=اهلا هلا يامطولٍ في مغيبه
ودي بلغزٍ ماخلا من نشايب= وانت الذي خبري تفك النشيبه
جمعٍ ولا له مفردٍ ياحبايب=جمعٍ ومن وصفي هقيتك تصيبه
جمعٍ وعند البعض يالهيل طايب=لو كان مابالوسط كلٍ حريبه
لكن اليامن صرت للوسط سايب=معنى تِضَجَّر او هي منها قريبه


مع تحيات ابو ماجد


منتديات مكشات 0 خيمة الالغاز

[صقر السديرات]

صح لسانك ابو ماجد
وصبحك بالخير
جريش
جيش
جرش
دمت بخير

[أبو صالح الخلاوي]

صح لسانك يابوماجد
والطريد يزود غلاه ، الله يحفظكم

رمعة للتحجير :- أرياف - ريا - أف تضجر

[عطري]

و عليكم السلام و رحمة الله و بركاته



صح لسانك أبا ماجد ، و أدام الله الأخوة بينكما.



يستاهل أبو عبدالله كل خير



ولو يرجع لنا بلغيز ، نستمتع بنظمه المعهود.



أبو صالح - الله يسلمه- خفف التفكير

جاري الانتظار........

[ابوذيبان]

الله الله الله الله

صح قلبك ملاييييييييييييييييييين يالزعيم

ويساهل ابوعبدالله الهيل كل علم غانم .

وابرك ساعة دخوله وتواصله معنا . مكسب لنا بلاشك

جاري التفكير

0

[badr2003]

صح لسانك يابو ماجد على هالكايف
محاولة
مال ,,فلوس
مل ,,تضجر

[ابوماريا]

صح السانك يابو ماجد
وبيض الله وجهك على هالابيات
اللي تطرب الخاطر

وأبو عبدالله يستااااااهل

وش رايك
نعناع
عنا
نع مثل يع. تضجر الاطفال

[ابو ماجد 2]

صح لسانك ابو ماجد
وصبحك بالخير
جريش
جيش
جرش
دمت بخير

صح بدنك يابو فيصل
الظاهر استملس جلدك على هالضلع وكأني بك تقول
مقيم مااقام عسيب
مالك لوى يالغالي
وشرفتنا

[ابو ماجد 2]

صح لسانك يابوماجد
والطريد يزود غلاه ، الله يحفظكم

رمعة للتحجير :- أرياف - ريا - أف تضجر

هلا بك يابو صالح
صح بدنك يالغالي
رمعه طيبه
ولكن مااقصده يضم جمع لو اخذت واحده واردت افرادها بالاسم لاتقبليعني لتقريب الصوره
مثل اهل هم مجموعه يمثلون اهل المتكلم واذا اردت افرادهم ماياتي على نفس المسمى فياتي اب ام اخ

[ابو ماجد 2]

و عليكم السلام و رحمة الله و بركاته



صح لسانك أبا ماجد ، و أدام الله الأخوة بينكما.



يستاهل أبو عبدالله كل خير



ولو يرجع لنا بلغيز ، نستمتع بنظمه المعهود.



أبو صالح - الله يسلمه- خفف التفكير


جاري الانتظار........


هلا بعطرنا الفواح
صح بدنك يالغالي
وانتم كلكم اخوان وابناء لي الله لايحرمنا تواصلكم
شرفتنا وابو صالحرمعته طيبه وجرى الرد

[ابو ماجد 2]

الله الله الله الله

صح قلبك ملاييييييييييييييييييين يالزعيم

ويساهل ابوعبدالله الهيل كل علم غانم .

