استفسار بخصوص الاكورد

[مجننتني]

السلام عليكم


صباح / ومساء الخير

سيارتي اكورد موديل 99

طبعا جننتني اسميها (( النفسية ))

بكل وقت ترتفع (( واقف . امشي بشويش . اسرع ))

واتمنى اللى عندة خبرة لايبخل على فيها

السيارة طلعت براسي الشيب من الحرارة مافي شي ماسويته

كان فيها رديتر وسيختة وشريت موية تويوتا >> وارتفعت

بعدها باسبوع

رحت شريت رديتر جديد وشريت موية هوندا >> ولازالت ترتفع


ورحت ادور غطاء رديتر الاول كان تجاري
لقيت نوعين وشريت الوكالة ب 55 ريال



حرارة قبل H باربع شرطات تقريبا

الاهواز سليمة بس الهوز اللى موصل للاسفل بالرديتر عند الضقط احسة خفيف فية موية لاكن سماكتة احسها مو بنفس االلى فوق

الهوز اللى فوق غيرتة قبل شهريا غيرته اصلي بس قوي الهوز السماكة قوية القربة غيرتها

المرواح تمام

بعد ماقريت بالمنتدى

رحت ونقصت الموية شوي وحطيت زيت فرامل شوي وخليتها تقريبا 10 دقايق

وكبيت الموية وحطيت موية مقطرة وعليها زيت فرامل علبه وخليتها ابو دقيقتين تقريبا

وفكيته وخليت الين الموية تطلع كلها


بعدها موية مقطره علبتين علشان الباقي من زيت الفرامل للتنظيف

ونفخت بالهوز الين طلعت الموية كلها

وعبيتها موية وكالة هوندا وعلبة مقطرة

مادري شسوي

تكفون يالنشاما

طبعا موقعي بدمام اذا احد يعرف احد متفنن بالحرارة


التغيرات :

رديتر جديد 220 ريال
قربة ماء 45 ريال
الاهواز كلها مشبكة كويس ولايوجد تهريب ولله الحمد
غطاء رديتر بـ 55 ريال
موية وكالة 60 ريال
كرتون موية مقطرة 18 ريال
المرواح ممتازة

ابي حل تكفوووون يالنشاما ..!

تعبت وطفشت وطقت روحي
ولو تفتح شنطت السيارة تلقى جوالين موية اثنين >> متعود ع الحرارة

ومابي اغيرها بالوقت الحالي >> الوضع ماساوي ابي اصلح بس تصليح يريحني

[مجننتني]

طبعا رديتر المكيف نظفته وغسلته بموية ونفختة بهواء وخليت مراوح السيارة شغالة مع السلف ..!

ايش الـــــــــــحـــــــــــــل او ورشة متخصصة بالحرارة ويعرف من وين مصدرها ..؟؟؟ :(



تكفوووون ياوجية الخير :mad:

[متقاعد مبكر]

تاكد من المراوح قد تكون ضعيفه او تدور بالعكس بسبب تركيب الافياش معكوسه وهل اللديتر اصلي لان التجاري ما منه فائده مهما سويت له تقبل مروري

[مجننتني]

الرديتر اصلي درجة ثانية

المرواح سليمة كلها تودي هواء الى داخل للمحرك

[ولد حربmaged]

تأكد من المراوح وبلف الحراره يمكن قافل وقبل تغير اي شي تأكد منه عشان ماتخسرك

[جمس _ 2002]

شف انت غير البلف حق الحراره اذا المشكله نفسها اتوقع انها طرمبة المويه وغيرها قبل تضرب روس المكينه عندك

[أصيل حجآ زي]

وعليكُم السلاَم
اخي :

رُح للمُهندس الفلسطيني / ابو شعبان
بتحصل ولدُه المُهندّس / عبدالرحمن

اطلُب ابوه الشايب يُشيرّك او يفحص لّك .

بـالـصـنـآعـيـة ( الخـُضرية)
غـربها بـالشـآرع الرئيـسي بها.
وأنـت جـآي مـن الـبـلـد من شـآرع سـعـود.
مـُجـرد تـتـعـدى أخر أشـآرة ///
أشـآرة ش عمر أبن عبدالعزيز / سـيـهـآت
وأنـت كـأنـك تـبـي الـجـبـيـل / رآس تـنـورة RT .
يـصـآدفـك عـند المفرق الذي بعد الأشـآرة
بخط الخدمة الذي يتجه للخط الـسـريـع.
يوآجـهـك كـفـرآت بـريـلي الألـمـآنية
على اليمين / شـعـآرهـ أحـمـر كـآتـم.


بـعـدها بـمـئـة مـتـر تـقريبآ
تـدخـُل يـمـين بـالـشآرع الرئيـس.
على يمينك على طـول ورشة
الـسـروآت لأبي شــعـبـآن.
لـوحة زرقاء بالزآوية بالخط الأبيض .
أبو شــــــعـبـآن : لأغلب السيآرآت
/ وقــُـل لـه ُ مـن طـرف خـويـك
مـُهـنـدس الطيرآن وســـوف يـعـرف
وسوف يعـلـمـك مـُشكلتك
بيفيدك . أن شــاء الله .

""" أبو عـبـد الرحمن
"""

[Rapture]

يمكن من حساس الحرارة يعطيك قراءة خطا

[عبقري91]

شوف حبيبي. فيه شي خلف المكينه مسمار صفير كنخ حف تنسيم هواى الفرامل. تلاقبه ورا البخاخ وانت معطي المكينه وجهك تحصله يسار. هذا حق تنسيم الهواى الي بالمكينه لازم. بعد تعبيت المويه. تنسمله لين تختفي الفقعات ويطلع الهوا. وتصير المويه. خروجها دفعه واحده. بكذا نكون. نسما لها. تحتاج مفتاح10. افتحه فتحه بصيطه فقط لا تطلع المسمار كله.

[200]

الله العالم البلف قافل غيره وإن شاء الله تهون

[هاوي بلادي]

غير بلف الحراره



قد يكون مقفل عندك



وفالك التوفيق

[مجننتني]

اليوم ركبت مروحة اضافية احس المشكلة اخف من اول وبكرة بغير بلف الحرارة وانسم الهواء

واردلكم باللي يصير معي

وان شاء الله تنحل ..!