طريقة استخراج تصريح لمن اراد شراء اجهزة لاسلكية من امازون

[هاوي الطرقة]

السلام عليكم ،،
انا نويت اشتري من موقع امازون ايكوم 8000 لان فيه فرق بالسعر وسعر ربعنا يفوق 900 ريال ، لذلك حددنا الجهاز وهذا الرابط
http://www.amazon.com/Icom-IC-V8000-Mobile-VHF-Radio/dp/B002ZP5EH2/ref=sr_1_1?s=electronics&ie=UTF8&qid=1401055303&sr=1-1&keywords=Icom+8000
ولكن هل في شروط للجمارك قبل وصول الجهاز من تصريح وخلافه او انهم يطلبون مواصفات معينه عن الجهاز واذا في استخراج للتصريح انا اراجع أي دائره بالضبط ؟؟!

او أني اشيل فكرة شراء الجهاز واشري من ربعنا ومثل ما قالوا مالك الا خشمك لو كان عوج،،

[رويلي]

شوف اخوي, التصريح على حد علمي للي عندهم رخصة لاسلكي واجراءات طويلة مابين هيئة الاتصالات والجمارك, هنا بعض الشباب ووانا واحد منهم دخلنا اجهزتنا وعدت من الجمارك سلام سلام ... وفي ناس تصادرت عليهم. اكثر الشباب وانا دخلنا اجهزتنا عن طريق ارامكس

انا اشتريت ياسو ٨٩٠٠ ووصلني هنا بحدود ١٣٠٠ ريال شفت الفرق كيف

اذكر واحد بالمنتدى دخل ٤ اجهزة ايكوم ٨٠٠٠
وواحد هنا بعد دخل ايكوم ٢٣٠٠ من ماليزيا

اتوقع الدعوة عن طريق ارامكس سهالات



,, وبعدين موقع امازون غالي ٣٠٠ دولار ,,

تفضل هذا الموقع يبيعه لك بـ ٢٠٨ دولار

http://www.gigaparts.com/Product-Lines/2M-Radios_2/Icom-IC-V8000.html

[خوي_الذيب]

يا بلاش :D


لكن الاشكالية كيف اعرف انه أصلي من الشركة ما هو صيني !!!

[صياد الخبر]

السلام عليكم


اي والله يا بلاش


كثير تعاملت مع المواقع بشياء اكبر واغلى وبصراحة
في نزاهة وفي مصداقية


للأسف في ربعنا الطمع عاميهم


الله يوفقك اخي في ما تصبو اليه


بالتوفيق

[N.m.a]

طيب كيف نعرف اذا هو اصلي او لا ؟
فيه ايكوم يدوي v80 حصلتة جديد ب ٨٠ دولار
اي بحدود ال ٣٠٠ ريال !
كيف اعرف اذا هو الاصلي او الصيني ؟ لاني قريت المعلومات الي حاطها البائع مفيها اي إطراء على هالموضوع !

[رويلي]

بالنسبة للاخوان اللي سألوا عن الايكوم ٨٠٠٠ هل هو اصلي او لا

اتوقع والله العالم انه اصلي لان السنة الذهبية موجودة فيه وهذه احد الدلائل على ان الجهاز اصلي

http://i991.photobucket.com/albums/af35/iphone5c/screenshot-wwwgigapartscom2014-05-2611-34-40_zps8ffae93b.png



اتمني تصححون لي اذا كنت مخطئ

[مكشاتي سابق]

اعتقد ان الواحد منا يقدر يتأكد بكل بساطة . قبل لا تشتري ارسل رسالة بالإيميل لخدمة العملاء في نفس الموقع اللي بتشري منه واسألهم عن بلد الصنع مع ذكر رقم القطعة اللي تبيها .
هنا هم مجبورين يردون عليك . ومن بلد الصنع راح تعرف أصلي ولا لا .

[_AboNaif_]

شوف اخوي, التصريح على حد علمي للي عندهم رخصة لاسلكي واجراءات طويلة مابين هيئة الاتصالات والجمارك, هنا بعض الشباب ووانا واحد منهم دخلنا اجهزتنا وعدت من الجمارك سلام سلام ... وفي ناس تصادرت عليهم. اكثر الشباب وانا دخلنا اجهزتنا عن طريق ارامكس

انا اشتريت ياسو 8900 ووصلني هنا بحدود 1300 ريال شفت الفرق كيف

اذكر واحد بالمنتدى دخل 4 اجهزة ايكوم 8000
وواحد هنا بعد دخل ايكوم 2300 من ماليزيا

اتوقع الدعوة عن طريق ارامكس سهالات



,, وبعدين موقع امازون غالي 300 دولار ,,

تفضل هذا الموقع يبيعه لك بـ 208 دولار

http://www.gigaparts.com/Product-Lines/2M-Radios_2/Icom-IC-V8000.html



طيب يالرويلي اذا توقفت عند الجمارك هل فيها استدعاء وتوقيع ومدري ايش ؟
او اقول لهم اتلفوها وتنتهي السالفه ؟

[رويلي]

طيب يالرويلي اذا توقفت عند الجمارك هل فيها استدعاء وتوقيع ومدري ايش ؟
او اقول لهم اتلفوها وتنتهي السالفه ؟

انا اشتريت تقريبا ٣ مرات وكلها عدت ... ما اعرف اذا كان يستلزم استدعاء اذا صادوك او لا

[بدوي ممطور]

الله يعين ويوفك الجميع
والله نبي بالجيب مثل ها الجهاز بس كيف الدبره

[rossi 38]

طلبت جهاز ومسكته الجمارك وتم مصادرته وارساله لادارة المباحث في منطقتي
وعندما وصل للمباحث وصلت الى شخص قريب لي يعمل في المباحث
اعطاني الجهاز واتلف كل شي يدل على الموضوع،
واخبرني ان الاجراء المتبع هو التحقيق معي واخذ تعهد لي
ومصادرة الجهاز بكل تأكيد

لكن الحمدلله ان الحظ والصدفة والواسطة ساعدتني

علما ان السلعة نقلت على البريد السعودي ( واصل)

[الهاشمي ال]

الله يعين ويوفق الجميع