الأخبار والتوقعات ليوم السبت 4 ذو القعدة

[GeePas]

في هذه اللحظات بدأت الامطار تسقط على وسط مدينة الرياض.....يالله لك الحمد

والبروق في القبله .....والخير جاي بأذن الله :)

[عاشق نجد]

الرياض - المعذر
9:00 مساءً

مطر متوسط ، والبرق قبلة ما بعد وصلنا .

الله كريم .

[altheeeb79]

الرياض--الروضه -شارع انكاس الساعه 9 ليلا السبت 25-11-2006 بدات تمطر الان000اللهم لك الحمدوالشكر

[السويبع]

الكهرب منقطع على البره


البره قريه شمال ضرماء

[مراويح الوسم]

مطر ديمه على شمال الرياض مع بروق خفيفه

والحمد لله

[راعي طويق]

السويبع وشلون مطر البرة عقب العشا
اشوف الأسعافات مقابلتني طالعه من ضرماء قبل ربع ساعة 8:45

[راعي الحلوه]

ابو محمد(خالد العوض)
هل تتوقع ان الامطار تشمل مناطق جنوب الرياض
بأذن الله

[الكشاتي]

عــــاجــــــــــــل


شرق الرفيعة .......غرقااااانه ......والي أعرفهم هناك ....يقولون ما ندري المطر وين هو رايح....الارض مليانة.....

تحياتي

الآن الصمان......السماء أنفتحت عليهم........والارض تجري من المطر...

[MAP330]

الرجاء من أهل الزلفي إفادتنا عن أمطار يومي الجمعة و السبت على منطقة الزلفي بالتفصيل .. مدى غزارة المطر . كم استمر المطر من ساعة ..

أنتظر الأخبار .. و جزاكم الله خير الجزاء مقدما . . .

[نسناس ليل]

الحمد لله والشكر لله.. مطرنا بفضل الله

الآن الساعة 9.7 مساءالسبت .. صبه قوية على حي عرقة الحمد لله الحمد لله

[بن المرزوق]

الان فيالرياض امطار ديم وبروق كثيرة غرب والله يجيب الخير

[نقا خريم]

السلام عليكم ورحمة الله وبركاته
حيا الله اهل مكشات اهل العلوم الطيبه
وبلرك الله في كل حبة مطر نزلت في هذا الوسم المبارك
وجزاكم الله خير ووفقكم واعانكم
والله انها نعمه تستحق الشكر ياخوان
-------------------------------------
الوضع مهيأ وباذن الله تعالى على الرياض الساعات القادمه ان شاء الله
في بريده من صباح ايوم الى الان وهي غيم ولم تطلع الشمس
وترشرش مابين وقت الى وقت
والله يزيد ويبارك وسلمكم الله

[خالد الجارح]

http://www.mekshat.com/pix/upload/images23/mk38159_eg.gif


اخوي خالد وش رايك في السحب اللي في الدائره...هل نشهد تكون سحب اكبر باذن الله....هذه السحابة كانت صغيره جدا والان بدات تكبر...هل هو منخفض ام ماذا...

[خالد العوض]

اجل التوقعات اللي البارح تتكلام عن غرقه على الرياض وشماله
صارة صحيحه الحين بس شمال شوي

[قاهرالصحراء]

الان أمطار غزيرة على السويدي 9:09

[العملاق النائم]

تحديد المدن في خرطة الاقمار: http://www.almoso3h.com/up3/getimg.php?image=26134

[جبل دامغ]

الساعة التاسعه مساء في الرياض
رش خفيف على العليا مع سماع صوت الرعد القوي ...

أخبار العيينه .... الساعة 8 صباحا نزل عليها مطر لا بأس فيه وبفضل الله عاود المطر بعد العصر ... وفي الساعة 8.15 مساء نزل عليها مطر قوي لمدة عشر دقائق واستمر المطر ولكن بشكل متفاوت مابين الخفيف والمتوسط الى وقتنا هذا .... مع انقطاع الكهرباء على بعض المواقع في العيينه ...

اللهم أغث العباد ... آمين

أخوكم ................................................. جبل دامغ

[altheeeb79]

انا بالملحق واشوف البرق واسمع الرعد خفيف ومن الساعه 9 وهي ترش والان بدأت تقوى وتخف المطره000الله كريم 000الرياض الروضه الساعه9,10 ليللا000 السبت 4 القعده1427

[السويبع]

انا والله يا راعي طويق انا مار عقب المغرب تنقيع

واتصل على واحد تو من اهلها يقول الباطن ماشي والسد حول مايمتلي

والوضايم تمشي

وعلى كلامه يقول ثادق جاهم شي اطيب



من يجيب علوووم مراااااااااااااات

[وضح النقا]

تغير وضع السحاب الآن شمال الرياض...

المطر ديم قوي من أكثر 20 دقيقه والبروق بدأت تتلاشى..

وتواصلاً مع أخبار نقا هشال...نقا هشال تعدى الطوقي في طريق عودته من الدهنا ويقول أن شعبان الطوقي تظرب ويالله قدر يقطعها..ويوصف سيل الثمامه بالغرق (يقول السيل صاك إلى الطعوس).... طهاة بيضا

[راعي طويق]

روضة سدير مكلم رجال هناك ويقول ( علينا شق من سماء )
الله يطرح البركة ولايضرهم

[المشراق]

السويدي الآن غرب الرياض مطر غزير جداً الساعة 9 و10 مساء السبت

[الجارح الأول]

الآن بدأ المطر ينزل علينا بحي الروضة بالرياض

ونسمع صوت الرعد ونشوف البرق

اللهم أجعله صيباً نافعاً

[عاشق نجد]

الرياض - المعذر
9:10 مساءً

اللهم لك الحمد مطر غزير ، انشقت علينا السماء ،

اللهم زد وبارك يا رب .

[GeePas]

الساعة الآن 9.30 والخير يهل من السماء الله يديمها.....يارب

[altheeeb79]

الرياض الروضه صوت الرعد يزيد يعني يقرب والمطر يزيد ولله الحمد000 اسمع القرقعه على الشينكو

[جبل دامغ]

الساعه 9.15 مساء في الرياض

حي العليا المطر في ازدياد ولله الحمد مصاحبه بصواعق عنيفه ...

اللهم أغث العباد واحفظهم ....... آمين

[تركي0500]

مطر غزير جدا عندنا في السويدي.. انكبت علينا السماء

الحمد لله

[altheeeb79]

من الساعه 9 ليلا الرياض الروضه وهي مطره والان بدأت تزيد وتقوى اكثرواكثرالحمد لله0000

[خالد العوض]

ابو محمد(خالد العوض)
هل تتوقع ان الامطار تشمل مناطق جنوب الرياض
بأذن الله
باذن الله قد يزحف الحزام جنوب قليل لكن اريدك تعرف معلومه ومن خلاله تعرف التوقعات بأذن الله
انظر الى راس المنخفض الموجود الأن شمال شرق الخليج العربي اين يتجه اذا اتجه جنوب شرق ابشر بأذن الله

[محب الغيم]

أخي العملاق



جهد مشكور يا رائع .



وش رايك تحط الصورة هنا تراك تمون !!حتى لو أخذت مساحة

الموقع بطيء هناك فضعها هنا .

ولك الراي .

