مشكله في قير لاندكروزر 99 تماتيك - الفززعة يالربع وراي سفر

[سقم المعادي 1]

السلام عليكم


القير بموتري بدأ يستهبل في وقت خطأ كنت مخطط لسفره للجنوب لكن مالظاهر اني بسافر بسبب القير

مشكله القير وانا امشي طبيعي و القير على نمره 3 مثلاً
و زودت له الدعسه لازم يرد نمره الى نمره رقم 2 ... في اللحظه هذي وهو راد نمره فيه حنه و صاير الموتر ثقييل ممشاه مره

الحركه اشبه بأنك بالقير العادي تحطه بالثالث و تبي تزود دعستك ترده باثنين و تدعس وانت حابس كلتش وتفك اتمنى ان الحركه واضحه


يعني بششكل عام و أوضح فيه فضاوه اذا رد نمره يمكن مده ثانيه وحده وتشبك النمره اللي قبل و تنمصع رقبتي من الرفسه

وش الحل ؟؟؟

للاحاطه الموتر 6 سلندر GXR و زيت القير توني مغيره مع الفلتر اصلي
الممشى تخطى حاجز 400 الف
المعذرة على عدم التنظيم اكتب لكم الموضوع وانا بالدائري واقف بالزحمه هههه

[الوسم]

إرجع للي غيره لك وقل له هات اربعة وعشرين ألف قيمة قير جديد وما يخالف أنا اركبه بدالك وإلا زينه لي وانا ابا اسافر ولا اقدر انتظر حظرتك تشوف المشكله والا وزارة التجارة ودق عليهم عنده خلله يشوفك ويسمعك وانت تكلمهم وشف وش يطلع معك وارجع هنا واكتب وش صار عليك 000 لا تسفهنا وانت مشاورنا

[sgl2002]

الحركة ذي وهو بارد والا وهو حار

[سقم المعادي 1]

إرجع للي غيره لك وقل له هات اربعة وعشرين ألف قيمة قير جديد وما يخالف أنا اركبه بدالك وإلا زينه لي وانا ابا اسافر ولا اقدر انتظر حظرتك تشوف المشكله والا وزارة التجارة ودق عليهم عنده خلله يشوفك ويسمعك وانت تكلمهم وشف وش يطلع معك وارجع هنا واكتب وش صار عليك 000 لا تسفهنا وانت مشاورنا

الزيت مغيره و الموتر ماشي 380 الف و الآن ماشي 411 الف و توها مالها اسبوع هالحركه ما اظن الزيت له علاقه


الحركة ذي وهو بارد والا وهو حار

بالحالتين و يزود وهو حار تحس ان القير يعاني عشان يرد نمر مافيه سرعه استجابه

[الوسم]

الحمد لله إن شاء الله إن الأمور هينه 000 طيب حرارة السيارة وش وضعها ؟؟ وتأكد من الأديتر ومجاري زيت القير فيه ؟؟

[الوسم]

أنا آسف 00 سؤال ضاع عني 00 فحصت السيارة كومبيوتر ؟؟ وإذا ما بعد فحصت رح إفحص ب150 ريال والخسارة بسيطة للتأكيد على الأجزاء الإلكترونية ( الحساسات ) وبعدين تسهل إن شاء الله

[الوسم]

على قولت حسن مصطفى ( حبة حبة يا علام )

[cadillac911]

هل القير له مبرد خاص فيه امام رديتر المكينة


Liverpool for ever

[Rapture]

شيك على مستوى الزيت وشوف تحت السيارة يمكن فيه تهريب

بس من خلال كلامك أتوقع الكلشات ودعت والله اعلم

[zayed98]

الكلش مايمسك مظبوط

تآكد من الزيت + الكلش

خلهم يشيكون على الفلف بدي حق القير لو غيرك فيه فلف بدي

[سقم المعادي 1]

الله يعطيكم العافيه
فحصت كمبيوتر ماطلع شيء يعني المشكله مهيب كهرب شكلها كلتشات القير و الله أعلم و الزيت فحصته سليم و ريحته طبيعيه
اذا نزلت القير 1
يمشي الى ان يتعدى الضغط 3 بعدين يحن كانك حابس كلتش

[سديراوي بر]

