عزم الموتر ضعييف وصوت (تك تك تك تك) جيب vxr 2000

[الوافي86]

السلام عليكم ورحمة الله وبركاته



عندي يا اخوان جيب لاندكروزر 2000 vxr اوتوماتيك

الموتر ماشي 400 وشي المهم في صوت من اول ما اشغل الموتر (تك تك تك تك ...) ويزيد مع الدعسه فقط واذا شلت رجلي (أكرمكم الله) يختفي وعزمه جدا ضعيف سويت له تصفية مكينه (بواجي - فلتر بنزين - فلتر هوا - تنظيف الثروتل ) ولا في فايدة ارجو منكم المشورة والحل لاهنتم ..

[الغنامي 511]

ان شاء الله يفيدونك الشباب

[بدوي ممطور]

الله يعينك ويوفك
يجونك ان شاء الله طيور شلوا على راسهم اصيل حجازي باذن الله غير يخلون الموتر يمشي 200

[راعي تاحوف]

صوت التكتكه تروح بعد التشغيل بثواني
اذا هذا ضعف في طرنبة الزيت او عليها وصخ
اول شي غير الزيت والسيفون وذا ماراح الصوت شيك على طرنبة الزيت هذا من ناحية الصوت.
الضعف اللي فيه اكيد من طرنبة البنزين ماتعطي الموتر البنزين الكافي

[الوافي86]

صوت التكتكه تروح بعد التشغيل بثواني
اذا هذا ضعف في طرنبة الزيت او عليها وصخ
اول شي غير الزيت والسيفون وذا ماراح الصوت شيك على طرنبة الزيت هذا من ناحية الصوت.
الضعف اللي فيه اكيد من طرنبة البنزين ماتعطي الموتر البنزين الكافي


لا وانا اخوك الصوت ما يروح .. يطلع مع صوت دعسة البنزين في المشي والوقفه

[عقووول]

اخوي شيك على ثلاث اشياء

السير ومكراته

وجنزير التايمن

وطرمبة البنازين

[متقاعد مبكر]

بالنسبه للصوت اعتقد والله العالم انه من غطيان التكايات التي فوق البلوف اما العزم اعتقد من الكويلات اختبرها بفصل فيش الكويل واحد تلو الاخر اذا لاحظت تغير في صوت المكينه معناته الكويل مافيه شي واذا ما تغير شي معناته خربان واتمنا ان الصوت ما جاء بسبب ارتفاع للحراره لان هذا موضوع ثاني تقبل مروري

[يالبى الهلا]

عندك ضعف في احد الكويلات اما بسبب خراب الكويل نفسة او تلف الاسلاك الموصلة للكويل وهذا دائما من الكويل رقم 1 او 3 حاول تبدلهم من موتر اخرر وشغل وان شاء الله تعالى تحل المشكة

[اسدهم]

اذاصوتة تقول صوت باترول ولايزعلون
انا من ملاك الباترول
اذاصوتة ونت تمشي او ونت واقف يعني يخاويك في ممشاك
توقعاتي وزن بلوف صارت معي هصوت ورحت لورشة وقالي بلوف وبصراحة كنت اشتكي من صرفية البنزين ولان الحمدالله وشكر زانت اموري بعد وزن البلوف وصرفية وصوت تك تك تك

[الوافي86]

جزاكم الله خير يا اخوان ماقصرتم بيض الله وجيهكم

وبخصوص الصوت مريت على كم واحد يقول من الاقزوز ومدري عنهم لازال البحث مستمر

[وليد46]

هذا صوت القزوز يالغالي ميه بالميه.

[الوافي86]

هذا صوت القزوز يالغالي ميه بالميه.



اخوي وليد هل الاقزوز يطيح عزم الموتر ؟

[aldqaq]

اخوي الصوت طقطقه قويه واذا كان الموتر واقف يختفي تقريباً ومع الدعسه وانت واقف يزود

[الحربي 591]

http://mekshat.com/vb/showthread.php?t=638839


اتمنى اني افدتك

طبع الاعراض الل واجهتها
عزم مافيه خاصتا اذا دعست
صوت الشكمان تقال صوت فيراري
بعض البواجي مكربن

عند التشغيل في الصباح اسمع
تكتكتك بسرعه وتروح
............

[الحربي 591]

وراح انزل مقطع بعد وقبل باذن الله

[متقاعد مبكر]

اولا حاول تنهي موضوع الصوت وبعدها العزم لانه حسب علمي انك حتى لو غيرت كويلات بيرجع العزم في نفس المشكله وعن تجربه

[الوافي86]

اخوي الصوت طقطقه قويه واذا كان الموتر واقف يختفي تقريباً ومع الدعسه وانت واقف يزود

لا الصوت ما هو قوي او مزعج لكن يكون قوي اذا دعست على دعسة البنزين و ايضا لمن تكون السيارة باردة

[الوافي86]

http://mekshat.com/vb/showthread.php?t=638839


اتمنى اني افدتك

طبع الاعراض الل واجهتها
عزم مافيه خاصتا اذا دعست
صوت الشكمان تقال صوت فيراري
بعض البواجي مكربن

عند التشغيل في الصباح اسمع
تكتكتك بسرعه وتروح
............


يا ذيب حرب ... بيض الله وجهك ماقصرت بأشوف وش يصير وأفيدكم

[الوافي86]

اولا حاول تنهي موضوع الصوت وبعدها العزم لانه حسب علمي انك حتى لو غيرت كويلات بيرجع العزم في نفس المشكله وعن تجربه

اهم شي عندي العزم ولا الصوت مافكرت فيه بس انا اقول لا يكون الصوت مرتبط بالعزم وهذا ممكن يكون اقزوز وبعدين عشان اكون دقيق شوي لمن ادعس للأخير يكون ثقييل وشوي يخف !!