المكيف يثلج !!

[خريع]

السلام عليكم ورحمة الله وبركاته

ياخوان لي شهرين اعاني من مشكلة طلعت لي بعد مارهمت كمبرسور كورولا على سيارتي اليارس

المكيف يثلج وانا ماشي بالطريق يضعف دفع الهواء الى ان يوقف تماماً , افتح الكبوت القى ماصورة المكيف بيضــاء مثلجة

غيرت ريديتر المكيف ونفس المشكلة

غيرت الثلاجه ونفس المشكلة

الثرموستات غيرته 3 مرات واخر واحد اشتريته من الوكاله عشان اقطع الشك باليقين ونفس المشكلة الكمبرسور مايفصل وانا ماشيء بالخط

هل المشكلة من اللي رهم المكيف مع العلم اني رجعت له اكثر من 14 مره

المشاكل اللي كنت اواجهها بعد مارهمت كمبرسر دينسو كورولا

- خروج الفريون بعد فتره من يومين لاسبوع دفعه وحده من الكبوت مع صوت قوي ( انحلت بعد تغيير الثلاجه ) والظاهر الثلاجه ماخربت الا من تثليج المكيف والله اعلم !

- تثليج المكيف والكمبرسور بعض الاحيان يفصل وبعض الاحيان مايفصل

- ماروحة السيارة تشتغل على طول مع تشغيل المكيف

[هاوي بلادي]

راجع الى اللي سويت ترهيم

شغله مب مضبوط

وعلمه بالمشكله اللي توجهك

وبالتوفيق لك

[awa141]

الظاهر و الله اعلم ان عندك الفريون زايد.

ظغط الفريون لازم يكون بين 30 - 35 بس من شان الشغل يكون مزبوط.

[وطن العزة]

المكيف يثلج وانا ماشي بالطريق يضعف دفع الهواء الى ان يوقف تماماً , افتح الكبوت القى ماصورة المكيف بيضــاء مثلجة

- ماروحة السيارة تشتغل على طول مع تشغيل المكيف

^
^

الله أعلم ان المشكلة هنا

خل المروحه على حساس الحراره متى ارتفعت الحرارة تشتغل

[أصيل حجآ زي]

الظاهر و الله اعلم ان عندك الفريون زايد.

ظغط الفريون لازم يكون بين 30 - 35 بس من شان الشغل يكون مزبوط.




ضغط المُبرّد لازم ما يصل ولا ينزّل عن 35 رطل psi .

الافضّل يكون حول وحوالي 45 رطل psi ولا يتعداها .

اذا نزّل عن ضغط 35 يفصّل الضغاَط ( كُمبرسُر compressor ) .

يوجّد في المُراكّم ( رسيفر دراير او اكيومُليتر ) او الماصورّة
حساس ضغط ان نزل الضغط عن 35 رطل psi
فصل الكهرّب عن قابّض ( كلتش clutch ) الضغاَط .
حمايّة للضغاَط ( كُمبرسُر compressor ) من الخراَب .

مشروحة بالتفصيل
المُمّل في درس لي '''
تحصلُه في رابط دروسي
المُثبّت بمُقدمة الخيمة بعنوان ؛
دروس لكيف !!! تـُـصـبـح مـُهـنـدس وكـهـربائي
سـيـآرآت ؟؟؟ بطريقة أعملها بنفسك ( DIY } .
.

[أصيل حجآ زي]

وعليكُم السلام
ورحمةُ الله وبركاَتُه

اخي / صاحّب الموضوع :

فيه موضوع عن تثليج المُكيّف
في المواضيع المُميزّة المُثبت بمُقدمّة الخيمّة
هو الموضوع المُفيد لّك يعلمّك كيف تحل المُشكّل .

[وجعين]

جرب غير ثيرمومستات حق كرولا!!

