يوكون-2009-صوت اسفل السيارة مع رجة..مساعدتكم..

[fahd999]

السلام عليكم ورحمة الله وبركاته
عندي يوكون 2009 لاحظت قبل 5 ايام تقريبا اذا السيارة تشتغل وهي واقفة تسمع صوت طقطقة اسفل السيارة ومع كل صوت رجة اسفل السيارة (بين مقعد السائق والقير) وكأنها تبي تطفى، وتظهر هذه الحالة اكثر اذا شغلت المكيف، احيانا بالليل اذ كنت واقف وامامي سيارة اشاهد مع الصوت ورجة السيارة ضعف في اضائة السيارة (تأشير)، مرات مع المشي تحس بهالصوت.
اذا دعست بنزين وهي واقفة لا يوجد تفتفه او تقطيع بنزين..
من تجاربكم ما الحل؟
انا بالرياض وبأي الورش تنصحوني..
والله الموفق...

[fahd999]

وينكم يالنشامى..
اخوي اصيل حجازي واهل الخبرة تفضلوا برايكم.

[هاوي بلادي]

افحص عند اقرب ميزان

من تحت الموتر

وان شاء الله سهلات

يمكن عندك حاجه مرتخي

وعطلنا العلم بعد الفحص

[fahd999]

اشكرك اخوي هاوي بلادي على ردك..
الاشكالية اني اذا وضعت القير على D او R مع دعس الفرامل تظهر الهزة وهي واقفة وخصوصاً المكيف شغال.
يعني لا علاقة بالاذرعة.
وطرمبة البنزين سليمة.
من تنصحوني بكهربائي متمكن في الرياض.
مشكورين.

[ولد لولوه]

شيك على زيت القير والفلتر وعلى الدفرنس

مجرد سوال اذا عشقت القير ًتحس انه يقبل بصعوبه ويطلع صوت طقه !!

[ولد لولوه]

واتمنى اذا شيكت على الزيوت وطلعت مضبوطه اطلع اقرب خط واجلد الموتر واسرع عليه وشوف تعيش القير ثقيل ولا لا وشف نفس الهزه تجيك او لا اذا صارت معك معناته القير على وشك يخبط بحد علمي واحتمال ضعيف يكون حساس القير والله يعينك ويعين الجميع

[fahd999]

مشكور ولد لولوه على مساعدتك..
الحمد لله الأمر اكثر من بسيط..
رحت لكهربائي وشيك عليه قال احتمال بواجي او اسلاك بواجي مع تنظيف الثروتل.. لكن قال افحص كمبيوتر وجب برنت.
فحصت كمبيوتر 100 ريال وقال عندك سلندر رقم 1 فيه اشكاليه واحتمال البوجي، فكه وحصلناه منشعر وركب ثاني مستعمل للتأكد والحمد لله راح التقطيع..

جزاكم الله خير جميعاً..