[عاشق الصفاري]

الان الساعة 9:15 امطار غزيرة على محافظة الغاط مصحوبة بزوابع رعدية

[نقا خريم]

اليوم يومكم ياهل الرياض
اللهم الطف بمن ضاقت عليهم الدروب من اخواننا يارب
اللهم على الضراب والاكام وبطون الاوديه ومنابت الشجر
اللهم انفع به ياكريم
خذوا حذركم ياخوان لاأحد يروح للبر هالوقت ويخاطر (صحيح تستاهل لكن)...
من يجيب لنا أخبار الزلفي والغط لهذه اللحظه

[خالد العوض]

السويد الآن غرب الرياض مطر غزير جداً الساعة 9 و10 مساء السبت
الله يبشرك بالخير يابو عبد العزيز
وين الناس مختفي

[عاشقة الصواعق]

توقف المطر الان في حي الخزامى الساعه 9:20

[خليف العيد]

الأن الزلفي
نسمع صوت الرعد من المشا ومرتفع شوي
والشعبان مازالت تمشي


اللهم لك الحمد والشكر

اخوكم ابوسامي

[altheeeb79]

شكلها ديمه على الرياض لعل الله سبحانه يديمها علينا 000اذكروا الله واحمدوه لاتنسون مع الفرحه 0مازالت الروضه مطر وديمه ورعود وبروق 000الحمدلله

[أبو محمد 2007]

هطلت وبئذن الله امطار غزيره على الرياض التاسعه وعشر دقائق مساء يوم السبت ولزلت مستمره

[نقا خريم]

الان الساعة 9:15 امطار غزيرة على محافظة الغاط مصحوبة بزوابع رعدية
مادريت ماعليش
بارك الله فيك اخي الكريم
ان شاء الله ماطركم وماطر الزلفي واحد وتمتلي السبله ان شاء الله
خيرات وانعام اللهم لك الحمد والشكر
اللهم لك الحمد حمدا كثيرا طيبا مباركا فيه

[خالد العوض]

محب الغيم
المنخفض المقصود
غرب اوروبا

[أبو رشيد....]

الان السحاب تفرق كمثل سحابة صيف ياسبحان الله ؟؟؟؟
المكان السويدي

[altheeeb79]

المطر بزياده بالروضه زياده وقوه الحمد لله بدأ المطر يقوى ويقوى000

[عاشقة الصواعق]

توقف المطر في حي البديعه الساعه 9:22

[GL2006]

بسم الله الرحمن الرحيم
نفيدكم ان من الساعة 9 مساءً
والأمطار تهطل بغزارة على مدينة الرياض وبالتحديد شرق الرياض....

[خالد العوض]

اخوي خالد وش رايك في السحب اللي في الدائره...هل نشهد تكون سحب اكبر باذن الله....هذه السحابة كانت صغيره جدا والان بدات تكبر...هل هو منخفض ام ماذا...

والله ياخي اشوف الحين سحب خفيفه وعاليه
لكن مدري كيف رايح يكون حاله عند الاقتراب من المنطقه الوسطى

[بن المرزوق]

امطار غزيرة على شمال الرياض مع زوابع رعدية

[altheeeb79]

وين انت يابو رشيد اي مكان

[zaizoom]

السلام عليكم ..

الآن .. الآن .. الآن

الساعة 9.22 مساءا ليوم السبت 4/11

أمطار غزيرة في أحياء شرق الرياض ( الريان وما جاور ) ..

سالت على اثرها الشوارع

(( وحنا محجورين بالدوامات :mad: ))

الله يديم الخير على المسلمين ..

[altheeeb79]

خف المطر بالروضه -الرياض 000الحمد لله على كل حال

[smair911]

عاود الرعد بالزلفي وبدأت ترش ...الله كريم

[أبو رشيد....]

المكان السويدي

[خليف العيد]

اخي نقا خريم الغالي
ابشرك جانا سيل اليوم والشعبان تمشي

والأن عاود المطر مرة ثانيه معه برق ورعد والحمدلله

تحياتي
اخيك ابوسامي

[GeePas]

اخبرني احد الاقرباء عن هطول امطار غزيره على البرة

وينتظرون الشعيب يمشي الحين .....والحمدلله على النعمة والخير

[نقا خريم]

وش اخبار :
الجبيل
الخفجي
اللهم لك الحمد على نعمك

[خالد العوض]

صبت المرازيم في حي المنار والمطر مهو ذيك الدرجه
الا وش رايكم بالاجازه بكره

[نقا خريم]

يامرحبا ببو سامي
علومك غانمه يالطيب
ان شاء الله نجيكم بآخر الاسبوع في مرخ والسبله وووو
الزلفي تسحر تبي الصراحه
وجزاك الله خير

[مسافر1]

الآن وبأمر الله ..
عاود المطر على الزلفي ..
حمداً لله

[altheeeb79]

وش الراي بالاجازه باقي الاسبوع00000000000000

[الرائد2006]

الله يهنيكم يأهل الشرقية والوسطى بالأمطار

والله يرزقنا المطر بالحجاز

وخاصة المدينة المنورة

أمين

[قاهرالصحراء]

وقف المطر في السويدي والغيم خف 9:32

[نقا خريم]

صبت المرازيم في حي المنار والمطر مهو ذيك الدرجه
الا وش رايكم بالاجازه بكره
اسحب عليهم انصحك ههههه
ابد من عندي انا يبو محمد ......

[غيم]

روضة سدير مكلم رجال هناك ويقول ( علينا شق من سماء )
الله يطرح البركة ولايضرهم

ماشاء الله تبارك الله ..

لكن هل هذا المطر الآن أو اللي جاهم قبل المغرب؟؟
وهل هناك أخبار عن القرى المجاورة؟

[راعي البصيره]

رغبه البره الكهرباء منقطعه
والشعبان كلها تمشى
والامطار ما زالت والبروق من كل جهه الى ساعه كتابه هذا التقرير
الساعه 9.32 يوم السبت

[كاااايد]

ضرية جنوب غرب القصيم ابشركم اليوم سيول وارزاق جت شمال عن ديرتنا بردية مع صلاة الظهر سيلة الشعبان والاوديه وهي نفس السحابه اللتي وطت القرارة وجنوب نفي وقبل العصر جتنا سحابة جنوب ديرتنا سيلة الاوديه وبعد العصر وعلى نفس المكان سحابة اخرى وسالة الاوديه مرة اخرى وابشركم الارض كلها ممطورة وابشرو بالربيع انشالله ااما الجو الان فالضباب شديد ماتشوف يدك.....والله يرزقنا ويطرح به البركة والا المطر طاح بس باقي البركة..................الساعه الان 9.30 مساء

[المشراق]

أخي أبو محمد موجود طال عمرك بس عندي شوية أشغال في السيارة مثل ما أنت خابر وجزاك الله على المرور والسؤال عنا وقد توقف المطر من 10 دقائد تقريباً بالسويدي 0

[راعي طويق]

يامسافر عطنا علوم سدير يقولون عليهم جور سيل

[عاشقة الصواعق]

الله يرزقكم ياهل الحجاز بالمطر مثلنا واكثر ان شاءالله


الله كريم ان شاءالله الصبر حلو

[نقا خريم]

علمك غانم ياكايد
جزاك الله كل خير

[دكتور مكشات]

اليوم العصر انطلقت على طريق صلبوخ ..



