بخصوص تغيير العدسات ؟؟

[mooma]

السلام عليكم ورحمة الله وبركاته
-
--
-
-
بدخل بالموضوع علطول

أنا راح أسافر لجده ذا اليومين ان شاءالله
وباخذ معي عروستي (كانون 600 دي :D :D ) المهم أنا بصراحه من شريت الكام (من 7 شهور تقريبا ) ماغيرت عدستها الا مره وحدة(عدستي الثانيه هي 55-250 زوم )
السبب : أنا شخص موسوس ,,,,,,,, نعم للأسف موسوس :(
أخاف من اي شي أخاف المرايه الداخليه & السنسور يجيهم حاجه أو يوصلهم غبار أو أي شي

فـ بصراحه أنا أخاف جدا من هـ النقطه

فـ طلبي الله ييسر أموركم ويوفقكم
وش امن طريقه لتغيير العدسه

أنا عن نفسي راح أتبع ذا الطريقه لكن خايف ومحتاج رايكم فيها
الطريقه هي

1- الذهاب الي مكان مغلق ونظيف(غرفه مغلقه )
2- اختيار سطح نظيف ووضع العدسة المراد تركيبها على السطح وموجهه للاسفل مع تغطية الجزء الخلفي للعدسه (الي يكون قريب للكاميرا )
3- إزالة العدسة الموجوده ع الكام مع توجيه الكاميرا للأسفل ثم وضع العدسة الأخرى .

مارأيكم هل هذي الطريقه امنه وصحيحه

( وشكرا لكم مقدماً )

[i_Abdulmajeed]

بالضبط النقاط اللي ذكرتها آمنه ان شاء الله
لا تصير موسوس واجد يا رجال
أهم شي في مكان هادئ ما فيه هواء

[Abu Msh3aL]

انت ينطبق عليك المثل : ( ان توقد شمعه خير من ان تلعن الضلام ) :D

شروحات تنظيف السينسور كثيرة في اليوتيوب واسهل من ما تتصور .. تعلم كيف تنظف السينسور وغير عدساتك في اي مكان وزمان ومتى ما حسيت ان الصورة يتخللها بعض الشوائب نظف السنسور وصلى الله وبارك :good2:

[mooma]

الإخوان
عبدالمجيد / شكراً لك على مرورك و صحيح يكون مكان مغلق ومافيه هواء عشان مايوصل للأجزاء الداخليه
أبو مشعل / شكرا لك على مرورك
وبخصوص المثل مافهمته الصراحه
وبخصوص السنسور يارجال عساك سالم
أقولك اخاف أغير العدسة تبيني انظف السنسر !!!!!! >>>>>( مايطاوعني قلبي هههههه )

[م.سعيد]

عند تغيير العدسة يفضل تكون واجهة الكاميرا ( جهة الشاشة والفيوفايندر ) للاعلى والعدسة للاسفل حتى تضمن عدم تساقط " ذرات الغبار " على السنسور بحكم الجاذبية الارضية.

[mooma]

شكراً لك وهذا ما أشرت اليه سابقا

[xemega]

يا عمي عيش وسيبك القلق

انا في وصت المعركه وانا في الميدان وجالس اصور اغير العدسات كل 5 دقائق ولا جا لاي كاميرا من كاميراتي والحمد لله شي .

ترا هواء وشويه غبار مو مطر ... غير في اي مكان ولا تشيل هم ولا تحتاج طاوله ولا اي حاجه وانت واقف غير دي وحط ديك

[فارس شراز]

الله يسعدك ياشيخ والله لو إن معاك نووي كل هالطرق تسويها.

كل ماتفضلت به صحيح لكن بشكل مبالغ فيه جداً .

نقطة مهمة بدون ماذكرت لاتشغل الكام إذا نزعت العدسة نهائياً , بمعنى الكام طافي غير وركب ع كيفك لأن خاصية تنظيف المستشعر إذا تلقائية والكام بدون عدسة بتحوس الكام .

مأذكر صورت 5 صور مأغيرت العدسههههه بمطر وبغبار وبعج وبرطوبه .

كانون 450دي والعدسات الاصلية والزوم والماكرو كل صورة بعدسه .

[mooma]

الله يسعدكم جميعا
يوسع صدوركم بالعافية

[alharbi15]

اشتر عدة تنظيف وريح راسك الفرشاه

تحصلها عند عبد الواحد بـ 50 ريال عده متكامله للكاميره والعدسات