وابرك ساعة دخوله وتواصله معنا . مكسب لنا بلاشك

جاري التفكير

0

ياهلا ومليون هلا
هلا بمنهل الابداع
صح بدنك
والهيل لعله يسمع كلام اخوه العود ويعود

[ابو ماجد 2]

صح لسانك يابو ماجد على هالكايف
محاولة
مال ,,فلوس
مل ,,تضجر

هلا بالمبهر
صح بدنك يالغالي
وانت رمعتك تحويله ماشاء الله عليك تشفع لك اسبوعين ماتروح للضلع مهما كانت رمعتك
مالك لوى يالغالي

[ابو ماجد 2]

صح السانك يابو ماجد


وبيض الله وجهك على هالابيات
اللي تطرب الخاطر


وأبو عبدالله يستااااااهل


وش رايك
نعناع
عنا

نع مثل يع. تضجر الاطفال


هلا بالغالي
هلا بالمثالي
صح بدنك والطرب هو التواصل معكم
رمعه طيبه وانتظر الاطيب

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز وترحيب بطريدي الفارس المغوار

نزيد بيت لمحاصرته اكثر


اهلا هلا باللي عن النت غايب=اهلا هلا وسط الصدور الرحيبه
شفتك نهار الامس للنت آيب=اهلا هلا يامطولٍ في مغيبه
ودي بلغزٍ ماخلا من نشايب= وانت الذي خبري تفك النشيبه
جمعٍ ولا له مفردٍ ياحبايب=جمعٍ ومن وصفي هقيتك تصيبه
خمس حروفه يالعقول النجايب=وخمسٍ نقاطه بالعلالي حظي به
جمعٍ وعند البعض يالهيل طايب=لو كان مابالوسط كلٍ حريبه
لكن اليامن صرت للوسط سايب=معنى تِضَجَّر او هي منها قريبه


مع تحيات ابو ماجد


منتديات مكشات 0 خيمة الالغاز

[همس النسيم]

وعليكم السلام ورحمة الله وبركاته
صح لسانك يابو ماجد
على هاللغز الكايف
ويستاهل الهيل كل خير
رمعة لعالها تتصيب
الملفوف وأف

[ابو ماجد 2]

وعليكم السلام ورحمة الله وبركاته
صح لسانك يابو ماجد
على هاللغز الكايف
ويستاهل الهيل كل خير
رمعة لعالها تتصيب
الملفوف وأف

صح بدنك اختنا الكريمه
كيف الله ايامك على الطاعه
شرفتينا ولغزنا لايزال طليق

[هيل]

السلام عليكم ورحمة الله وبركاته
ردعلى أبوماجد للعوده وأنتمدايم حاضرين لالقلب
ومغبت ألا ألظروف وتعدي أن شاءالله
لوغبت عنكم يالزعيم أللسبايب
أسبابٍ على مثلك ماهي غريبه
يالله أن تعـديـها بـلـيا مصايب
ودايم فال الخـيـر ربي تجـيبـه
ألخيمة ألألغـاز بقـلبي طـنايب
وكلن وسط قلبي ثابت أطنيبه
باألبعد عن العين نبقى حبايب
دام وصل الحـب سـالك دريبـه
تحـيةٍ مـني أل شـابٍ وشـايـب
أحلا من البرحي وزبد ورويبه
مع فائق التقديروألأحترام
الهيل

[خي م طاع الله]

وعليكم السلام
صح السانك يابو ماجد
وصح السانك يالهيل
ويمسيكم بالخير
يمكن
تماثل

[صقر السديرات]

ممكن
شوفان
دمت يخسر

[صقر السديرات]

يرفع ليرمع

[ابو ماجد 2]

السلام عليكم ورحمة الله وبركاته

ردعلى أبوماجد للعوده وأنتمدايم حاضرين لالقلب
ومغبت ألا ألظروف وتعدي أن شاءالله

لوغبت عنكم يالزعيم أللسبايب


أسبابٍ على مثلك ماهي غريبه
يالله أن تعـديـها بـلـيا مصايب
ودايم فال الخـيـر ربي تجـيبـه
ألخيمة ألألغـاز بقـلبي طـنايب
وكلن وسط قلبي ثابت أطنيبه
باألبعد عن العين نبقى حبايب
دام وصل الحـب سـالك دريبـه
تحـيةٍ مـني أل شـابٍ وشـايـب
أحلا من البرحي وزبد ورويبه