ولقيت شعيب صلبوخ يمشي مشين ردي



ووصلت حريملاء والسد فيه حول مترين





وبعد المغرب هطلت أمطار متوسطة إلى قوية

والبروق تشاهد من كل مكان خصوصا جهات الغرب والشمال



ورجعت واستمر المطر حتى تجاوزت سدوس ومررت

بالعيينة والعمارية والارض ممطورة لكن ما شفت شين يمشي





ووصلت الرياض فهطلت أمطار غزيييييييييييييييييييييرة جداً والحمد لله





وبلغني الآن ان الكهرباء انقطعت عن حريملاء

[غيم]

رغبه البره الكهرباء منقطعه
والشعبان كلها تمشى
والامطار ما زالت والبروق من كل جهه الى ساعه كتابه هذا التقرير
الساعه 9.32 يوم السبت

ماشاء الله .. اللهم لك الحمد .. اللهم صيبا نافعاًً

[نعمان الفهمان]

الربوة الساعة 9.25

http://www.alramay.com/up/11-2006/f7532a90bd.jpg (http://www.alramay.com/up/)

[نقا خريم]

ماشاء الله في دقيقه واحده يكتب مامعدله 5 اعضاء
يازين المنتدى بها الوقت
الا ياخوان من القصيم عموما
مافيه بروق من الغرب باتجاهاته الثلاث
ولو هو بعيد؟؟؟

[عاشقة الصواعق]

الله واكبر الــــبــــره ورغبه وحريملاء كلها منقطعه الكهرباء عنها

الله ينور عليهم ان شاءالله ويستر عليهم والله يزيد الخير من المطر بأذن الله نافعآ غير ضار

[بو وليد]

شعيب بويب يمشي مالي العبارات كلها ولله الحمد، مكالمه من احد الاخوان من على شعيب بويب.

بويب شمال شرق الرياض 60 كم تقريبا

[راعي طويق]

محب سدير علوم السيل عندكم

[قاهرالصحراء]

علوم سدير( يارعي طويق) ابشرك جاني اتصال من هناك يقولن سايله سيلتن طيبة

[مسافر1]

يامسافر عطنا علوم سدير يقولون عليهم جور سيل
اتصال قبل دقيقة مع أحد الإخوان في سدير يقول رش خفيف الآن ..
لكن أمطار قبل المغرب غزيرة والدفاع المدني على أهبة الاستعداد ..

[خالد العوض]

ماشاء الله تبارك الله ..

لكن هل هذا المطر الآن أو اللي جاهم قبل المغرب؟؟
وهل هناك أخبار عن القرى المجاورة؟

مساك الله بالخير
وين الناس ياخوي
وشلون الوضع عندك

[نقا خريم]

ياهل الرياض السحابه اللي قبل شوي قفّت شمال شرق
وفيه سحاب قادم باذن الله ... والله يرزقنا وجميع المسلمين
وان يطرح فيه البركه انه كريم حليم

[خليف العيد]

اخي نقا خريم

ابشر ابشر
الساعة 9\37 دقيقة
سيل غزير جداً الشوارع ماتلحق
ومعه صواعق قوية الله يستر

الـســــــــيل كثير والحمدلله
اخي ماهي اخباركم والسيل عندكم الان
اخوك ابوسامي

الزلفي

[ابـوعمر]

تكفون اكتبوا الوقت لاننا ولله الحمد في اليوم نسيل مرتين او ثلاث

واكتبوا التاريخ (اليوم والشهر والسنه) لان هذا الموقع (مكشات)سيكون افضل مرجع للسنين القادمه



تكفوووون

[العملاق النائم]

http://www.almoso3h.com/up3/getimg.php?image=26135 (http://www.almoso3h.com/up3/getlink.php?id=26135)

[محب سدير]

محب سدير علوم السيل عندكم


أخوك محب سدير في الرياض

بس جاه علوم المطر على عموم سدير ولله الحمد شيء فوق الوصف ...
أسأل الله أن ينفع به العباد والبلاد

[المبشر]

يامسافر عطنا علوم سدير يقولون عليهم جور سيلعن اذنك اخي مسافر السيل لاتنشد عنة ابشرك الداهنة سيل طيب جلاجل متوسط السد الان 8امترونصف يصب على 9و70سم اروضة سيل طيب السد 3ونصف التويم المثيايل تمشي احوطة سيل متوسط العبلة لاتنشد سيول الشعب السيل طيب بوضاء مبايض

[نقا خريم]

يابعدي والله ييو سامي
كفيت ووفيت
السيل الله يجيبه ان شاء الله
هالحين رش خفيف
ونا متفائل بالسيل ان شاء الله بآخر الليل
باذن اللي ماتنام عينه
ووفقك الله اين ماكنت وحفظكم ورعاكم وبارك لكم مما اعطاكم

[محب سدير]

اللهم ارزق أهلنا في الحجاز والشمال والجنوب وفي عموم بلاد المسلمين وانفع به يا رب


اللهم لك الحمد على ما أنعمت به علينا

[غيم]

مساك الله بالخير
وين الناس ياخوي
وشلون الوضع عندك

الله يمسيك بالنور أخوي ابو محمد .. وحنا موجودين ونتابع المنتدى يوميا لكن المشاغل واجد .. والموجودين فيهم الخير والبركة ..

والوضع عندي زي اللي عندك لأننا جيرانكم في شرق الرياض ...

[ابو حمد 2006]

السلام عليكم
اخبار السيول اليوم
من الصفرات الى ملهم جميع الاودية تمش
في هذا الوقت
ولكم تحياتي

[نقا خريم]

الان على نشرة الاخبار السعوديه في القناه الاولى
صور مباشره للامطار في الرياض
--------------------------------
اهل القصيــــــــم
البروق لاهنتوا تشوفوها لنا تكفون؟؟

[نقا خريم]

فيه معنا عضو متواجد حاليا
ان شاء الله ما أنام الاّ اسمع تعليقه على الوضع في القصيم لهذه الليله وغدا
الغالي الشفقان
والبركه في الاخوان جميعا

[غيم]

أخوك محب سدير في الرياض


بس جاه علوم المطر على عموم سدير ولله الحمد شيء فوق الوصف ...
أسأل الله أن ينفع به العباد والبلاد

الله يبشرك بالخير .. الحمد لله .. والله فرحنا لأهلنا هناك لأن آبارهم جفت ولهم سنتين ما جاهم سيل ..

[خالد العوض]

أخواني



الذيب وخالد العوض ..

اذا عندكم واسطة في جميع الدوائر ..

أنا أول من يسحب :good: :good:








انا اجازتي في مخباتي لكن المشكله في اللي في المدارس من يجيبهم

التوقعات على الرياض الى يوم 28 ميلادي
والله اعلم
https://www.fnmoc.navy.mil/products/WXMAP/NGP/2006112512/ngp10.prp.072.swasia.gif

[العملاق النائم]

الان على نشرة الاخبار السعوديه في القناه الاولى
صور مباشره للامطار في الرياض
--------------------------------
اهل القصيــــــــم
البروق لاهنتوا تشوفوها لنا تكفون؟؟

الله والعالم تبي تنفك الناوية

[لسان السيل]

الاّن الساعه 9:00 بروق ورعود قويه جداً على الرياض وهطول مطر قوي ولله الحمد

[نقا خريم]

الله والعالم تبي تنفك الناوية
كثرت ردودي وخرابيطي فتحملوني ههههه
انا ان شاء الله متفائل خير على الرياض لهذه الليله وغدا
باذن واحد احد

[راعي رامة]

مافيه أخبار عن البروق التي ذكرت بعد العشاء قبلة الفويلق وينك يأخوي عطنا العلوم

أخوك راعي رامة البدائع

[المحمل]

البويطنات جايه كلهن

والحين المطرررررر زين

والسد ماجاه شي
=============================
متابعين يا مال العافية

[×عاشق الجنة×]

عبراتصال هاتفي قبل قليل
سد المجمعة أكثر من 5 أمتار ويتوقع أن يصب من فوق خلال ساعة أو أكثر
النزيه تصب .
الكلبي محري إنه واصل الديره

[مفطح]

وش آخر أخبار مكة المكرمة؟؟؟؟؟؟؟؟

[خالد العوض]

الله والعالم تبي تنفك الناوية

مدري اخوي العملاق عن الفظ هذا ((الناوية))
مدري صحيح
اعتقد وانا مدري انه لفظ مهو صحيح يعني كأنك تنسب السحب الى الانواء من غير قصد اكيد
وايضا قول بعض الناس شق من سماء اشياء الحقيقه ينخاف منها وشق السماء معروف انه يوم القيامه

مدري يليت الاخوان اللي عندهم علم يوضحون وان كنت غلطان اسف

[منزلي الصمان]

ياباحث اثار بشرني عن مرخ / النوم / عريعره / جزره
الله ياسعدك بالزلفي شكلنا نبي ننهي الأجازات خلال شهر

[بن المرزوق]

القصيم فيها امطار؟ بشرو

[داود]

في حريملاء.....


