وين اللقى مادة يقولو ترش على الطين شفافة تحميه من المطر

[الربذي]

السلام عليكم اخواني كما العنوان لاني لقيت موضوع لغالنا سرهيد يقول عنده مشب طيني بس راشه من الخارج بها المادة

[منتعش]

حياك الله أخوي الغالي

أنا أخبر أنهم يرشون مادة لمعه أسمها ( أونيش )

وهي موجودة عند الدهانين

وتستخدم بطريقتين :

1- بماكينة المسدس

2- وبالرولة .

وأسأل الله أن ييسر أمرك .

[أبوعبدالله202]

هلا اخوي
يرشونه بغراء الخشب الابيض يخلط مع موية الطين ثم يرش بالرولة
يشخلون الطين ويخذون الموية ويخلطونها مع الغراء
الطين يكون شبه سائل (يكثرون الموية)

[الربذي]

الله اسال ان يثيبكما ماقصرتوا احبتي ولازال لطيبين بقية
الاخ الفاضل والصديق القديم منتعش سعدت بردك ولايهون اخي الفاضل ابو عبدالله 202

[عرنان الشمال]

تلقاها عن الدهانيين

[الربذي]

اخي عرنان شكرا على الاضافة لاعدمناك

[مكشاتي مهاجر]

يالغالي خذ العلم مني انا واحد مجرب

اشتر غراء خشب البرميل الاصفر الكبير ب160 ريال يكفي غرفه كاملة 5*5

بيدك ليسه تلييس خل الجدار ابيض وخله تقريبا ساعتين وينشف يصيير شفاف وتصير امورك تمام

مصلحينه في بيت طين وارتحنا من التراب والغبره بس ترى بيختلف عليك شكل الطين اغمق شوي بس حلو

[الربذي]

مكشاتي الله يعافيك ماقصرت قلت ابي ادخل اوف اضافات اخواني زين قلت لي الطريقة ولا راح اخسر اكثر
وزين قلت يصير ابيض ولايكن تصير علوم مشكور

وهل يمسك بين العسب والجريد والعمدان عشان الوزغ البغيض مايطوطي

[الربذي]

ابشركم المشب شبه اكتمل بس لازال هناك بعض الامور واهما ماابي البرص يطوطي عليه
طيب وش رايكم يااخوان جبت باكستاني وقلت كم تخلصه قال يومين او ثلاثه طبعا هو خالص عظمه بس دهان وشويه شغلات
ومن 7 رمضان الى الان ماخلصه هو راح بس جاب عمال مدلعين وكل يوم بكرا كلاص كلوه قالوها اكثر من عشر مرات اصلا حمير جو بالنهار ولقيتهم يدخنون برمضان منذ صمت رمضان لم اشم رائحة الدخان الا منهم طردتهم واعتذروا وصاروا يفطرون يونامون الى 10 ويجون ويمشون 2
وش اسوي فيهم اخذوا حقهم تقريبا باقي لهم يمكن 300او500