جمس سيرا 2003

[ولد لولوه]

السلام عليكم كيف حال الجميع (انشاء الله انكم بخير)
يا جماعة الخير معي جمس سيرا 2003 hd قير عادي
بهذلني بحرارة قيره ما غير متشلوط فالغماره وجربت اكثر من حاجه الا هي عازل حراره للارضيه ولا نفع غيرة جلدت القير والقاعده ولا نفع والموتر ما اجلده ابدا حتى فاك عامود الدبل ومريحه والحين طلع عندي تهريب خفيف بصوفت القير و وجه القير رحت كل مكان قالو ما له حل لان عيب القير انه المنيوم بس اني سمعت في ورش ترهم قير حديد للسيرا فالشرقيه !!


وفيه حاجه ثانيه باختصار
انا مرهم له مراوح سيرا 2012 وكانت تشبك وحده يوم صلحت المكيف صارت تشبك كلها فاذا شبكت ضعف كهرب الموتر بالحيل وبطاريته جديده وحجمها 78-84 والبواجي واسلاكها جديده انا صراحه مافي بالي غير الدينمو






عطوني رايكم او حل ولا دلوني الخراره خلوني اطلع حرتي كل وقتي مدلعه وماغير منبطح حدره


المعذره على الاطاله واشكركم جميعاً

[Jeep 2005]

عليك السلام ورحمة الله وبركاته


عندك تهريب هوا يدخل عليك فالغماره
تتبع فالغماره من تحت .. تحت الركسون والديكور
اغلب الظن ان حرارة المكينه تدخل عليك وسكرها بلحام بادر ولا سيلكون



وش علاقة تهريب القير والي هو من الوجهه والصوف بنوع الجرم هل هو حديد ولا المنيوم؟\
هذا لو انه يحتاج قطع صحيح .. القير العادي للجموس من 2000 وطالع مشاكلها واجد ولا لها قطع
وبدليل انهم وقفوا تصدير القير العادي

وبخصوص الترهيم

صحيح فيه ترهيم ويركبون لك قير الموديلات الي قبل 99 ونازل

بس انت موضوعك هين
يحتاج طقم اصلاح قير



ضعف الكهرب
رح لكهربائي وخله يقيس لك قوة الكهرب

موفق

[Jeep 2005]

السلام عليكم كيف حال الجميع (انشاء الله انكم بخير) إن شاء
يا جماعة الخير معي جمس سيرا 2003 hd قير عادي
بهذلني بحرارة قيره ما غير متشلوط فالغماره وجربت اكثر من حاجه الا هي عازل حراره للارضيه ولا نفع غيرة جلدت القير والقاعده ولا نفع والموتر ما اجلده ابدا حتى فاك عامود الدبل ومريحه والحين طلع عندي تهريب خفيف بصوفت القير و وجه القير رحت كل مكان قالو ما له حل لان عيب القير انه المنيوم بس اني سمعت في ورش ترهم قير حديد للسيرا فالشرقيه !!


وفيه حاجه ثانيه باختصار
انا مرهم له مراوح سيرا 2012 وكانت تشبك وحده يوم صلحت المكيف صارت تشبك كلها فاذا شبكت ضعف كهرب الموتر بالحيل وبطاريته جديده وحجمها 78-84 والبواجي واسلاكها جديده انا صراحه مافي بالي غير الدينمو






عطوني رايكم او حل ولا دلوني الخراره خلوني اطلع حرتي كل وقتي مدلعه وماغير منبطح حدره


المعذره على الاطاله واشكركم جميعاً



للتوضيح جعلي ماذوق حزنك :)

[مهندس مكانيكي]

اخي العزيز

مشكلتك تتمركز حول ضعف القير او بالاصح هناك خلل ما في القير

تاكد من كهرب ثانيا فحص مبرد القير ثالثا ل نهاية مشكلتك قم بشراء قير جديد من التشاليح شد بلدها

من نفس نوعية سيارتك او اجدد قم باختياره انت وفحصه وقم بتركيبه لان القير اذا توظب اكثر من مره

يضعف اكثر واكثر ويصبح بلا فايده وسريع الخراب

[Jeep 2005]

اخي العزيز

مشكلتك تتمركز حول ضعف القير او بالاصح هناك خلل ما في القير

تاكد من كهرب ثانيا فحص مبرد القير ثالثا ل نهاية مشكلتك قم بشراء قير جديد من التشاليح شد بلدها

من نفس نوعية سيارتك او اجدد قم باختياره انت وفحصه وقم بتركيبه لان القير اذا توظب اكثر من مره

يضعف اكثر واكثر ويصبح بلا فايده وسريع الخراب

القير عادي وانا اخوك ماهو تماتك

[هاوي بلادي]

لازم تشوف حل في البدايه

بالنسبه للتهرب اللي من صوفة القير

قد تحتاج الى اصلاح طقم القير

والكهرباء

افحص عند كهربائي

قوة الديمنو والبطاريه

وفالك التوفيق

ان شاء الله

[ولد لولوه]

اشكركم على الردود المفيده واشكر اخوي jeep على تصحيح الخطا بس زي ما قال القير عادي ماله مبرد والحراره من البدي من تحت ومن ناحية اغير القير ان اشاء الله ما تاصل لهدرجه بس هو سليم ومادي واجبه وبالعكس شفت جمس ثانيه ضعيفه
والي له خبره كبيره بالقيور اجيب الموتر له