مشكله صغيررررره مالها حل ؟؟؟

[المستشار 1]

السلام عليكم ورحمة الله وبركاتة

اخواني عندي استفسار فــ حبذا من يملك الاجابه أن لايبخل علينا

موتري جيب نيسان فتك 2009
المشكله حدثت العام الماضي المكيف الامامي عند ما اضبطه على رقم 4 توقف المروحه
واحيان اسمح صوت للمروحه حتى لو كان مضبوط على رقم 2

مريت كذا كهربائي .. مره لقوا ورقه بالمروحه
وضبطت

صيف العام بنهايته طلع دخان من المكيف لاني تارك الموتر واقف ومشغل المكيف على 4
المهم طلع دخان وتوقف المكيف عن العمل وانا على سفر كملت سفرتي

وصرت افتح الهوايه وانا بالطريق اشعر انه احيان يشتغل واحيان لا

بعدهامريت كهربائي قال لي هذا عندك رقم اربعه فيه مشكله لكن الباقي مضبوطات
وهذا مو مثل النيسان القديم هذي تجي سيراميكه كامله لازم تغير الطقم كامل وغالي المهم ضيقها علي
طبعاً انا فاغر فمي صار يشتغل على رقم واحد لفتره وبعدها من حاله ضبط


امس اسمع صوت بمروحه المكيف الامامي اللي تحت الدرج
كأنها تطق بشي لكن فجأه اليوم توقفت المروحه
واحيان لما اخذ مطبات كان المروحه ترجع دقيقه تشتغل لكن ضعيفه
علماً مكيف الثلاجه عااادي وشغال ممتاز وكذلك المكيف الخلفي ممتاز


انا بالرياض وتعرفون حرها
اللي يعرف كهربائي متخصص بهالشغله وامين لايبخل علينا لو باقل معلومه



لكم كل التقدير


ابوفيصل

[جيبي جايزلي]

حاول انت تفك المروحه فكتها سهله تحت الدرج حق الراكب فكها ونظفها صح والفرار حق درجات المروحه فك اليد حقت الفرار وبخها بمنظف بخاخ اكتورنيات

[المستشار 1]

حياك الله اخوي

والله الصراحه ماحاولت افكها
ولا جربت
لكن بين صلاة المغرب والعشاء مريت كهربائي بشارع الامام
لقا فيوز محترق من الفيوزات اللي بالطابلون
المهم غيره واشتغلت كنت حاط الفرار على رقم واحد بدلت لرقم ثنين وثلاثه لكن لما وضعت الفرار على رقم 4
توقفت ولذع الفيوز
قال اكيد فيه التماس احتمال الترموستات او حول هالاسم المهم انها بجانب المروحه يبي لها تغيير
وانا من زمان اشعر ان التبريد مو ذاك الزود يعني الفرار احطه على 3 تشعر انه على 2

سؤالي المروحه والترموستات هذي كم قيمتها
وهل فعلاً هذي هي العله
انا حاولت اوصف لكم العطل بالتفصيل

[جيبي جايزلي]

اتوقع مافيه التماس ليش ما انقطع الفيوز علي رقم 2 و3 والترمستات لو فيه التماس كان اول ماتشغل المكيف ينقطع الفيوز اتوقع المشكله عندك المروحه دورانها خفيف وتحتر ويحتر الاسلاك وينقطع الفيوز ركز علي المروحه وعلمنا وش يصير

[المستشار 1]

هل الافضل اغيرها

وعندكم خبر عن اسعارها...

انا حاب اغيرها لان كان يطلع منها صوت متقطع

وهل تنصحوني بمحل كهربائي له سمعه طيبه؟؟

[جني صغير]

تشليح يا لأمير لا تأخذ جديد لان تحصل جيوب جديده
ما مشت إلا قليل وجاها صدمه من وراء وباعها تشليح




وأنا أنصحك أسئل الوكالة كم عليه ورح للتشليح وكاسرهم

[المستشار 1]

اليوم رحت للصناعية اللي شمال وكالة الناغي على خريص
فيه كهربائي مدحوه لي
المهم اليكم السالفه وانا لسى واصل منه


