شباب بالنسبه للجمس يطفى وهو ويمشي وش المشكله

[8ابوسلمان8]

السلام عليكم ورحمة الله وبركاته

اخواني انا عندي جمس 97 غماره دبل قطع 15

مكينه 1500 / 350

واليوم صارت معي مشكله مع العلم اني مغير

صفايه وبواجي واسلاك

وانا امشي اليوم اذا هديت بوقف او بلف يطفا

طفا علي 3 مرات اهدي عند اشاره وطفا

وهديت بدخل الحاره وقبل الف طفا

واشغل على طول يشتغل

مادري وش المشكله تكفون

هل هي طرمبه بنزين

واذا كانت هي هل اركب طرمبة لاندكروزر ولا شرايكم

انتظر ردودكم تكفون

[الديزلاوي]

بالنسبة لمشكلتك صارت معنا وانحلت المشكله ولله الحمد .
معنا جمس صالون تماتيك موديل 2000 كل مارحنا مشوار يطفا وانت تمشي احيانا لما تهدي تبي تلف يطفا ويقفل الدرقسون وتتورط لما يكون فيه سيارات امامك .
وكم مرة بغى يصير حادث بسبب هالمشكلة وانحلت .

تكلفة الاصلاح تقريبا 580 ريال مع شغل اليد والقطع .
القطع كالتالي :
1- وجه الثلاجه
2- بواجي
3- صفاي بنزين
4- بخاخ تنظيف البخاخات
5- حصلنا واحد من البخاخات ضعيف وتم اصلاحه

مع ضمان شهر
ورشة الجبالي
بالصناعية القديمه بالرياض بجانب ميزان الدرع .
الميكانيكي سوري ونصوح .
جوال كهربائي بنفس الورشه احمد 0564448919 يعطيك رقم السوري تشرح له المشكلة

[8ابوسلمان8]

الله يعطيك العافيه اخوي ماقصرت

[8ابوسلمان8]

انا مغير بواجي واسلاك وصفايه

بس الموتر مافيه تفتفه يطفا فجا ماحس فيه هل هي نفس المشكله مع العلم ان

الموتر اللي معي قير عادي

[8ابوسلمان8]

ياشباب انا وديت السياره اليوم وفحصتها كمبيوتر وقالي الطرمبه تعبانه
ورحت للورشه وفك الطرمبه وقالي جب قلب قلت اجيب حقت لاندكروزر قال جبها وجب الفيش

شباب هل هي تركب وزينه وهل فحص الكمبيوتر مضمون

لان السياره اذا هديت تطفى واشغل وتشتغل على طول
مادري ياليت تكفووون تفيدوني هل هي اكيد طرمبه والكمبيوتر الفحص مضمون يعني اغير