الشمعات القزاز اذا شهبت تتلمع ؟

[راعي الرود]

السلام عليكم
مساء الخير جميعاً
http://www.mekshat.com/pix/upload05/images253/mk31073_untitled-2.jpg
الشمعات زي هذي حقت الفكس آر ^
غطاها قزاز ثقيل عندي مشهبه شوي ولا يسوى اني اغيرها ماجاها تشهيب كايد لكن مأثر على انتشار النور حبتين خصوصاً النور العالي لذلك ودي المعها اوفر و مريت كم محل اذا درو انها قزاز قالو مستحيل يتلمع !
تخبرون محل معين يلمعها او فيه طريقه معينه أقدر اسويها بنفسي ؟

[شاد الرحال]

بالعكس القزاز يتلمع اكثر من البلاستيك بس يقولون لك كذا عشان فكتها صعبه و احتمال يكسرها و هو يفكها لانها مسكره بكلبسات حديد .

اذا انت بالرياض رح للمعارض الشفاء خل محلات الزينه على يمينك قبل الاشاره فيه واحد اسمه طبيب الزجاج رح له و بيلمعها لك لمعت شمعات باترول قزاز عنده قبل سنه و شغله نظيف طلعت تلق .

[راعي الرود]

بالعكس القزاز يتلمع اكثر من البلاستيك بس يقولون لك كذا عشان فكتها صعبه و احتمال يكسرها و هو يفكها لانها مسكره بكلبسات حديد .

اذا انت بالرياض رح للمعارض الشفاء خل محلات الزينه على يمينك قبل الاشاره فيه واحد اسمه طبيب الزجاج رح له و بيلمعها لك لمعت شمعات باترول قزاز عنده قبل سنه و شغله نظيف طلعت تلق .

الله يعطيك العافيه ماقصرت يابعدي
لكن ماتخبر لي محل في شرق الرياض اقرب لي تخبر مشوار من مخرج 9 للشفا :(

[خ م خ م]

استخدم معجون الاسنان والفرشه ..
واجتهد بتنظيفها وكانك تنظف اسنانك وستجد الفرق ان شاء الله

[Jeep 2005]

استخدم معجون الاسنان والفرشه ..
واجتهد بتنظيفها وكانك تنظف اسنانك وستجد الفرق ان شاء الله

هههههههههههه

الله يوفقك وييسر لك

[راعي الرود]

الله يعطيكم العافيه ماقصرتو جميعاً
مجرب معجون الاسنان على انوار بلاستيك نتائجه فتاكه بس بالقزاز ماجربته
رحت الصباح اليوم لمحل تلميع بالنسيم على عبدالرحمن بن عوف و قال ماتتلمع لو اقدر المعها لمعتها بالعكس انا كسبان بس السافي ناخر القزاز نخر و لو لمعناها بتنحاس عليك الشمعه ... أظن انه اقنعني بخليها على ماهي عليه اجل
شكراً للجميع

[اسدهم]

فية طريق الحسن بن حسين بعد اشارة ابي الجعفر كناك رايح الدمام يجي ع اليمين

طبعن يصير وجهاك شمال

[بـدر]

انا مجرب اللي عند معارض الشفاء مع اني ساكن في الشمال لكن رحت له والله يستاهل العنوة

كنت احسبه طق لي شمعات جديدة بعد مالمعتها ... الموتر كان تاهو 2007 و فكس ار 2009

الوصف
خل معارض الشفا على يمينك وبتجيك أول إشارة عدها وديور من عند ثاني إشارة ارجع لأول إشارة و بيجيك المحل عند الإشارة حقت المعارض على اليمين أذكره آخر محل على اليمين - يمنيين لكن شغلهم ممتاز جداً جداً وياخذ وقت شوي

بالتوفيق

[وليد العابد]

القزاز يتملع ، سبق وقد لمعت كشافات قزاز ..
والعامل فلبيني ..


المحل قريب منك بس ركز معي عشان تحفظ الوصف زين ..


وانت جاي من خريص ع شارع حمزه بالنسيم
وجهك جنوب ..

امش الين يجيك تي اللي هو شارع سعد بن عبدالرحمن ( المية )

اخذ يمين وخلك على الخدمة يجيك محل اسمه العياد او العيادة لوحته زرقا ..

واذا ما حصلته بتحصله بعد الاشارة حقت النخيل ..


يعين المحل يبي يكون بين حمزة والنخيل او النخيل وثلاثين تايوتا عبدالله بن عمر ..