الياطة و ابو قتادة في طريقها للسد وهي قوية و تبشر بخير

اللهم صيباً نافعاً

[أبوهشام قحطان]

أخبار سارة وبشائر خير وصلتني الآن من روضة سدير (6:45) مساء هذا اليوم السبت 4/11/1427 تخبر بهطول أمطار غزيرة وجريان الأودية لمعظم بلدان سدير ولله الحمد والمنة. فأحببت ابلاغ ما وصلني من بشائر. جعلها الله أمطار خير وبركة وعم بها أوطان المسلمين آمين.:d

[المميـز]

مبروووووووووووووووووووووووووووووووووووك عليكم يااهل نجد الخير ذا كله

ادعواااااااااااااا لنا بالمدينه المنوره ان الله يغيثها


يا اهل الخبره بشرونا ماحول المدينه شيء ؟؟؟؟؟؟؟؟؟؟؟؟؟؟؟

[aldrawy]

السلام عليكم ورحمة الله وبركاته
وينك يانقى هشال ووينك يالمسفهل ووينكم يالمشرفين الكرام علشان مانسى احد مشتاقين لكم ولاخباركم الطيبه بعدين عسى نقى هشال وصل بخير وسلامه ومنتضرين اخبار رحلته ولكم تحياتي

اخوكم - الدرعاوي

[ولدالعم]

الليلة من صديقي واخي ابو عبد الرحمن
ليلة الاحد25 نوفمبر
مطرنا بفضل الله ورحمته
سيول وامطار على العيينه سالت على اثرها اودية العيينه
وحصل انقطاع في شبكة الكهرباء لغزارة المطر وقوته

نسأل الله ان ينفع به

[رز البر]

الله يبارك فيك والله جتنا في الرياض وخاااصه السويدي مخيله قويه وهطل امطاار غزيره ياجعله فراش رحمه

[ابن عنيزه]

هطلت هذه الليله الاحد امطار غزيرة جدا مصحوبة بزوابع رعديه وصواعق على مطار الملك خالد الدولي وسال على اثره الاوديه والشعاب المحيطة بالمطار ومنها شعيب وادي بنبان الامطار استمر هطولها بغزاره لمده تجاوزت 45 دقيقه جعلها الله امطار خير وبركه وعم بنفعها البلاد والعباد

[almngar]

السلام عليكم
1اليوم السبت امطار قويه وسيل علي التنهات الروضه سالت الي حد النفود ولله الحمد
2شعيب الطيري سال سيل طيب وللله الحمد اليوم السبت
3شعيب الشوكي سال سيل قوي اليوم
4جميع الشعبان الي في المنطقه سيله اليوم السبت
أخبار اليوم السبت 4/11/1427

[بري نجد]

عنيزة الساعة 10:20 صوت الرعد في السماء وبداء المطر ينزل متوسط السبت 4/11 مساء

[راعي المسرى]

السلام عليكم ورحمة الله وبركاته وبعد :

قبل نصف ساعة جائني هذا الاتصال( 9.30مساء 4/11 )من أحد الثقات وفيه :

((أنا الآن على شعيب مبايض والسيل يفوق الخيال وأتوقع يصل روضة أم الشقوق ، وشعيب الأصوف ما تقدر تقطعه السيارات ، ووادي الشعب متعدي الديرة ، والشوكي ماشي الصبح وكذلك شعيب الأرطاوي والخير عام والبروق ما تنقطع ))

وللفائدة أنقله لكم وشكرا ......

[××العايذي××]

اخبار الامطار لهذه الليلة حسب اللي اعرفه ان شقراء ومرات وثرمداء وأثيثية يعني اكثر مناطق الوشم جاها شق من سماء بمعنى الكلمة امتلت سدود أثيثية وسالت الشعبان والطريق في هالليل خطر جدا لان الماء من فوق الزفلت مسيكين عمي الله ييسر عليه قولوا امين قايله وشوله العجله لكن راسه يابس



السبت 4/11/1427هـ

[صقر]

أخي الدرعاوي ... المشرفون حولك وقاعدين يستمتعون بهالاخبار اللي تسر الخاطر وتبهج النفس.

ورجاؤنا أن تساعدونا في

حذف التواقيع من الردود ، واقتصار المشاركات على الأخبار فقط.

بارك الله فيك.

[راعي رامة]

قبل قليل نشاهد البرق خفيف ونسع الرعد شمال البدائع مع زخات من المطر الساعة 10:25مساء
اللهم أغنثا

[ابومشعل22]

ابشركم بدت تمطر علينا في عنيزة الآن
احمدك يارب

[المبشر]

التوقعات ليوم غد بمشيئة الله تعالى الاستغفار الاستفار الاستغفارhttp://image.weather.com/images/maps/en_UK/web_intl_mideast_precip_day1_600.jpg

[تميرااوي]

اهل تمير تشوفون البروق الان

بشرونا تكفون

[راعي رامة]

قبل قليل نشاهد البرق خفيف ونسمع الرعد مع زخات من المطر البدائع 10:25 مساء

[أقبل الخير]

=نقا خريم]فيه معنا عضو متواجد حاليا
ان شاء الله ما أنام الاّ اسمع تعليقه على الوضع في القصيم لهذه الليله وغدا
الغالي الشفقان
والبركه في الاخوان جميعا

السلام عليكم ورحمة الله وبركاته :
جزاك الله خير أخي نقا وجزى الله الجميع على هذه التغطية المتميزة وأسأل المولى أ ن يفرح قلوب الأحبة في كل مكان وأن يجعل ما أنزل عونا على شكره وعبادته .
أحب أنقل خبر وهو (مشاهدة برق تقريبا جنوب غرب المذنب ولكن لمرة واحدة وتتعذر الرؤية لوجود طبقة من النفيض .
ولله الحمد متفائل بالسحاب هذي الأيام وهو استمرار تواجده ولو نزل جنوب سرعان ما يرتفع شمال وتعاود الأمطار هطولها فهذا يذكرنا بأيام حلوة قد مضت .
الثانية إذا شفت الواحد عجل تقول عنده شيء فالسحاب ولله الحمد يمشي بسرعة وفعلا نزلت بأمر الله الأمطار وهذي كثيرا ما تحصل .
الثالثة تعودنا في بعض المرات أن المرتفع لا يهدأ أو سرعان ما يتجه إلى السحب الرعدية فيطردها ويعجل برحيلها
ولكن ولله الحمد عدم مرور منخفض حركي على نجد بأمر الله قد تستمر هذه الرياح الشرقية الطيبة جالبة معها الخيرات وكما شاهدنا ينزل للجنوب ثم يرتفع للشمال تقسيم من رب غفور كريم رحيم .

فنجد بإذن الله الوضع ممتاز إلا إذا هبت الغربي لساعات والله وحده أعلم وأحكم

[لسان السيل]

طيب جنوب الرياض وش عندهم تكفووون بشرونى

[آل علي]

امطار غزيه على جنوب الرياض وستمرت حمالي 20الي 30دقيقه تقريبا وكانت غزيره ولله الحمد

[عاشق نجد]

بالنسبة للامطار التي هطلت على البرة بعد صلاة المغرب ، فقد اعقبها سحابة وقت صلاة العشاء وكانت سحابة زينه .