مع فائق التقديروألأحترام


الهيل

هلا بطريدي
صح لسانك على ماسطرت
وان شاء الله تتلاشى الظروف وتعود فارس مغوار كما عهدناك

[ابو ماجد 2]

وعليكم السلام


صح السانك يابو ماجد
وصح السانك يالهيل
ويمسيكم بالخير
يمكن
تماثل


هلا ومليون هلا
صح بدنك
واسعد الله جميع اوقاتك
مالك لوى يالغالي

[ابو ماجد 2]

ممكن
شوفان
دمت يخسر

ياحبي لك يابو فيصل
تصدق اللغز نسيته وليتي بس نسيته . نسيت رمعته
ولكن رمعتك خلتن اتذكر مرماعه
انتظر القاتله

[ابو ماجد 2]

يرفع ليرمع

ياحبي لك هذا وانت بالضلع تفطن للالغاز المنسيه

[ناصر العلي]

ياحبي لك يابو فيصل
تصدق اللغز نسيته وليتي بس نسيته . نسيت رمعته
ولكن رمعتك خلتن اتذكر مرماعه
انتظر القاتله




:eek::eek::eek::eek:

الله يستر ياأبوماجد

ياالله

وين أبومحمد الله يذكره بالخير

:D:p:);):):p:D

والله مايفوته

سلمت يالغالي

وصح لسانك

وغالي ومسند على غالي

ويش قولك بـ

نواشف

واش

كلن حريبه

نف........من التذمر

[ابوماريا]

ياسلااااااام عليك يا دكتور
رمعة ولا احلى
ماشاء الله عليك

[ابو ماجد 2]

:eek::eek::eek::eek:

الله يستر ياأبوماجد


ياالله


وين أبومحمد الله يذكره بالخير


:D:p:);):):p:D


والله مايفوته


سلمت يالغالي


وصح لسانك


وغالي ومسند على غالي


ويش قولك بـ


نواشف


واش


كلن حريبه


نف........من التذمر


هههههههههههههههههههههههههه
شفت وجه الشبه بين نواشف وشوفان رمعة ابو فيصل كل الحروف نفسها هنا وهنا
كفوووووووووووووووو كفوووووو كفوووووو
نعم
نواشف
الاطراف نف اي تضجر ومل وزهق والوسط واش من الوشايه
لله درك يابو علي
والنواشف عباره عن منوعات جبن عسل قشطه ........الخ
وليس لها مفرد
وهاللغز الولد طلع من الامتحان وحب ياخذ فطور تعرف البزران والمطاعم
قعدت انتظره والمطعم اسمه نواشف
فتبادر لذهني هاللغز

[ابو ماجد 2]

ياسلااااااام عليك يا دكتور


رمعة ولا احلى

ماشاء الله عليك


هلا بالمثالي
تاييد موفق
صح لسانك انت والدكتور

[ناصر العلي]

ياسلااااااام عليك يا دكتور
رمعة ولا احلى
ماشاء الله عليك



سلمت ياأبوفايز

وبيض الله وجهك

وتأييدك يزيدني ثقة

لاخلا و لاعدم

تحياتي

[ناصر العلي]

هههههههههههههههههههههههههه
شفت وجه الشبه بين نواشف وشوفان رمعة ابو فيصل كل الحروف نفسها هنا وهنا
كفوووووووووووووووو كفوووووو كفوووووو
نعم
نواشف
الاطراف نف اي تضجر ومل وزهق والوسط واش من الوشايه
لله درك يابو علي
والنواشف عباره عن منوعات جبن عسل قشطه ........الخ
وليس لها مفرد
وهاللغز الولد طلع من الامتحان وحب ياخذ فطور تعرف البزران والمطاعم
قعدت انتظره والمطعم اسمه نواشف
فتبادر لذهني هاللغز



سلمت ياأبوماجد

وبيض الله وجهك

وكفوك الطيب يالغالي

وبصراحة رمعة أبوفيصل هى اللي فتحت لي الدرب

تحياتي