فك المروحه جربها برا ...ووصلها بالكهرباء اشوفها تدور ولا فيها شي
قال لي مافيها شي لانها شغاله ولو فيه التماس يسخن السلك اللي انا موصله بها
ركبها وشغل المكيف وحط الفرار على رقم 4 ضرب الفيوز ورجع غيرالفيوز

قال هذي احتمال الترموستات المهم جبتها من الوكاله ب 120 ريال
وغيرناها لكن اول ماركبها حطينا الفرار على 4 وضرب الفيوز يعني ونفس الشي
قلت بالمره دامك فكيت نظف لي المكيف.....
ومن 400 سواه لي ب 250
فرغ الغاز وفك الثلاجه ونظف المكيف ورجع عباه فريون
المهم لما ركبه اشتغل احط الفرار على رقم 4 يشتغل ولا اخليه يطول عشان ما يضرب الفيوز
قلت خليني امشي حالي ولا اجي صوب رقم 4
لاني حسيته مو متمكن من شغلة الكهرب
اللي استفدته التنظيف للمكيف

قال لي هذي لازم فحص كمبيوتر عشان يشوف مشكله الالتماس من الفرار او بعلبة الفيوزات

المهم لما شغلت السياره لاحظت لمبة الخزان الاضافي
( SUB TANK) تظل ملوعه ...ولا كانت بالاول تظل كذا مولعه
حاول الباكستاني يمين يسار
قال لي انا بالغلط شلت الفيوز حقها لما كنت بغير فيوز المكيف لكن رجعته مكانه
وخليته يشيكثاني مره على الفيوزات كلها تمام
قال لي هذي افصل اصبع البطاريه الحار وخليه ساعتين وبعدين ركبه
يمكن تروح ... صراحه ماقتنعت بكلامه

ابي مشورتكم لا هنتوا
1- فيه محل فحص كميبيوتر تنصحون فيه
وهل الكمبيوتر فعلاً يبين الخلل والا ضحك على الشوارب
2- هل كلامه بفصل اصبع البطاريه طريقه صحيحه
3- انا مالي ساعه الان جيت منه لكن وانا مشغل المكيف
والثلاجه( التكايه) اللي بالوسط
لا فتحت باب الثلاجه اسمع كأنه تنسيم او تهريب هواء ولا اشعر به فقط صوت
علماً ان الثلاجه صارت ابرد بقوه هل لانه لسى معبي الفريون هالصوت بالمواسير
الصوت تحديداً لافتحت باب الثلاجه اسمعه بوضوح كأنه باطراف الثلاجه

وبالنسبه للمروحه بالوكاله سألت سعرها قال لي ب 500 او 550
ما اتذكر بالظبطم لكنه في بحر 500 ريال
هذي بالوكاله


طولتها لكن حبيت انقلها لكم بالتفصيل

[المستشار 1]

ماهو قصورٍ بالجميع لكن قريت موضوع لاخونا ابو اصيل الحجازي حاولت اراسله
لكن رصيدي من المشاركات مايسمح
ياليت لطفاً لا أمراً أحد ينبهه لموضوعي لعله يدلي بدلوه
وراي سفره بنهاية هالاسبوع للشمال وحاب اخلص من هالشغله

[جيبي جايزلي]

اصلان من يوم قال احتمال يكون من الترمستات وانا غاسل يدي منه بس اهم شي وش نوع الفريون اللي عباه لك لا يصير صيني وتخسر الكمبرسر كامل

[راعي الرود]

الله يكون بعونك
مشكلتك هذي قريتها في المنتدى اكثر من مرة
هذي مواضيع يمكن تفيدك :

ياشباب مشكله حصلت قبل شوي في باترول ربع 2009 (http://www.mekshat.com/vb/showthread.php?t=484275)

سويتش مكيف الباترول آمل المساعده (http://www.mekshat.com/vb/showthread.php?t=580774)

[المستشار 1]

الف شكر ماقصرتوا بغزي اليوم ع الصناعيه واشوف

[black super09]

اي يوجد مركز حرارة لفحص حرارة الموتر الفعلية بالكمبيوتر او الليزر ؟

[المستشار 1]

وينه هالمركز وهل عندهم فني فهمان

لان ولعة عندي امس بالموتر لمبة الــ SUB TANK