السد امتلا من الشعبان القريبة ، والباطن حدر على الديرة ، اللهم لك الحمد .

وبعد شعيب السحق (الثرماني) يمشي الان ، وكذلك شعيب التحيضة ، والسباعة ، وكل الشعبان .

المشكة عقب السيل ، أن الكهرباء انقطعت عن البرة وعن رغبة ، وعن ثادق وعن حريملاء . ولا يعرف السبب .

المهم الاخوان في رغبة قبل شوي يقولون فيه برق عنهم قبله . الله يجيب الخير .

القمر الصناعي الان .
http://62.149.74.25/weather/satellite/meteosat/gif/ir/kingdom/pmesat.gif

[ابـوعمر]

[quote=ابـوعمر]تكفون اكتبوا الوقت لاننا ولله الحمد في اليوم نسيل مرتين او ثلاث

واكتبوا التاريخ (اليوم والشهر والسنه) لان هذا الموقع (مكشات)سيكون افضل مرجع للسنين القادمه



تكفوووون[/quote
اكرر تكفون

[((( الحر)))]

اخوي الدرعاوي.اخواني الاعضاء جميعاً... مبروك علينا وعليكم الامطار والخيرات.

والله مابعدنا من الساعة 8صباحا وانا مقابل خيمة الاحوال الجويه بالمنتدى واذا جاء فرصه اروح اشوف الامطار وارجع

ومثل ماقال ابو احمد صقر ساعدونا بحذف تواقيعكم من الردود

الله يوفقكم جميعاً

[ابومشعل22]

الحمد لله
لا زال المطر يرش علينا في عنيزة
احمدك يارب

[][عزام][]

اللهم لك الحمد حمدا يليق لجلالتك وعظمتك,احمدوا ربكم ياجماعه وترى هذا وقت استجابه فلندعوا لأخواننا المستضعفين في مشارق الارض ومغاربها,

ولله بكرا يبي يصير عندي اجازه بس يااهل الرياض وين النيه ولله اني محتار يقولون الشوكي جايه خير وودي اشوفه ويقولون جهة صلبوخ وجهة سدير وشقراء ولله محتار وش الراي ياجماعه؟؟؟

اخاف اتهور ولايردن الا القصيم

[أبو رشيد....]

مشاء الله كانت هناك سحابة مرة على حي السويدي قبل ساعة

[_ذيب الارياف_]

اخوي الدرعاوي.اخواني الاعضاء جميعاً... مبروك علينا وعليكم الامطار والخيرات.

والله مابعدنا من الساعة 8صباحا وانا مقابل خيمة الاحوال الجويه بالمنتدى واذا جاء فرصه اروح اشوف الامطار وارجع

ومثل ماقال ابو احمد صقر ساعدونا بحذف تواقيعكم من الردود

الله يوفقكم جميعاً

عطنا علوم الــــســــــر لاهنت

[0ناصر0]

ادعوا الله لأهل محافظات جنوب الرياض يرزقهم المطر النافع ــ أستغفر الله العظيم وأتوب إليه .

[ربوع نجد]

اخي عاشق نجد السحاب زين في الرغبه والبروق عنا قبله وعلى شعيب عبثران

[الممدوح]

ماشاء الله .... الآن عواصف رعدية عندنا.

اللهم أغثنا

[منزلي الصمان]

ياالعارفة بشرونا بتوقعات بكره على نجد بس لاتجيبون تكفون خرايط انقليزية نبي مترجم عربي الله يجزاكم خير

[لسان السيل]

الله يبارك فيك والله يجعلها امطار خير وبركه
بس كيف نحذف التوقيع
(اعذروني على السؤال بس انا ما اعرف شيئ في الكمبيوتر)

[أبــوريـــان]

هبوب الرياح الشرقية في بريدة بشكل قوي ...بشرى خير باذن الله

ولازال النفيض يغطي سماء بريدة

ومبروكين على هالخيرات

وبشكر تدوم النعم

[ربوع نجد]

الان رش على بلدة رغبة

[ديم نجد]

هبوب الرياح الشرقية في بريدة بشكل قوي ...بشرى خير باذن الله

ولازال النفيض يغطي سماء بريدة

ومبروكين على هالخيرات

وبشكر تدوم النعم

أبوريان وينك غاطس فيه مالك حس :D

[أبــوريـــان]

الله يبارك فيك والله يجعلها امطار خير وبركه
بس كيف نحذف التوقيع
(اعذروني على السؤال بس انا ما اعرف شيئ في الكمبيوتر)

اخي الحبيب فية ايقونة تحت في الرد السريع ازل منها علامه الصح

[رز البر]

يالدرعاوي ماتدري عن سد العلب امتلا ولا لا ؟

[جال القلايل]

ماشاء الله .... الآن عواصف رعدية عندنا.

اللهم أغثنا


حدد موقعك أخي الكريم !

[حلوان]

بسم الله الرحمن الرحيم السلام عليكم ورحمة الله وبركاته ماشاء الله مبروك عليكم هالخير يا اهل نجد الحبيبه ويجعلها سقيا رحمه وبركه والله يرحم شمال غرب المملكه بالخير القريب قولوا امين اخوي الحبيب خالد الله يرزقك باللي تمناه وش توقعا تك لتبوك الله يرحمنا برحمته ترى كلكم عزيزين على قلبي ماهو بس خالد مادري ليس قصدي ليش !

[العليمي الاول]

السلام عليكم ورحمة الله وبركاته::

الله يمسيكم بالخير ... ومبروك عليكم الخير .. ( الله ينفعبه البلاد والعباد )

أخوتي يسعدني ويشرفني ان انضم اليكم في هذا المنتدى المبارك في هذة الليلهة المباركة

...ان شاءالله متمنياً من الله العلي القدير ان اكون عند حسن الظن ..وان تجدوا في مشاركاتي

مايحوز على رضاكم ... ودام الجميع بخير

أخوكم العليمي الاول

[حلوان]

بسم الله الرحمن الرحيم السلام عليكم ورحمة الله وبركاته ماشاء الله مبروك عليكم هالخير يا اهل نجد الحبيبه ويجعلها سقيا رحمه وبركه والله يرحم شمال غرب المملكه بالخير القريب قولوا امين اخوي الحبيب خالد الله يرزقك باللي تمناه وش توقعا تك لتبوك الله يرحمنا برحمته ترى كلكم عزيزين على قلبي ماهو بس خالد مادري ليس قصدي ليش !

[أبــوريـــان]

أبوريان وينك غاطس فيه مالك حس :D

هلا الحقيل

ابد متواجدين معكم

حنا في بريدة ماندري وش الي حاصل حولنا ...

صاك علينا النفيض صك :)

[الممدوح]

حدد موقعك أخي الكريم !
في محافظة القطيف وماجاورها اخي الصلف كما هو مبين في التوقيع ...

المحافظات الشمالية _الجبيل وحولها_ أرى عليهم سحابة عنيفة تبرق
ونحن وصلنا نصيب قليل منها

[جدة غير]

مشاء الله تبارك الله
الله يهنيكم بالأمطار ويجعلها مباركة ويعم بنفعها أرجاء البلاد
""""""""""""""""
جدة الآن سماء صافية
رياح شمالية شرقية خفيفة ( ماني متأكد )
الحاراة 25
الرطوبة 35%
الحمد لله على كل حال

الله يجيب الخير

[لسان السيل]

سمعت ان حوطة بني تميم الساعه 9:40 تقريباً حولهم بروق والله عاد انا ما ادري
أفيدونى يا اهل الحوطه تكفوووووووووووون

[جال القلايل]

في محافظة القطيف وماجاورها اخي الصلف

المحافظات الشمالية _الجبيل وحولها_ أرى عليهم سحابة عنيفة تبرق
ونحن وصلنا نصيب قليل منها



الله يزيدكم من خيره ، وبإذن الله تتمدد السحب جنوباً لتغطي باقي المناطق بالشرقية ،،

[ربوع نجد]

امطار على رغبه الان

[جلمود1]

التوقعات لبكره من يعطينا معلومات عنها تكفون

[الوسمي2007]

أنا بالظهران ولم أرى برق .
ممدوح حدد موقعك لاهنت .
أتوقع أنك سيهات ؟

[عاشق نجد]

ربوع نجد

الله يعافيك ، عطنا العلوم اول بأول عن السحاب اللي مقبل عليكم ، وعن شعيب خشم الحصان اذا سيل في ام الشقوق .