السلام عليكم ورحمة الله وبركاته

مشكلتك ان القير اذا بيعشق من 1 الى 2 يحن ثم ينتع بقوه اذا عشق 2 صح والا ؟؟
اذا كان كذا شيك على سلك جنب سلك الدعسة حق البنزين فالكبوت يمكن يكون منقطع لان انا صار معي
نفس تقريبا نفس مشكلتك وقالوا لازم توظيب واخر شي طلع هذا السلك غيرته من الوكاله قيمته يمكن 134 ريال

طبعا السلك هذا طالع من القير الى الكبوت
اتممنى اني افدتك

[شاد الرحال]

اذا فيه كتمه في عزم الموتر و يالله يستجيب

شف فلتر الهواء حق المكينه

[اليوسف2012]

تأكد من مستوى زيت القير ممكن يكون ما عباه مضبوط لان نقص الزيت يسوي فضاوة بالقير خصوصا مع اللفات القوية ومسك البريك المفاجئ ثم الدعس

[مهندس مكانيكي]

اخي العزيز لابد ان لديك مشكلة في احدى التروس

لذلك لايستجيب لك بالشكل المرغوب حتى لو تم تغيير الزيت والفلتر

قم بفحص القير اخي العزيز ف احد المراكز الممتازه ل القير

[الوسم]

أيضا لا تعجل 000 رح لساكو واشتر منظف افياش كهرب بعشرين ريال ما هو غالي وارفع السيارة ثم اممنها وانزل وشف الافياش اللي جايه من وإلى القير فكه بالبخاخ نظفها وتعال وجرب السيارة وبعدين علمنا وش صارر معك

[سقم المعادي 1]

فحصناها اليوم عندك كذا ورشه و ماش عيا يطلع البلا
مشكلتي مهيب في التعشيق 1 2 3 4 يعني تعشيق طلوع
لا مشكلتي اذا جاء يرد من نمره اكبر الى نمره اصغر من 3 الى 2 يترفع الار بي ام بعدين تشبك النمر اللي قبل كأنك تبي ترجع من ثالث لثاني وتبتل ضاغط كلتش وداعس بنزين و تفك الكلتش بسرعه
ابي اعرف الكيبل حق القير هذا وين مكانه عشان اغيره و اجرب دامه رخيص 134 ريال

[ابوراكان تبوك]

هذا تقرير لحل مشكله مشابهه جداً لمشكلتك

وجزا الله صاحب الموضوع الف خير وانا مخزن الموضوع من اول عندي

السلك اللي تسأل عنه هذا سلك التجاوز وفي هذا الموضوع شرح المشكلة وحلها

حلينا مشكلة التعشيقه الثالثة في قير اللاندكروزر ولكن .. (http://www.mekshat.com/vb/showthread.php?t=505284)

[سقم المعادي 1]

هذا تقرير لحل مشكله مشابهه جداً لمشكلتك

وجزا الله صاحب الموضوع الف خير وانا مخزن الموضوع من اول عندي

السلك اللي تسأل عنه هذا سلك التجاوز وفي هذا الموضوع شرح المشكلة وحلها

حلينا مشكلة التعشيقه الثالثة في قير اللاندكروزر ولكن .. (http://www.mekshat.com/vb/showthread.php?t=505284)

الله يجزاه خير ولا تهون انت يابوراكان جزاك الله خير و شكراً على مساعدتك
بغيره و ان شاء الله يزبط :(

[التويجري1991]

اخوي فيه حساس اللهات تأكد منه صارت معي ورحت للورش الرياض كلها ويقولون توضيب وفحصت كمبيوتر ماطلع شي يوم شفت اني بوضب قلت اروح للقصيم ورحت للورشه بالتشاليح وفحص كمبيوتر وطلع حساس اللهات وغيرته ماكلف ٣٥٠ ريال مع الشغل والمشكله هذي عانيت منها سنتين نصيح رح للورشه ثقه وافحص كمبيوتر


تقبل مروري(:

[glaza]

يا جماعه ما جنكم شيرتو بالريال

الحل انك تروح قراج امين وضروري يفحص لان كثير من اعراض اعطال السيارة متشابهة لازم ينفحص الموتر عقبها يتصلح وان شير فيك اى كهربائي او ميكانيكي رد فلوسك منه خل هذا اتفاقكم قبل لا اى احد يشتغل على موترك

الله يوفقك