عدادت جيب باترول 91 لا تعمل

[J-SILVER]

السلام عليكم ورحمة الله وبركاته

أسعد الله صباحكم بالخير والمسرات

اخواني عندي مشكلة بعدادات طبلون جيب الباترول جميعها (سرعة، ضغط، حرارة، بنزين) لاتعمل.
مع العلم ان الفيوزات تم فحصها جميعاً ومابها خلاف.
ورحت لكهربائي وطلب مني عدادت وأخذت عدادات من التشليح ونفس المشكلة.
مع الملكة ان الاضاءات بالعدادت تعمل واللمبات مثل البريك وغيرها تعمل.
اللي يعرف حل للمشكلة ياليت يفيدني.
الموقع تبوك.

[المتزن]

وعليكم السلام ورحمة الله وبركاته
هالمشكله بالضبط موجوده الآن بسيارتي
وهي عند الكهربائي الآن
ويقول علبة الفيوزات مره توصل ومره تقطع حسب روايته
أتمنى تفيدني أو أحد لاخوان اذا عرفت العطل وصلحته وانتهيت من هالمشكله

[طير الطنايا]

والله يا اخواني انا عندي قريب من المشكله ذي عداد السرعه فقط
غيرت طبلون 95 باترول وموتري 91 ﻻكن مانفع الكهربائي اختبر حساس
السرعه الي بالقير ويقول مافيه شي مايشتغلن الثنين
ارجو اﻻفاده والمناصحه
ودمتم

[المتزن]

للرفع

الله يرفع قدر الجميع

[د ك م 586]

السلام عليكم ورحمة الله وبركاته
شف عندك كيبل الطبلون تلقاه علي الفخذ الايمن للموتر جنب علبة الفيوزات
تلاقي المدخل الذكر ماركب زين في الانثى او منفك .
او ممكن يكون راكب بس مملح ولا يوصل زين
دايم اخذ باترولات وتكون فيها نفس المشكله
اول مره صارت لي كل مامريت لي كهربائي يقول غير طبلون
بس الحمدلله دلني الله علي معرفة السبب.

[الوسم]

السلام عليكم ورحمة الله وبركاته

أسعد الله صباحكم بالخير والمسرات

اخواني عندي مشكلة بعدادات طبلون جيب الباترول جميعها (سرعة، ضغط، حرارة، بنزين) لاتعمل.
مع العلم ان الفيوزات تم فحصها جميعاً ومابها خلاف.
ورحت لكهربائي وطلب مني عدادت وأخذت عدادات من التشليح ونفس المشكلة.
مع الملكة ان الاضاءات بالعدادت تعمل واللمبات مثل البريك وغيرها تعمل.
اللي يعرف حل للمشكلة ياليت يفيدني.
الموقع تبوك.

لو سمحت وش نوع سيارتك ... DX أو SGL

[SGL]

إذا حساس السرعة في القير شغال ومتأكد منه بس العداد مايشتغل
فك الطبلون وأفحص الأسلاك شوف يوصلها كهرب وشيك على مدخل الأسلاك والشريحة الخضراء تأكد مابها قطع أو حرق وخل الكهربائي يفحص كهرب الأرضي ( السالب ) لطبلون

[fdfd_2002]

السلام عليكم ورحمة الله وبركاته
شف عندك كيبل الطبلون تلقاه علي الفخذ الايمن للموتر جنب علبة الفيوزات
تلاقي المدخل الذكر ماركب زين في الانثى او منفك .



مصطلحاتك عجيبه اخي العزيز :D:D:D