[العليمي الاول]

امطار على رغبه الان



الله يبشرك بالخير ياوجه الخير والله ينفعبها

لوبينت اخي الكريم هل معها برق ورعد او ديم

ولك من وافر الموده

[ربوع نجد]

ربوع نجد

الله يعافيك ، عطنا العلوم اول بأول عن السحاب اللي مقبل عليكم ، وعن شعيب خشم الحصان اذا سيل في ام الشقوق .

شوي واعطيك العلم الاكيد

[لسان السيل]

بالله عليكم يا اهل سدير عطونا اخبار المطر عندكم
سمعت ان سدودكم مليانه

[الممدوح]

أنا بالظهران ولم أرى برق .
ممدوح حدد موقعك لاهنت .
أتوقع أنك سيهات ؟
آنا موقعي في صفوى الحبيبة اخوي الوسمي 2007
هبت رياح قوية قبل شوي وشفنا البرق من جهة الشمال وسمعنا رعود وهطلت امطار طيبة
وسرعان ما هدأ الوضع

[ربوع نجد]

الله يبشرك بالخير ياوجه الخير والله ينفعبها

لوبينت اخي الكريم هل معها برق ورعد او ديم

ولك من وافر الموده

نعم معها برق ورعد .. والاخوان في موقع الحدث يكتشفون قوة سيل خشم الحصان وسوف نوافيكم بالاخبار اول باول

[العليمي الاول]

وينكم يا هل داورد ( الدوادمي )

شفقين على علوم الديره ...

[ربوع نجد]

الله يبشرك بالخير ياوجه الخير والله ينفعبها

لوبينت اخي الكريم هل معها برق ورعد او ديم

ولك من وافر الموده

نعم معها برق ورعد .. والاخوان في موقع الحدث يكتشفون قوة سيل خشم الحصان وسوف نوافيكم بالاخبار اول باول

[ابوإبراهيم]

سمعت ان حوطة بني تميم الساعه 9:40 تقريباً حولهم بروق والله عاد انا ما ادري
أفيدونى يا اهل الحوطه تكفوووووووووووون


أخي لسان السيل البروق كانت شمال وبعيدة

[العليمي الاول]

ربوع نجد

الله يبيض وجهك على سرعة التجاوب

لاهنت يالقرم

[مضيع الدرب]

اللهم لك الحمد حتى ترضى امطرت علينا في الرياض وغرقت الشوارع بالماء ولله الحمد المكان :النسيم

عطونا علومكم ياهل الرويضة وثادق ورغبة والدبيجة مشت عندكم الشعبان وعونا علم بعيثران

[لسان السيل]

حـــــــــــوطة بني تميم عطونا اخبارها يالنشامى تكفوووووووون هي فيها مطر ولا مافيها

[حقوق المطر]

الساعه 11 و 12 دقيقه
شرق القصيم - الشماسيه
مطر خفييف ( تنقط )
السما نفيض

يالله من فضلك يارب

[غيث الحيا]

سحابة قوية أمطرت علينا في أحياء شرق الرياض مع رعد وبرق بعد صلاة العشاء اليوم السبت أسأل العلي القدير أن ينفع بها وأن يشملنا جميعا ببرد رحمته.

[غيم]

حسب صور الأقمار الصناعية يوجد سحاب مقبل على الرياض قد يؤثر على الرياض خلال النصف ساعة القادمة .. نسأل الله أن يعطينا من خيره ..

[ربوع نجد]

عاشق نجد

الان امطار على روضة المشقوق المزلاقن الباطن مايمشي ... وشعيب ابو عشير اللي يسيل روضة المشقوق يمشي مش خفيف .

[العليمي الاول]

اتصال من احد الاخوان في الدوادمي

( ثقة )

عليهم رش خفيف والبارق عنهم شمال

يقدر عنهم بحوالي 25-35 ك ( الساعة 11.20مساًء
محب الجميع العليمي الاول

[الخيرقادم]

يا اهل البره والرغبه عطونا علوم السيل

[عاشقة الصواعق]

اخـــوي عاشق نجد


الف شكر على التغطيه الرائعه للـــبـــــرة ويعطيك الف عافيه على المجهود الرائع

بس ممكن سؤال اذا عندك خبر .....
وش اخبار اللسيل في ام خفاس والاحور؟
اذا مافيها كلافه عليك ؟
اللهم لك الحمد والشكر على النعمه ان شاءالله سقيا خير باذن الله واللهم دمها من نعمه

واكون شاكره لك

[yazn111m]

http://www.mekshat.com/pix/upload/images23/mk35738_africacloudlowt30 [1].gif بعد 30 ساعه ياءهل نجد الخير قادم انشاء الله https://ows.sembach.af.mil/common/Met/regional/nwacloudlow30.asp img]http://www.mekshat.com/pix/upload/images23/mk35738_africacloudlowt30[1].gif[/img]

[الوسمي2007]

هذه صورة توضح سير الهواء
أُلتقطت الساعة 10:00 مساءً .
وهنا نلاحظ كما يبدوا إحتماليه وجود حالة عدم الإستقرار
إلآ أن تكون الرياح الشماليه أقوى فربما لا سمح الله ينجلي السحاب .
ولكن بإذن الله لو ساد المنطقة الوسطى رياح جنوبية فبإذن الله سيكون هناك الخير
والعلم عند الله
نسأل الله أن يُغيثنا , اللهم آمين .

http://image.weather.com/images/maps/en_UK/web_intl_mideast_winds_fcst_day1_600.jpg

[system]

امطار وخير من صباح اليوم السبت وحتى هذه اللحظه مازال المطر غزير وبروق ورعود ..................

يالله لك الحمد والشكر..........

الشرقية الجبيل........

[سودانثيل]

نسأل الله أن يغيثنا في هذه الليلة .. أخباركم تفرح بشركم الله بالجنة.

الآن الأجواء في قطر غائم إلى غائم جزئياً ..

[خليف العيد]

الزلفي

مشت بعض الشعبان قبل قليل
ارعد اسمعه وانا اكتب الخبر
ابوسامي

[محب الغيم]

يا شباب لو تشوفون اللي أشوف !!

الغيم يمر على مكة والطائف والجنوب وهو منخفض ثم لا يزال في ارتفاع حتى يصل نجد وما والاها ..

اللون الأزرق يظهر بعد أن يجاوز تكوينات الدرع العربي كتحديد على السطح .

[عاشق نجد]

ربوع نجد

إذا كانت السحابة اللي امطرت عليكم قوية ، ومطرها طاق خشم الحصان ، فترى الشعيب يبي له وقت عشان يوصل ، اهم شي المتابعة خلال الساعتين القادمة .

الله يعطيك العافية .

[عاشق نجد]

عاشقة الصواعق

بالنسبة للاحور وام خفاس ، فيوم امس العصر امطر عليها مطر طيب على الراس ، ارتوت منه الارض .

