اعادة الحياة لبطاريات السيارات

[القناص-sniper]

السلام عليكم ورحمة الله وبركاته


اخواني المكشاتية اسعد الله اوقاتكم بكل خير


قبل فترة بسيطه وصلني مقطع فيديو على الواتس اب اندهشت منه وهو يخص البطاريات


الالكترونية ايه سي دلكو حيث باستطاعتنا اعادة تعبة البطارية بالماء المقطر واستمرارها


واحيائها لفترة اطول ، وصاحب المقطع يقول ان فك غطاء البطاريه يحتاجله مجهود اكثر


ولكن النتيجه تكون مرضيه وفعلاً البطاريه بعد ما فك غطائها تذكرت البطاريات القديمه


لوجود فتحات لتعبة الماء المقطر.


السؤال هل يوجد خطر من البطارية عند محاولة فكها ؟؟


لان بعض الاخوان يقولون ان فيها اسيد قوي يسبب الحروق لاقدر الله


ومن له تجربه في فك البطاريه يشرح لنا طريقه امنه ومعلومات اكثر


الله يجزاكم خير و يبارك فيكم ويحفظكم من كل شر


امين

[الفريح1]

انتبه من الاسيد تراه خطير !!!!!!!!!!!!
خذ احتياطاتك من لبس القفازات ونظارات لحمايه العين من اي شي يطير فيها

[القناص-sniper]

انتبه من الاسيد تراه خطير !!!!!!!!!!!!
خذ احتياطاتك من لبس القفازات ونظارات لحمايه العين من اي شي يطير فيها

الله يستر
بانتظر رد المجربين ولا بلاش مغامرات

اشكرك على مرورك يا غالي

[hassan-55]

لا في هذا لاتغامر لانه خطير

اذكر مره عندي كشاف حق البر وخربت بطاريته السوداء مثل حق الدباب وسألت عنها لقيت سعرها سعر كشاف جديد ببطاريته
رحت شريت اسيد وفكيت الغطاء واسفل الغطاء اربع فتحات للتعبئه
وحطيت في كل فتحه رشه اسيد وبعدها البطاريه صارت مثل الجمر تطبخ
علطول جري لأقرب برحه واحطها بزاويه وانا خايف لا تنفجر

لا تجازف بعمرك اشتر جديده بحدود 300 وريح راسك


الله ييسر امرنا وامركم وامر كل مسلم..

[ريان2002]

أنا شفت المقطع ولكن السؤال الأهم
على إفتراض إنها أنفكت وتعبت مويه وضبطت هل ممكن ترجع تتقفل تمام وماتهرب وإلا مع حركة السياره بيتكبكب الأسيد ويدمر السياره ؟؟؟؟؟

[200]

الحمد لله كل سنه ونص واذا كثرت سنتين وقيمتها حول 300 أو أقل وش تبي تصلحها تطلع عليك البطاريه باليوم حول83 . هلله أذا جلست سنه وأغلب البطاريات تقعد سنه ونص إلي سنتين وتعرض نفسك للخطر

[وااضح]

انا كنت افك بطارية الدباب
واعبيها الغطاء تكبسه بيدك والفك سهل
بالسكروب اذا سكرت الغطاء حط شوي لحام بارد

[وجعين]

انا رأي ان لا فائده من اعادة التعبئة الا اذا كانت البطاريه شبه جديده اي له ثلاث اشهور او اكثر بقليل لان البطاريه له عمر محدد وهذا الكلام عن تجربه سبق وعبيت بطاريه دباب ماء مقطر ولم تنجح ذهبت الى محل البطاريات وعبيت أسيد وايضاً لم تنجح التجربه الاخرى مع بطاريه سياره عاديه وتم تعبئتها أسيد جديد بعد إفراغ القديم ولم تنجح وبعد البحث تبين ان البطاريه تحتوي على شرائح رصاص وهذه الشرائح مع الوقت تتفتت وتنزل في قاع البطاريه وتسبب التماس بين الموجب والسالب مما يتلف البطاريه ويجعلها غير قابله لشحن .

[ابوراكان تبوك]

انا فكيت بطارية اكسايد نظامها نفس الاسيديلكو وعبيتها ماء لكن لم تتغير نهائياً لها اللحين شهر دقتها ضعيفه بس بصراحه البطاريات الاكترونيه ماتنفع مجرد انها تطيح من لمبه خلاص انتهى امرها

مابعد بطاريات باقادر القديمه ماتموت

[Al_Romaih]

الحمد لله كل سنه ونص واذا كثرت سنتين وقيمتها حول 300 أو أقل وش تبي تصلحها تطلع عليك البطاريه باليوم حول83 . هلله أذا جلست سنه وأغلب البطاريات تقعد سنه ونص إلي سنتين وتعرض نفسك للخطر

:good: بالضبط

وأيضاً أخبر أن بطاريات اي سي ديلكو عليها ضمان إذا خربت خلال سنة

إذا كملت البطارية أكثر من سنة كثر خيرها ركب جديدة وبعها على راعي محل البطاريات :good2:

[حطاب البراري]

عط الخبز خبازة لو اكل نصه عطه القديمة رجيع وخذ لك جديد كلها 150 ريال بعدين هذا شركات تبي تترزق الله
لو كل واحد فك البطارية وعباها قفلت الشركة