[اسعيد بن عيد]

بسم اللة والحمد للة والصلاة على رسول اللة
بارك اللة فيك حاول تفصل مروحة المكيف مؤقت انزع الفيش او قطعة وجرب
واعتقد يمكن الفريون يتحول ا لى ثلج ويقفل المواصير .زي ماقلت خروج الفريون مع صوت قوي واللة اعلم والسلام

[الوكر2888]

اتوقع والله واعلم ان الفريون موب اصلي تاكد انه امريكي

[SGL]

http://mekshat.com/vb/showthread.php?t=507508
شوف موضوع أخونا كبسولة جزاه الله خير هذا هو الحل إن شاء الله المشكلة الكربرسر عندك مايفصل ﻻزم الكهربائي يركبه ويضبط أسلاكه زين ويوزنه لك على الفصله المطلوبه ويركبه عند الثلاجة خلف الدرج

[خريع]

جزاااكم الله خيير يا اخوان ورحم الله والدينكم

شفت موضوع اخوي كبسوله وطبقت الفكره وماكلفتني 60 ريال قطع وشغل يد انهت معاناة شهرين من الممرمطه والخساير

الفكره كانت الغي عمل ثرموستات الوكاله واركب حساس خارجي حق مكيفات البيت وتركيبه على ماصورة التكييف والان من احلى مايكون ولله الحمد شغال طبيعي يفصل ويبرد وبرووده ممتازه وذلك بفضل من الله اولا ثم بفضل الاخوان في هذا المنتدى جزاكم الله خير جميعا

[almo3jl]

يالغالي خريع

أنتم منين تجيبون هالاسامي المهم ماعلينا

اسمع طول الله عمرك مشكلتك حلها بسيط جداً وماتتوقعه

ابو الشباب الي رهم المكيف عندك غلطان بشبك سلك او قالبه

الأكيد انه التماس


انا مدخل موتري الجزيره طبعا فورد


وقالي يكلفك تصليح مع قطع ????

طلع عندي حساس المكيف ????الي يجي وراء لوحه التحكم بالمكيف وماصوره تهرب ???وذكرلي التماس ومع شغل اليد والفريون والتنظيف خبرك وكاله طلع ????قلت هذا قيمه سياره هذا وانا غاسل أيدي احسن ورش التكييف بالصناعيه جيتها ولا عرفو شي هو باكستاني بس الي سوا زي سالفتك ثرموستات ثلاجه بس لما يفصل الكمبريسر بسرعه يحتر على الطارئ لاحظ الي يثبت لك كلامي الكمبريسر مايفصل اول مايشتغل بارد ولا يختر بعد نص ساعه تنفد عليه بعد ساعه الا ربع يخف ألهوا والبروده كويسه بعد ساعه يكتم شغال المكيف ولا يطلع هوا


لاكن ارجع له وقله عندي التماس بالاسلاك مايفصل اذا هو معلم راح يضبطه واذا نصاب دور على فني تكييف هندي علمه بالخراب واسكت اذا فنان تلقاه على نظام اول زي صاحبي طلعت موتري من الوكاله ضايقه فيني وفيه كهربائي قديم كنت اجيه قال وش فيه وذكرت له العطل وسحب اول جهاز فحص سيارات بدائي سلكين واحد فيه لمبه والثاني راس اشتراك صغير بدا يحوي وينخش بالاسلاك قال بس وقف هناك يعبئ فريون قلت وش السالفه قال التماس وقتها تذكرت مدير صيانه فورد يوم قال التماس



المهم وانا رايح للصناعيه قلت لو يطلب الف بعطيه بي وين ألقاه ولقيتهوقال ب ???مع الفريًون هوا صرت اكاسر والحمد لله لما بعته


تم الإرسال بواسطة iPhone بإستخدام Tapatalk

[nono_55555]

اخوي المكيف يشتغل معاك باستمرار ويثلج هذا لأنه لا يفصل والسبب الكتاوت الي يركبوه في الترهيم كتاوت نوعية ضعيفة وانحرق واذا انحرق الكتاوت يبقى المكيف شغال وعلى شان أكون اكيد معك 100% هو حرق او التماس او اثنينهم وصارت معي بيارس كنت أطفي المكيف من الزر حقه ولا يطفي وأسمع المروحة شغالة واشوف الكمبرسر يدور ورحت غيرت الكتاوت إلى كتاوت نوعية ممتازة أصبح يفصل ويتشغل زي الحلاوة

[لامبالي]

الله يعطيك العافيه يا اصيل والشباب ايضا
على المعلومات القيمة

[يالبى الهلا]

غير الكتاوت باصلي

[ابوراكان تبوك]

الموضوع قديم يا اخوان