وبالنسبة للمطر اللي اليوم الليل ، فأكيد ان الروضتين سايلة ، لان المطر كان مغطي البرة واللي حولها . حتى أن شعيب البرة وشعيب السحق (الثرماني) أذا جت قوية ، فسيلها يوصل للاحور .

الله يجيب لها الخير .
تحياتي لك .

[راع الصمان]

حدد موقعك..يا system

الله لا يهينك...

[عاشقة الصواعق]

الف شكر عاشق نجد ماقصرت

والله يجيب اللخير ان شاءالله بداية خير بأذن الله

[جوجلاجل غير]

هطلت بعدمغرب هذا اليوم السبت امطار غزيرة جدا على مدينة جلاجل وكان نصيب الاجزاء الجنوبة من المدينة اقوى فقد سالت جميع الاودية وكان الاجزاء الجنوبية هي الاقوى وقد بلغ منسوب سيل السد حتى الساعة التاسعة مساء 8.20متر وبقي متر ونصف ويصب مع التفريغ وقد ارتوت المزارع
كما شملت السيول كل من روضة سدير وقد سالت جميع الاودية ومنها السبعين التي سالت بكمية كبيرة وكانت قوية جدا جدا
وكذلك حوطة سدير بسيول قوية جدا جدا
كذلك شملت الامطار بلدة الداهنة ومدينة اشيقر ويذكر شهود عيان ان سد اشيقر يصب من فوق من الاعلى وليس مع منطقة التفريغ الزائد يعني من فوق الخرسانه
وكذلك الاودية تصب من فق الكبري المجاور لمدخل المطل فتحة الكبري صارت ماتلحق
اللهم صيب نافعا مطرنا بفضل الله ورحمته

[عاشق نجد]

الرياض - المعذر
11:30 مساءً

زادت كثافة السحب مرة أخرى ، وبدأ المطر بالهطول ، هو رش خفيف .

حتى اشوف الجفيل بدأ يظهر في الغرب , وهو يتجه شمال مع الهواء .

[ربوع نجد]

الان بدت ترش علينا في الرياض

[راع الصمان]

يا شباب الله لا يهينكم وين (خشم الحصان) وروضه ام الشقوق

[العليمي الاول]

الان شمال الرياض بالقرب من جامعة الامام الساعة 11.35مساًء

السماء غايمه كلياً ورش خفيف

[2002]

الان نشاهد النفيض شمال بريدة

[جبل مشرف]

السلام عليكم ورحمة الله وبركاته احييكم من مدينة الحرجه اليوم السبت4-11-1427 فلقد كان يوم جميل
فمنذ الساعة الثالثة عصراً كانت الاجواء غائمة تماماً حيث هطل على الحرجه امطار متوسطه سالت على اثرها بعض الشعاب سيول جيده اما جنوب الحرجه وجهة تهامة فكانت الامطار غزيرة جداً والرعد لا يتوقف
وقد التقطت لكم هذي الصور من الحرجه والقرى القريبة منها
http://www.mekshat.com/pix/upload/images23/mk14332_po1.jpg


ويوجد المزيد من الصور في موضوع امطار الحرجه

[عامر]

بشرو عساها مثل اللي قبل

[مخايل الحوطه]

وادي صلبوخ يمشي وفي ازدياد



الحيسيه سايله سيل طيب



(من طالب الحور)

[الوسمي2007]

هذا الموقع توقع اليوم أمطار غزيزة على المجمعة وما حولها .
والآن يتوقع على المنطقة الشرقية خصوصاً الخبر والدمام والظهران والبحرين .
أمطار غزيزة . والعلم عند الله بيده كل شيء . سبحانه .
الصورة أُلتقطت الساعة 10:00 مساءً

http://image.weather.com/images/maps/en_UK/web_intl_mideast_precip_day1_600.jpg

[العليمي الاول]

نسأل الله أن يغيثنا في هذه الليلة .. أخباركم تفرح بشركم الله بالجنة.

الآن الأجواء في قطر غائم إلى غائم جزئياً ..

بارك الله فيك وعسى الله يغيث جميع بلدان المسلمين بالخير

واوصيك واوصي نفسي بكثرة الاستغفار .. أستغفر الله واتوب اليه

[الممدوح]

امطار وخير من صباح اليوم السبت وحتى هذه اللحظه مازال المطر غزير وبروق ورعود ..................

يالله لك الحمد والشكر..........

الشرقية الجبيل........
اها آجل توقعي كان في محله _ بالجبيل_... إحنا في صفوى شاهدنا البروق جهة الشمال

الآن تتساقط الأمطار علينا ونشاهد بروق بعيدة من الشرق (على البحر) .ـ

الله يزيدها

[عاشقة الصواعق]

يا شباب الله لا يهينكم وين (خشم الحصان) وروضه ام الشقوق

اخوي asm

خشم الحصان وام شقوق موجوده بالرغبه روضة ام الشقوق وعلى ماعتقد جبل خشم الحصان اتمنى ابناء الرغبه يصححون الخطاء ان وجد


اتمنى اني افدتك

[صائد الفوائد]

الرطوبة في الرياض 100% والضباب منتشر وزاد تكاثف السحب
الموقع:حي السويدي غرب الرياض

[سداااااح]

الان بدت ترش رش خفيف شرق الرياض الساعه 12.35

[الخيرقادم]

[QUOTE=asm1968]يا شباب الله لا يهينكم وين (خشم الحصان) وروضه ام الشقوق[/QUOT


هذي الله يسلمك في بلدة رغبه

[الوسمي2007]

الآن بدأت تتساقط الأمطار على مدينة الظهران " رش خفيف "
أن شاء الله يزيد والله يعم الخير على الجميع
آمين

[عاشقة الصواعق]

(من طالب الحور)

اخوي مخايل الحوطه اذا تقصد الاحور الي بالبره فانا طالبه معلومات عنها اذا
عندك خبر واكون شاكره لك

[زخة مطر]

وينكم يا هل داورد ( الدوادمي )

شفقين على علوم الديره ...

اخي العليمي الاول ابشرك بالخير الحمدلله
قبل المغرب فيه سحابه شمال الدوادمي بعد عرجاء ولاهيه عريضه وسيلت الارض وبعض الشعبان
الصباح فيه سحابه على الشعراء وجنوب وسيلت بعض الشعبان
الساعة 10:45 مساء" البروق جنوب ويذكر انها على عريده وقبيعه وجاهم اللي يكثر الماء ويمشي السكك
الديره جاها رشاش فقط الاغير والحمد لله على كل شي .
استغفر الله
استغفر الله
استغفر الله

اضافه الان البروق والرعود على الديره وبدت ترش الساعة 11:45 مساء"

[غضنفر]

الحمد لله على هذه الخيرات
اخذت جولة سريعة حول الرياض من الساعة 8 الى 11 مساءا
وهذه هي النتائج
امطار غزيرة وسيول على المناطق ما بين الرياض وحريملاء
وافضل ما رأيت من السيل حول سلطانة
بنبان سايلة سيل طيب بالحيل
هذي المناطق الي غطيتها
واتوقع الحفنة والرمحية ورماح سايلة لأن البرق عليهم

[هديب الشام]

الحمد لله على هالخير والامطار
انا صراحة اغبطكم يا اهل نجد بالخير اللي جاكم عسى الله يرزق المسلمين كل في داره
اما ديرتنا سبحان الله ما نقع فيها الماء من دخل الوسم والنخيلات ان ما رزقهن الله هالسنة عليهن السلام ثلاث سنين ما سال شعيبنا والما من اول قليل وتحتنا الدرع العربي
اللهم اغثنا الغيث والرحمة ولا تجعلنا من القانطين
اللهم اغثنا الغيث والرحمة ولا تجعلنا من القانطين
اللهم اغثنا الغيث والرحمة ولا تجعلنا من القانطين
اللهم اغثنا الغيث والرحمة ولا تجعلنا من القانطين

[راع الصمان]

يامال السيل إن شأالله...

