مشكلة في القير والدبل لجمس يوكن باب واحد 94

[khaled898]

السلام عليكم ورحمة الله وبركاتة
يا اخوان عندي يوكن جي تي فيه القير خربان وقت احرق للسيارة القير ما ينمر يفضل على ماهو علية والسيارة بالقوة توصل لسرغة 140 فالخط المستوي.
واذا بطلع طلعات طويلة واحرق للسيارة القير ما يرد نمرة يعني يطيح عزمي وايضا وقت أعشق الدبل الخيف والثقيل السيارة تثقل لكن الدبل ما يشبك.
فمن لدية معلومة يتفضل لا هنتم او يعرف ورشة مضبوطة.
**معلومة ** انا من الطائف ويفضل ان تكون الورشة بالطائف.

وشكراا...

[متقاعد مبكر]

بالنسبه للقير اعتقد والله العالم مشكلتك كهرب او حلابات اما الدبل ففيه دينموا صغير في نفس الدفرنس الامامي تاكد من الكهرب واصل له و نظف الفيش تقبل مروري

[متقاعد مبكر]

اقصد بالنسبه للعزم مو القير اول شي

[khaled898]

الله يعطيك العافية
للعلم السيارة توي مشتريها .
والدبل قير ارضي وليس ازرار

[khaled898]

ليس لدي خبرة فالدبلات والقير الاتوماتيك

[متقاعد مبكر]

مادام توك مشتريها تاكد من عمود دوران الدبل هو موجود والا لا

[متقاعد مبكر]

ومشكلة العزم كهرب تاكد من البواجي واسلاكها والله يبارك لك فيه مع العلم اخوه عندي نفس الموديل ولا فرط فيه عشرة عمر وعزوه

[khaled898]

ان شاء الله خلال هالايام اتأكد من العمود وما نستغني على تجاوبك..
الله يعطيك العافية.
أمين ..جزاك الله خير.
اليوم دخلتها الورشة وبغير البواجي وأسلاكها وطرمبة البنزين وصفاية البنزين(كلها اصلية باذن الله).

لكن انا اتوقع ان فيها مشكلة فالقير لانه سبق ان توظب من صاحبها الاول فيا ليت لو تعرفلي احد فالطائف خبير في هالنوعية والموديل..!؟

[متقاعد مبكر]

لو ترهم له طرمبة فكس ار اصليه ازين مره واحده وتريح نفسك هذا اذا ودك تغيير الطرمبه لان طرمبته لاغيرتها حتى ولو كانت اصلي ما بتخدم اما القير غير له فلتر وزيت اصلي قد تفي بالغرض لاتستعجل

[khaled898]

الف الف شكر لك ع تعاونك وربي يجزاك خير.

قد اني وديت السيارة الورشة الصباح باذن الله استلمها..
القير صاحبه الاول وظبه او مره مشي معاه تمام لمدة 6 شهور وبعدها خبط وراح وظبة مره ثانية ونفس الحكاية خبط عليه بعد كم شهر(المرتين الاولى نفس القير والجرم) اما المرة الثالثة اشترى جرم من التشليح و وظبة قطع اصلية لكن برضوا انا احس انه لك عليه لاني طلعت به الهدا وقت اجي ادعس للموتر السيارة ترجع نمره وتريح بسرعه وتجلس معلقه وهيا ترجع وتريح.

[حمزةعبدالمطلب]

القير كهربه ولا عادي

[khaled898]

والله علمي علمك
بس السيارة موديلها 94 والدبل قير ارضي.
كيف اعرف انه كهربه ولا عادي؟؟

[MSAN]

بخصوص الدبل.. المشكلة في الدقمة الي راكبة في الكارونة الأمامية.. مشكلة معروفة في كل جموس الدبل من موديل 90 وطالع..


بالتوفيق

[MSAN]

وهذا رد سابق لي في أحد المواضيع بخصوص شخص يعاني من نفس مشكلتك:


هلا بك.. بخصوص الدبل لا تستعجل.. فيه دقمة تجي في الكارونة الأمامية وداااايما تخرب.. قد خربت عندي مرتين وكل مرة أغيرها بحول 600 ريال.. في الأخير شريت الطقم اليدوي هذا بنفس القيمة وركبته في البيت:
http://static.summitracing.com/global/images/prod/large/pos-600_w.jpg


بالتوفيق

[khaled898]

جعل والديكم بالجنة
اليوم رحت عند مهندس قير قلي الدبل حقك عادي وليس كهرب..بس للاسف ما يشتغل فالدبلات هوا.
وبخصوص الدبل انا وقت اعشق الدبل الخفيف تثقل السيارة لكن الكفرين الامامية ما يدوروا وانا وقت اجي بعشق للدبل الثقيل يطلع صوت جدا قوي كانه تروس مهي راضية تشبك في بعضها لذلك يخليني مقدر اعشق الدبل لازم اطفي السيارة واعشقه وايضا وقت بفصله لازم اطفي السيارة وبرضوا يثقل السيارة لكن الكفرين الامامية ما يدوروا.

[MSAN]

جعل والديكم بالجنة
اليوم رحت عند مهندس قير قلي الدبل حقك عادي وليس كهرب..بس للاسف ما يشتغل فالدبلات هوا.
وبخصوص الدبل انا وقت اعشق الدبل الخفيف تثقل السيارة لكن الكفرين الامامية ما يدوروا وانا وقت اجي بعشق للدبل الثقيل يطلع صوت جدا قوي كانه تروس مهي راضية تشبك في بعضها لذلك يخليني مقدر اعشق الدبل لازم اطفي السيارة واعشقه وايضا وقت بفصله لازم اطفي السيارة وبرضوا يثقل السيارة لكن الكفرين الامامية ما يدوروا.
اذا ان عمود الكردان الأمامي يدور والكفرات ما تدور فـ السبب هي الدقمة الي راكبة في الدفرنس الأمامي من جهة الكفر الأيمن.. انتبه لا أحد يلعب عليك ويقول فك ددفرنس أو كرونه


بالتوفيق

[khaled898]

وهذا رد سابق لي في أحد المواضيع بخصوص شخص يعاني من نفس مشكلتك:

لو سمحت فين القى ذي القطع اليدوية؟؟

[MSAN]

لو سمحت فين القى ذي القطع اليدوية؟؟

هنا
http://www.summitracing.com/parts/pos-600


طبعا يجي معها ورقتين تشرح طريقة تركيبها.. تقدر تركبها انت بنفسك في البيت اهم شي يكون عندك عدة مفاتيح بسيطة ودريل ريشة حديد.. واذا بغيت اي مساعدة في طريقة تركيبها ابشر


بالتوفيق