اسف اذا الوضع حوسه بس والله اني ناسي محله بضبط

[شنطة عده]

على حد علمي ما تتلمع لانها زجاج
التلميع يمشي مع الاشياء الي تقبل الحك لاظهار الطبقه الاصلية
او تقبل الكشط لاظهار طبقة جديدة
وهذا لا ينطبق على الزجاج ...... الا اذا كان فيه احد مجرب الشي هذا بنفسه

والامر بسيط يوجد نوع تايواني اسمة TYC
ممتازه جداً ومركبها على سيارتي جيب لاند كروزر اخو موترك
وسعرها يا بلاش 145 ريال
وتركيبها بسيط تقدر تركبها بنفسك
وهذا رابط موضوع راح يفيدك
http://www.mekshat.com/vb/showthread.php?t=618205 (http://www.mekshat.com/vb/showthread.php?t=618205)

[راعي الرود]

فية طريق الحسن بن حسين بعد اشارة ابي الجعفر كناك رايح الدمام يجي ع اليمين

طبعن يصير وجهاك شمال


انا مجرب اللي عند معارض الشفاء مع اني ساكن في الشمال لكن رحت له والله يستاهل العنوة

كنت احسبه طق لي شمعات جديدة بعد مالمعتها ... الموتر كان تاهو 2007 و فكس ار 2009

الوصف
خل معارض الشفا على يمينك وبتجيك أول إشارة عدها وديور من عند ثاني إشارة ارجع لأول إشارة و بيجيك المحل عند الإشارة حقت المعارض على اليمين أذكره آخر محل على اليمين - يمنيين لكن شغلهم ممتاز جداً جداً وياخذ وقت شوي

بالتوفيق


القزاز يتملع ، سبق وقد لمعت كشافات قزاز ..
والعامل فلبيني ..


المحل قريب منك بس ركز معي عشان تحفظ الوصف زين ..


وانت جاي من خريص ع شارع حمزه بالنسيم
وجهك جنوب ..

امش الين يجيك تي اللي هو شارع سعد بن عبدالرحمن ( المية )

اخذ يمين وخلك على الخدمة يجيك محل اسمه العياد او العيادة لوحته زرقا ..

واذا ما حصلته بتحصله بعد الاشارة حقت النخيل ..


يعين المحل يبي يكون بين حمزة والنخيل او النخيل وثلاثين تايوتا عبدالله بن عمر ..


اسف اذا الوضع حوسه بس والله اني ناسي محله بضبط

الله يعطيكم العافيه كل من شارك بالموضوع مريت اكثر من محل للاسف ماتتلمع على ان التشهيب خفيف بس السافي محفر الشمعه تحفير فيه واحد بس قال بلمعها لك بس على مسؤوليتك يوم قالها قلت خلنا على وضعنا لا تحوس الشمعه كلها ومشيت :(

[راعي الرود]

على حد علمي ما تتلمع لانها زجاج
التلميع يمشي مع الاشياء الي تقبل الحك لاظهار الطبقه الاصلية
او تقبل الكشط لاظهار طبقة جديدة
وهذا لا ينطبق على الزجاج ...... الا اذا كان فيه احد مجرب الشي هذا بنفسه

والامر بسيط يوجد نوع تايواني اسمة TYC
ممتازه جداً ومركبها على سيارتي جيب لاند كروزر اخو موترك
وسعرها يا بلاش 145 ريال
وتركيبها بسيط تقدر تركبها بنفسك
وهذا رابط موضوع راح يفيدك
http://www.mekshat.com/vb/showthread.php?t=618205 (http://www.mekshat.com/vb/showthread.php?t=618205)


الله يعطيك العافيه
الصراحه سعرها ممتاز بس كيف جودتها هل النور متشتت ولا نفس الوكاله و كم لك مركبها ؟
وفيها الترس حق وزن النور لو بغيت ارفع ولا انزل النور

[شنطة عده]

الله يعطيك العافيه
الصراحه سعرها ممتاز بس كيف جودتها هل النور متشتت ولا نفس الوكاله و كم لك مركبها ؟

وفيها الترس حق وزن النور لو بغيت ارفع ولا انزل النور

انا خارج البيت اتصل وابشر بكل ما تريد ان تسال عنه
0501380308
ابو حاتم

[حرقوصي]

ما عليش على التدخل
انا قد ركبت اكباس TYC وفاشلة بكل ما تعنيه الكلمة
اولاً تايوانيات من النوع الرديء
ثانياً ربلاتها تتطاير مع الهواء على طول بسبب ضعف الغراء
ثالثاً وهو الاهم انارتها فيها تشتت قوي
التجربة كانت على كامري 2004
ما اعجبتني صراحة واعتبرها لسد الحاجة فقط
اما اللي يبي الزين لا ياخذ الا وكالة

Sent from my GT-I9300 using Tapatalk

[سقم المعادي 1]

انا مركب TYC على قراند ماركيز الثنتين اظن 90 ريال اخذت لها ثلاث شهور بعدين صارت الشمعه صفراء من جوا مع اني مامشيت عليها خطوط ابد

[الفين6]

يالطيب
من قال لك ان القزاز مايتلمع
اسمع بالهرج اللي يجمد على الشارب
سيارتي لاند كروزر 2003
سيارت خويي لاند كروزر 2001
سيارت خويي الثاني لاند كروزر 98
لمعناهن بالغرابي عند واحد اسمه ابو مشعل فلسطيني وطلعن ميه بالميه
وكلاً يقول تعال بالغرابي للتلميع بس خوينا اللي انا قلت لك عليه
ماعليه كلام