والله يعطيك العافيه...

[عاشق نجد]

يا شباب الله لا يهينكم وين (خشم الحصان) وروضه ام الشقوق

خشم الحصان يا طويل العمر يقع شرق رغبة ، يعني وانت جاي من حريملاء متجة لرغبة ، اول من تنزل من الضلع وتقترب من رغبة ، شف راس الضلع اللي على يسارك المرتفع ، هذا هو خشم الحصان .

اما روضة ام الشقوق فهو روضة تقع غرب رغبة ، على حافة النفود ، فالسيل الذي ينحدر من خشم الحصان يتجه غرباً قاطعاً الطريق العام ، الى روضة ام الشقوق على حافة النفود .

تحياتي لك .

[قلبي طيب]

اللهم اجعله صيبا نافعا غير ضار



اللهم اسق به البلاد واجعله بلاغا للحاضر والباد



ونسال الله الخير لجميع مناطق المملكة واخص منها من الرياض وجنوب الخرج الحوطة الافلاج الوادي تثليث


محبكم

[راع الصمان]

يامال السيل إن شأالله...

والله يعطيك العافيه...(عاشقه الصواعق).

[الوسمي2007]

هديب الشام
أن شاء اله ما تصبح إلآ السيل ساقيكم
اللهم آمين

[سداااااح]

كل الشكر لك اخوي yazn111m

على الموقع الاكثر من رائع من شخص اروع
وتستاهل الشكر
ياليت تتحفنا بالمواقع المثيله له
اخوك
سداااااح

[زخة مطر]

الحمد لله الان امطار على الدوادمي وصبت المرازيم
استغفر الله
استغفر الله
استغفر الله
استغفر الله
استغفر الله
استغفر الله
استغفر الله
استغفر الله

[حواجز]

..::اللهم صيبا نافعا يا رحمن يا رحيم::..

[راع الصمان]

مشكور اخوي(الخير قادم)

[محب الغيم]

عدد الأعضاء الذي يتصفحون هذا الموضوع : 228 (85 عضو و 143 ضيف)
-----------------------------------------------------

يا اهل حايل تلحقون خير بإذن الله .

تونا في بداية الموسم

لنكثر من الدعاء والاستغفار .

[الخيرقادم]

يا الربع عطونا اخبار سيول وشعبان البره والرغبه

[مطارد السحاب]

الان رعود فوقنا والمرازيم تصب بالدوادمي الساعه 11.55اللهم لك الحمد والشكر قولو امين

[بن فيصل]

الي عنده علوم الصمان تكفون يعطيناها

الحمد لله الحمد لله الحمد لله

[الشواقي]

الرطوبة في الرياض 100%الحمدالله اللهم اطرح البركة:)

[عبدالله بن سعد]

الرياض شبر وانا اتصفح المنتدى الان سمعت صوت رعد (صاعقة) شكله من سحابة رشت علينا قبل شوي

[((( الحر)))]

الحمد لله على فضله ونعمته

اخبار امطار منطقة السر ....

من الصباح وحنا في ديمة متقطعه والارض رويانه بحمد الله وفضله. وهذا شامل لجميع ديار السر.

جت سحابة طيبه مع صلاة العشاء جنوب الفيضه وبالتحديد جنوب ساجر سال منها شعيب الفيضه(المنجور) الساعة تسع ونص قاطع الازفلت ومشيه جيد وان شاء الله ياصل الفيضه ويسيل مفاليها.

للمعلوميه/ موقع السر
جنوب المذنب 60كم
غرب شقراء 70كم
شمال الدوادمي 80كم

وللجميع وافر واغلا تحياتي

[ولد العشاق]

الحمد لله اولا وثانيا وثالثا.....الحمد لله حتى يرضى وبعد الرضا

إنها نعمة هي رحمة وهي ابتلاء رحمة بعد طول إنتظار وابتلاء للشكر

ابارك لنفسي اولا ثم أخواني واخواتي اعضاء هذا المنتدى المبارك ...


وكم هي صورة جميله تجتج خوااطرنا بهجة بنزول المطر ....كم هو جميل منظر الأرض بعد المطر فلنجعل نفوسنا كبيرة كريمة كذلك...

أبارك لأهلي جميعا واهل بلدتي (( البـــــــــــــــره )) هذه البلدة التي كانت قبلة القبائل في نجد عندما يأتي الربيع..حيث بطين الأحور وام الخفاس ...شعيب الشمس وجانبيه المتشحة بأشجار الطلح ...كم هي جميلة تلك المناطق بربيعها وسحرها عندما يأتيها زائر نجد ( الربيع ) بعد الجفاف ...مبروك لنا جميعا هذا الخير ومبروك لجيرانا في رغبه وضرما ومرات ... وفي إنتظار الربيع فمرحبا بكم جميعا في مرابع الجمال الأخاذ وهي دعوة للشكر وان نري الله منا ما يساوي قليلا من شكر النعمة بالطاعة وانشراح الصدور فيما بيننا شكرا للمنعم :):)

وكم هي سعادتي التي لا توصف في هذا المساء الجميل وأنا اتقلب بين اخبار المنتدى الساره فلكم مني جميعا الشكر وخاص الدعاء بالتوفيق

أخوكم

ولد العشاق

البره

[راع الصمان]

الله العالم ان الليله ديم...

(الرياض-11:55م)

[محب الغيم]

كانت السحب العظيمة في المحيط الهندي تأتيه من بعيد

الآن تنشأ فوقه مما يوالي بحر العرب وسواحل القرن الإفريقي وهو ما يدل على كثافة بخار الماء الداخل للجزيرة العربية ...

نسأل الله من فضله .

اللهم أغثنا يا رب العالمين بمنك وفضلك لا بأعمالنا

[فايز العامر]

أمطار متواصلة على الثمامة من أكثر من نصف ساعة... والرياح شمالية شرقية


الساعة 11:57 مساءً




أكثروا من الاستغفار...




رعاد ،،، أخيكم...

[جدة غير]

الحمد لله أولا وآخرا

[العليمي الاول]

اخي العليمي الاول ابشرك بالخير الحمدلله
قبل المغرب فيه سحابه شمال الدوادمي بعد عرجاء ولاهيه عريضه وسيلت الارض وبعض الشعبان
الصباح فيه سحابه على الشعراء وجنوب وسيلت بعض الشعبان
الساعة 10:45 مساء" البروق جنوب ويذكر انها على عريده وقبيعه وجاهم اللي يكثر الماء ويمشي السكك
الديره جاها رشاش فقط الاغير والحمد لله على كل شي .
استغفر الله
استغفر الله
استغفر الله

اضافه الان البروق والرعود على الديره وبدت ترش الساعة 11:45 مساء"

زخة مطر

اررررررررحب

حيه وحيّ علمه ..

مبشر وسالم من الشر

وفيت وكفيت ياذيبان....وعلى فكره قريت خبرك الاخير

والله يعطيكم عطى برضا..

بيض الله وجهك .. ولانستغني عن العلوم كلما جد جديد

أخوك العليمي الاول

[محب الغيم]

الغيم يحوش يم الرياض

الله يجعله خير .

[العليمي الاول]

الغيم يحوش يم الرياض

الله يجعله خير .


ولاعليك أمر وين موقعك ..

وشكراً مقدماً

[إدارة منتديات مكشات]

شكراً لكم

ونرجو المتابعة على هذا الموضوع

الأخبار والتوقعات ليوم الأحـــد 5 ذو القعدة (http://www.mekshat.com/vb/showthread.php?t=63891)