المساعد الشخصي الرقمي

مشاهدة النسخة كاملة : مشكلة في اليوكن 2009


هويني
21/05/2014, 05:21 PM
السلام عليكم ياشباب سيارتي يوكون 2009 وقفتها ثلاث ايام ويوم جيت أشغلها ما اشتغلت الا باشتراك جميع الانوار في السيارة ما تشتغل حتى أنوار الطبلون الريموت ويوم سويت لها اشتراك اشتغلت روحت غيرت بطارية اشتغلت يومين تمام معايا وبعدها وقفتها يومين وحصلت معاي نفس المشكلة الريموت ما يشتغل انوار الطبلون ماتشتغل والسيارة ماتدق سلف نهائياً تتوقعون وش المشكلة
basbadi
21/05/2014, 05:38 PM
وعليكم السلام
اعتقد عندك تهريب في الكهرباء
تأكد من توصيلات اي اضافات كهربائيه مثل شاشات او انوار او اي اجهزه اخرى
بالاضافه للاهم وهو البطاريه ونوعيتها
عبقري91
21/05/2014, 06:33 PM
تهريب كهرب. او لمبه شغاله زي لمبة الدرج. او المبه الاخيره. في السقف.
sgl2002
21/05/2014, 07:01 PM
او الدينمو مايعبي
هويني
21/05/2014, 11:08 PM
السلام عليكم روحت للكهربائي وقال أطفي السيارة وطفيتها وفصل اصبع البطارية وشبك في البطارية سلك فيه لمبة واشتغلت اللمبة قال عندك تهريب في الكهرباء والله ما أدري هو صادق ولا ؟؟ تعرفون الايام هاذي بعض المهندسين الله يهديهم أهم شي يكسب فلوس فياريت اللي عنده خلفية يجاوبني هل كلام المهندس صحيح ؟؟
يقول اليوكن موديل ٢٠٠٩ عادةً يكون في تهريب في المسجل لكن بكرة الصباح راح يكشف على مكان التهريب
هويني
22/05/2014, 12:32 PM
السلام عليكم ياشباب اليوم روحت للكهربائي وكشف عليها وقال لازم فحص كمبيوتر وسويت فحص كمبيوتر يقول اللي كشف السيارة ما فيها شي كل شي سليم والكهربائي يقول فيه تهريب فما ني عارف وش الحل الكهربائي يقول خليها عندي يوم ونشوف اللي عنده خبرة ياريت يقولنا عن المشكلة الله يعافيكم وفضلاً ليس أمراً
الخالدي999
22/05/2014, 12:49 PM
اخوي تأكد من البطاريه اذا هي قديمه غيرها لانها ماتخزن كهرب بعدين كم لها ماغيرت؟؟
هويني
22/05/2014, 01:27 PM
هلا اخوي البطارية مالها اسبوع والله
عبقري91
22/05/2014, 08:35 PM
تراى تهريب الكهرب معقد يبيله وقت يمكن بساعه ويمكن بيوم
كان عندي كامري نفس مشكلتك خايتها عنده وفعلآ تتبعد المشكله لين طلعها لي التماس
وانتبه. ترا يسبب حريق لاسمح الله.
وافضل شي انك تجلس عنده. قله انا من برا الرياض او بيتي بعيد. بقعد عندك لين تحلص
افضل ما تخليها وتروح.
عبار درب
22/05/2014, 09:44 PM
شيك على الدينمو اذا سليم و يشحن البطارية فعندك تهريب كهرب شف اخر شيء سويت له صيانه و تاكد من سلامة التوصيلات
هويني
22/05/2014, 10:10 PM
ياشباب كان في السيارة فار في الطبلون وخرجته بالغرا بس سويت فحص كمبيوتر للسيارة اليوم ويقول كل شي سليم وشييك الكهربائي على الفيوزات كلها سليمة بس فيه فيوزين يوم نزلها اللمبة اللي شبكها في البطارية ضعفت ما أدري يمكن منها ؟؟ ويوم يحك الاصبع حق البطارية في البطارية يطلع شرار وإمبير الطبلون يتحرك ويطلع صوت في مفاتيح الزجاج مع العلم إن السيارة طافية تماماً
عاشق الهدد051
22/05/2014, 10:31 PM
السلام عليكم
ما دامك لقيت فار اعرف انه لاعب بالاسلاك شيك على الظفيرة
و ركز على اللي حول الطبلون لانه المكان اللي لقيت فيه الفار
طبعا دور لك ورشة محترمة و مشهود لهم بالشغل الزين و بيطلعون علته
ان شاء الله
عبار درب
23/05/2014, 04:58 PM
100/100 الفار اعزكم الله قارض سلك و ضعف لمبة الفاحص دليل التماس شيك على اسلاك الفيوزين الي اشرت عليها اللمبة