[مسير عليكم]

اخوي لمعها بيدك بملمع خشن ثم لحقه بناعم وماودي اتفلسف عليك بس فيه صنفره ناعمه مره للقزاز تصنفره وتلمعه بس نادر تلقاها

[فياض الربيع]

يالطيب
من قال لك ان القزاز مايتلمع
اسمع بالهرج اللي يجمد على الشارب
سيارتي لاند كروزر 2003
سيارت خويي لاند كروزر 2001
سيارت خويي الثاني لاند كروزر 98
لمعناهن بالغرابي عند واحد اسمه ابو مشعل فلسطيني وطلعن ميه بالميه
وكلاً يقول تعال بالغرابي للتلميع بس خوينا اللي انا قلت لك عليه
ماعليه كلام

عندك رقم ابو مشعل لو سمحت كان عندي رقمه وانمسح

[الحربي 591]

اخوي نظفه بالصاروخ حق التلميع والفلاش حق التنظيف

[بن نويشر]

هاك تجربتي ..
شماعتي مشهبه ، فورنتشر بلاستيك
جبت (جف) بـ 10 ريال
وقمت ولطست الشمعات بالجف بواسطة سفنجه مع الفرك والدعك
حتى تغطى المساحة المطلوبة
ثم دعها تنشف وتجف تماماً ويطلع لونها أبيض كم ساعة
بعد ذلك أحضرت فوطة وقمت بدعك سطح الزجاج حتى يتم إزال البياض تماماً
.........


أتمنى أن قد أفدت .. وبالله التوفيق ،،

[تربة الشمال]

موضوع قيم شكراً لك علئ الطرح

[بر الوالدين]

مثل ما ذكر أحد الأخوان

التلميع بـ معجون أسنان

http://www.youtube.com/watch?v=DcAgRmmUTCo

[العنابي 616]

محل أرمز
لمعت عنده شمعات السيارة مرتين
و كل مرة تطلع مثل الجديييدة

[راعي الرود]

يالطيب
من قال لك ان القزاز مايتلمع
اسمع بالهرج اللي يجمد على الشارب
سيارتي لاند كروزر 2003
سيارت خويي لاند كروزر 2001
سيارت خويي الثاني لاند كروزر 98
لمعناهن بالغرابي عند واحد اسمه ابو مشعل فلسطيني وطلعن ميه بالميه
وكلاً يقول تعال بالغرابي للتلميع بس خوينا اللي انا قلت لك عليه
ماعليه كلام


ماشاء الله
طيب لو تسوي فينا خير انا وكل من يبحث عن تلميع شمعات القزاز و توصف لنا مكان ابو مشعل وين بالغرابي لعل وعسى يلمعها

[راعي الرود]

اخوي لمعها بيدك بملمع خشن ثم لحقه بناعم وماودي اتفلسف عليك بس فيه صنفره ناعمه مره للقزاز تصنفره وتلمعه بس نادر تلقاها

ماظنتي تضبط لو تضبط كان المحلات مارفضو يلمعونها السافي محفرها يعني لازم تشيل طبقه ثقيله من الشمعه و مدري تضبط ولا لا

[راعي الرود]

اخوي نظفه بالصاروخ حق التلميع والفلاش حق التنظيف

شكراً لاجتهادك لكن لو تلميعها بسيط كذا كان اي محل يلمعها لي لكن يرفضون لأنها قزاز او يوافق لكن يخلي مسؤوليته اذا انحاست الشمعه

[راعي الرود]

هاك تجربتي ..
شماعتي مشهبه ، فورنتشر بلاستيك
جبت (جف) بـ 10 ريال
وقمت ولطست الشمعات بالجف بواسطة سفنجه مع الفرك والدعك
حتى تغطى المساحة المطلوبة
ثم دعها تنشف وتجف تماماً ويطلع لونها أبيض كم ساعة
بعد ذلك أحضرت فوطة وقمت بدعك سطح الزجاج حتى يتم إزال البياض تماماً
.........


أتمنى أن قد أفدت .. وبالله التوفيق ،،


بارك الله فيك و جُزيت خيراً , ان شاء الله يستفيدون من طريقتك اللي شمعاتهم بلاستيك انا قزاز للاسف ما اظن تصلح لي

[راعي الرود]

موضوع قيم شكراً لك علئ الطرح

و شكراً لك على مرورك



مثل ما ذكر أحد الأخوان

التلميع بـ معجون أسنان

http://www.youtube.com/watch?v=DcAgRmmUTCo


بارك الله فيك
لكن شمعات الالنترا هذي بلاستيك و ان شاء الله يستفيدون منها الاخوان اللي شمعاتهم بلاستيك

[راعي الرود]

محل أرمز
لمعت عنده شمعات السيارة مرتين
و كل مرة تطلع مثل الجديييدة

شمعاتك قزاز ؟
و لو توصف لنا المحل الله يجزاك خير

[العنابي 616]

اي نعم الشمعات قزاز
أنا اعرف فروعه اللي بالخبر بالثقبة
و اللي بالدمام بالخضرية