[ مـسـاعـدهـ ] دلوني على ورشه توضيب مكينه ديزل

[حبل الوريد]

السلام عليكم ورحمة الله
اخواني الله يسلمكمم عندي موتر الوالد هلكس 2005 ديزل
والشباب الله يهديهم يستعملونها ولا يراعون للزيت الوكاد انه راح كله وخبطت
ابي الله لايهينكم رقم او وصف دقيق لأفضل ورش توضيب مكاين الديزل في القصيم

[مطر وسم]

اخوي التوضيب بيكلفك كثير بحدود 7000 الى 8000 قطع الغيار مع شغل اليد انا سائل كم ورشه عندنا بالرياض اخر شي اخذت مكينه موظبه وجاهزه مع التركيب والورشه تاخذ الرجيع فقط ب 5000 صافي والمكينه عليها ضمان شهر

واي استفسار انا حاضر


تحياتي لك

[وجعين]

صحيح انا عندي مكينة ديزل ددسن مركب عليها دينمو كهرب خبطت وسألت عن توضيبه صارت تكلف أضعاف سعره المهم أخذت استعمال ياباني ٢٥٠٠ ريال الأفضل لك تشتري مستعمله من التشليح

[حسين2002]

وعليكم السلام ورحمة الله
عندك ورشة الأحمد
مقابل صناعية السليم - بريده

[aldqaq]

فيه ورشة العتيق متخصص بالديزل
بصناعية الرواف الشماليه - ببريدة

[رياح الشرق1]

اخوي انا عندي متسوبيشى وضبتها ورجعت خبطت طبعا ديزل وبعض ناس معهم مثله اشترو مكينه مدري استخدام ياباني وبرضو خبطت اخوي افضل شي رح للتشليح وشفلك سياره مثلها تكون ممشاها من الميه وجاي وخذها من السياره وركبها لاني هذا الي سويته والمكينه الحمد لله زي الحلاوه للحين لها 4 سنين هذا افضل شي لاتوضب لان التوضيب يكلف ومهو مضمون والمكاين الجاهزه ما تدري عنها يمكن موه وملعوب فيها وسلامتك