المساعد الشخصي الرقمي

مشاهدة النسخة كاملة : الرجاء من جميع الشعراء الدخول


ابوفهد502
26/05/2014, 08:59 AM
السلام عليكم ورحمة الله وبركاته
اولاً انا شاعر مبتدي وعندي قصيده ابي تقيمكم عليها
وبدون مجامله لان المجامل مايضهر شعار
وهذي هي القصيده

لك التخرج ياولد عمي اليوم
لك التخرج وابتدي بالكلامي

في مدحتك ياللي تباعد عن البوم
والحر الاشقر يكفخ ابلا ملامي

واناشهد انك دايمٍ فأول القوم
تمشي على دربك وتكشخ بالضلامي

ماكنك الا نور بيّن للعموم
كاشخ ويعرف كل درب الحرامي

والثانيه بمدح هل المرجله دوم
ربعي وربعك معتلين الغمامي

اهل الكرم واهل المراجل والسلوم
آلاد عبيد اهل الوفاء والمقامي

اللي لهم في خاطري قدر محشوم
يحشم كما يحشم قريب العمامي

والثالثه ربك على دربك ختوم
من قبل واحد بعد عشرين عامي

واعلم هداك الله لك اليوم مقسوم
بين كما باين شهر للصيامي

واختامها صلوا عدد عد النجوم
على محمد رسول الله سلامي
ابوفهد502
27/05/2014, 07:27 AM
وينكم يالشعار
اي-مكشات
27/05/2014, 07:34 AM
انت طلبت راينا بدون مجاملة وانا أقولك بكل صراحة الأبيات السابقة ركيكة جدا ولاتصلح قصيدة بأي حال من الأحوال
الغنامي 511
27/05/2014, 03:20 PM
يارجال مدام انت مسويها في ابن عمك

قدمها وماعليك
بدوي ممطور
27/05/2014, 03:25 PM
وعليكم السلام ورحمة الله وبركاته
والصلاة والسلا م على محمد رسول الله
كساب الامداح
28/05/2014, 09:28 PM
بسم الله الرحمن الرحيم

بدايه جميله صراحه .. ومعاني جميله

ولكن هذي الابيات انحرفت عن الوزن

١- تمشي على دربك وتكشخ بالضلامي

٢- ماكنك الا نور بيّن للعموم

٣- اهل الكرم واهل المراجل والسلوم

٤- على محمد رسول الله سلامي

--

الشطر الاخير لو تقول

على رسول الله محمد سلامي

يصير مضبوط وزنياً ..

استمر يابطل
غروب الانس
29/05/2014, 04:07 AM
صح لسانك معاني القصيده رائعه لاكن عندك بعض الابيات مكسوره بس القصيده رائعه بما انك مبتداء اتمنا لك التوفيق
علي بن رملي
31/05/2014, 08:45 AM
عليكم السلام ورحمة الله وبركاته
.
اخي الكريم

الشعر لا يوجد به مبتدئ

الشعر يوجد فيه اذن موسيقية تقوم بوزن الكلام
مثل ما يوزن الذهب فالميزان
.
انا لا انكر
انك تستطيع كتابته لنك حافظت في
معظم الابيات على

الوزن
وكان بحر قصيدتك المسحوب
سأبين
لك الاخطاء التي وقعت بها
لثقتي بانك
تمتلك الموهبة وتفتقد للخبرة
.
اولاً
تمشي على دربك وتكشخ بالضلامي
.
ثانياً
كسر بالصدر
ولا يوجد معنى بالعجز
ماكنك الا نور بيّن للعموم
كاشخ ويعرف كل درب الحرامي
.
ثالثاً
اهل الكرم واهل المراجل والسلوم
آلاد عبيد اهل الوفاء والمقامي
رابعاً
.
من قبل واحد بعد عشرين عامي
خامساً
واختامها صلوا عدد عد النجوم
على محمد رسول الله سلامي
.
ناهيك
عن المعاني وتركيب الجمل السامية بطريقة هزله
.
.
اتمنى لك التوفيق
الدينميت
31/05/2014, 09:56 AM
محاوله جيدة منك
ولكن اذا بغيت رايي
القصيدة غير صالحة للنشر
حاول..بقصيدة اخري
ولاتطيل الابيات دامك مبتدي
لان القصيدة اذا طالت تتعبك
وياليت تبعد عن بعض اللفاظ لان القصيدة
مدح ودخولك للفظ البوم في بيتك




في مدحتك ياللي تباعد عن البوم
والحر الاشقر يكفخ ابلا ملامي

هذا اري انه غير مناسب ..........
تقبل نقدي ودمت بود
ابوفهد502
04/06/2014, 10:17 AM
مشكورين على انتقاداتكم البناءه والواحد لازم يتعلم من اخطائه واعجبتوني بصراحتكم لان المجامل مايطلع شعار واقولها مره ثانيه


شكرا...

شكرا...

شكرا...