مشكله في الباترول واتمنى تساعدوني بحلها

[الامي]

السلام عليكم ورحمة الله وبركاته
صبحكم الله بالخير :
عندي جيب باترول 96 بخاخ مشكلته التقطيع ( يتفتف )
ويحرق بوجي 6 و 5 كربون وديته لكذا ورشه قالو
حساس منظم الهواء وقالو الكمبيوتر وغيرتها وماضبط
اللي يعرف المشكله او قد مرت عليه اتمنى يساعدني
الموتر ماهو صافي ويرمي اذا رفعت رجلي عن البنزين
الله يكرمكم

[sgl2002]

شكله البخاخ رقم ٦ و ٥ خربان يصب البنزين بزياده وهذي شغلة كمبيوتر و ظفيره


او اذا التكلفه عاليه حطه كربريتر

[أحمد محمد1429]

انت مغير بواجي وجتك المشكله .... شيكت على كهرباء البخاخات .

[الامي]

انت مغير بواجي وجتك المشكله .... شيكت على كهرباء البخاخات .

لا المشكله ف الموتر لها فتره واذا غيرت البواجي يصفى
الموتر بس ياخذله شهر ويتفتف

[أحمد محمد1429]

هذا يالحبيب زيت إذا تفتف معك لا تغير البواجي فك البواجي اللي تفتف واغسلها ببنزين وصنفرها صنفره خفيفه وركبها إ ذا صفا معناته هذا زيت على البواجي

[SGL]

أخوي إذا الكربون مستمر يطلع من الشكمان سواء الموتر مافيه تفتفه أو فيه شيك على المنظم الي جنب الثروتل على ماأذكر وشيك على البخاخات ونظفهن ممكن بخاخ 5 و 6 تعبانه وتأكد إن مافيه أثر تهريب بنزين مكان البخاخ وهو راكب وشيك على أفياش الكهرب لبخاخ 5 و 6

[ابو محمد64]

اخوي شيك على بلف التبخير غيره 40 ريال

[ابو محمد64]

منت خسران شي حتى لو مو منه من باب الاحتياط يكون ناشف ولا شي