فزعتكم يهل الخبرة بالساكتون

[ابوليلى-506-]

السلام عليكم ورحمة الله
يالربع اكثر السواكتين الي قوته فوق 80 اذا ركبت له دربيل ما يثبت يعني مع كل عشر رميات تتغير الوزنه وترجع تعير وتوزن
وقبل يومين رحت لمحل سنام بحايل وقلت ابي دربيل
وقال كم قوت ساكتونك
قلت 135 هاستن
قال اذا تبي اركب لك ماعندي مشكلة بس ميثبت معك

[SIZE="5"]والمشكلة ان نظري ضعيف بالحيل
يعني لا عيون ولا دربيل احلم انك تصيد عصفور

[FJ3230]

الله يشفيك إن شاء الله

الساكتونات القوية تكسر الدربيل من داخل مهوب بس تغير الوزنية

الهوائيات ماتصلح لها الدرابيل ياخوك نيشانها العادي افضل

[عطيه الدوسي]

وعليكم السلام ورحمة الله وبركاته
خذ لك ناظور باريرا أو ديانا
وقواعد لها فرامل عباره عن مسمار يركب على مجرى الناظور
ولا يتغير ابد اهم شيء كل فترة تشيك على العدسة الخلفية لها سنه من الداخل اذا لقيتها ارتخت شدها
مجربها على ماغنوم 350 وجامو هنتر 1250

[MrSILVER]

انا معا اخوي عطيه الدوسي و ركز على القواعد اهم شي

ولو تحصلك مثل هذا الجسرhttp://www.amazon.com/UTG-Compensation-Mount-Airgun-Trigger/dp/B007IHQJN0/ref=sr_1_1?ie=UTF8&qid=1398672363&sr=8-1&keywords=scope+elevation+compensator

وهاذي القواعد حقته http://www.amazon.com/AccuShot-Premium-Height-Airgun-Rings/dp/B001WJ4W2U/ref=pd_bxgy_sg_img_y (http://www.amazon.com/AccuShot-Premium-Height-Airgun-Rings/dp/B001WJ4W2U/ref=pd_bxgy_sg_img_y)

اضمنه لك انه مارح يحترك وفالك اشحم

[محمد ابن عيد]

..
حياك الله ي الغالي
الهاتسان قويه بالحيل
لكن ركب قواعد ممتازه تلقاها عند صاب لها مسمار
يثبت في البندق ومايتحرك ابد
و اشتري ناظور Nikko ممتاز و راكد
انا معي نوريكا 90 5.5 و مركب اللي قلته لك
و الله ماشاء الله حتى الدخل اوزن به
و الله ييسر امرك

[شخيط]

انا جربت كل الطرق الين رسيت على بر
الحل طال عمرك اشتر ناظور يكون طويل شوي وهج عن الصيني لانه تنكسر عدسته بسرعه وركب اربع قواعد للتثبيت بدال ثنتين يعني تشتري طقمين زي هذي
http://www.amazon.com/AccuShot-Premium-Height-Airgun-Rings/dp/B001WJ4W2U/ref=pd_bxgy_sg_img_y

[وضاح القمر]

مشاركة خارجة عن الموضوع إذا سمحتوا لي..

صورة العرض يامحمد بن عيد اللي عندك.. كلما شفته أوجعن بطني..

والعقبى لك يابوليلى ماتركب دربيل وتقابل مثل القميرية اللي بالصورة.. مابعد أشرقت الشمس.. وتلحطه بالدربيل مع الرأس

[ابو غسان2009]

الحل عندي وانا اخوك ركب رد دوت بلا ناظور بلا وجع راس وصدقني وحدة بوحدة
وهذه صورته
http://i.imgur.com/j6opr21.png

[محمد ابن عيد]

مشاركة خارجة عن الموضوع إذا سمحتوا لي..

صورة العرض يامحمد بن عيد اللي عندك.. كلما شفته أوجعن بطني..

والعقبى لك يابوليلى ماتركب دربيل وتقابل مثل القميرية اللي بالصورة.. مابعد أشرقت الشمس.. وتلحطه بالدربيل مع الرأس
..
هههه حياك الله ي بعدي
القميري حبيب الكل وعسى يطرحه لنا اجوال
و مابعد كلامك كلام و عسى الله يكتب لك القميريه
اللي لاشفتها اوجعن بطني ههه
و تشرفت بك ي الغالي

[جنيفاوي 503]

فيه درابيل وقواعد من شركة utg تلقاها في موقع
امازون مزية درابيل هالشركة انها مخصصة للساكتون الهواء
يجي فيها مانع اهتزاز وفيها قفل للوزنيه واشوف المواقع
الأجنبية يمدحونها بس مدري
هل شركات الشحن تسمح انك تجيبها اولا
وانا الصراحه افكر اجيب واحد لان عندي هتسان 135 عجزت اوزنها
وابركب عليها دربيل عساه ينفع فيها

[ابوليلى-506-]

ماقصرتو يالربع كفيتو ووفيتو