لاصحاب مكاين الديزل {استفسار}

[abukade]

السلام عليكم ورحمة الله وبركاته

عندي مكينه ديزل تيربو للباترول مديل ٩٨ وديتها لورشتين من اشهر الورش

في مدينه بريدة لسبب النقص الكثير... كثير يعني الرياض رايح جاي علبه مع إن الممشى

مايتعدال١٣٠ او١٤٠ مع انها لا تبخير ولا نفخ هوا يعني الشنابر

مافيها شي قالوا انه جديده لا تفكها .. فيها صوفه الصدر ولا تاثر لانها تنقيطها

مايذكر ..

فزعتكم للي له خبره او قد مرت عليه ..

[SGL]

السلام عليكم ورحمة الله وبركاته

عندي مكينه ديزل تيربو للباترول مديل 98 وديتها لورشتين من اشهر الورش

في مدينه بريدة لسبب النقص الكثير... كثير يعني الرياض رايح جاي علبه مع إن الممشى

مايتعدال130 او140 مع انها لا تبخير ولا نفخ هوا يعني الشنابر

مافيها شي قالوا انه جديده لا تفكها .. فيها صوفه الصدر ولا تاثر لانها تنقيطها

مايذكر ..

فزعتكم للي له خبره او قد مرت عليه ..


وعليكم السلام ورحمة الله وبركاته
أخوي غير نوعية الزيت وشوف هل النقص يخف أحيان يكون النقص من نوع الزيت ترا مالي خبره في الديزل :D بس ممكن يكون هذا السبب مثل مايحصل معنا في مكائن البنزين

[وجعين]

عزالله ان الي جرب الباترول ديزل مارح ينسى عشرته مكينه الديزل حقت الباترول النيسان أبداع تقدر تقول مكينه خاليه من الأعطال وعزم قوي جدا وسرعه عليه توصل الى 170 تعتبر سرعه عاليه لمحرك ديزل انا استخدمت باترول ديزل اكثر من ثلاث سنوات ورجلي حاميه عليه خاصة بالنفود ولا شكيت من نقص الزيت لكن انت مكينتك تريبو والتريبو تحتمي وتوقع مكينك جايه (حمو )حراره ولا الديزل يعيش ضعف عمر البنزين

[abukade]

وعليكم السلام ورحمة الله وبركاته
أخوي غير نوعية الزيت وشوف هل النقص يخف أحيان يكون النقص من نوع الزيت ترا مالي خبره في الديزل :D بس ممكن يكون هذا السبب مثل مايحصل معنا في مكائن البنزين

بيض الله وجهك

جربت كل شي حتى ستوب الثقيل مابه فايده ..

جزاك الله خير .. ماقصرت يالغالي..

[abukade]

عزالله ان الي جرب الباترول ديزل مارح ينسى عشرته مكينه الديزل حقت الباترول النيسان أبداع تقدر تقول مكينه خاليه من الأعطال وعزم قوي جدا وسرعه عليه توصل الى 170 تعتبر سرعه عاليه لمحرك ديزل انا استخدمت باترول ديزل اكثر من ثلاث سنوات ورجلي حاميه عليه خاصة بالنفود ولا شكيت من نقص الزيت لكن انت مكينتك تريبو والتريبو تحتمي وتوقع مكينك جايه (حمو )حراره ولا الديزل يعيش ضعف عمر البنزين

صدقت مكينه الديزل جباره وخوفوني الناس يقولون تبغى لها متابع وترفق عليه

لكن يالله لك الحمد لي تسع سنوات بالديزل مااشتكيت منهن ..الا هالسياره ،،

بالنسبه لحرارتها زينه بالحيل .. ولا اعتقد جاها حمو لا فيها نقص ماء تقول الراس فيه

شي المكينه زي الساعة ماشاء الله ..

بيض الله وجهك على مشاركتك الرائعة ..

[0راعي الجبيل0]

فيه هوز تبخير يطلع من غطاء البلوف ويروح للقربة ..هذا قفله وجرب ..دائما يتعطل في الديزل وخاصة بالصيف وينسحب الزيت كله للمكينة وتقدر تعرف اذا هو معطوب عندك من فلتر الهواء اذا لقيته مليان زيت فهو اللي يسحب الزيت عليك ..

تم الإرسال من جهازي GT-I9300 بواسطة تاباتوك 2

[اليامي قطر]

سو لها صيانه قازقيتات جديده

زيت المكينه كله يطلع برى تلقاه على الهد وعلى ظهر المكينه

[abukade]

فيه هوز تبخير يطلع من غطاء البلوف ويروح للقربة ..هذا قفله وجرب ..دائما يتعطل في الديزل وخاصة بالصيف وينسحب الزيت كله للمكينة وتقدر تعرف اذا هو معطوب عندك من فلتر الهواء اذا لقيته مليان زيت فهو اللي يسحب الزيت عليك ..

تم الإرسال من جهازي GT-I9300 بواسطة تاباتوك 2

فلتر الهواء نظيف بالنسبه للنقص ..

قالوا يمكن يكون شنبر واحد متعطل عندك ولا يبين في المكنيه ولكن ماأدري الي اعرفه

ويذكرونه انه لازم نفخ الهواء ..

بيض الله وجهك ياراعي الجبيل ماقصرت ربي يحفظك ..

[abukade]

سو لها صيانه قازقيتات جديده

زيت المكينه كله يطلع برى تلقاه على الهد وعلى ظهر المكينه

حي الله اليامي

مافيها زيت برا الا من تحت صدر المكينه وتنقيطه مايذكر ..

الله يجزاك خير اخوي ماقصرت ..

[hilux d4d]

شوف يالغالي اذا كانت السيارة تدخن دخان كثيف ونقص كثير في الزيت ف 100% التيربو ودع .

[abukade]

شوف يالغالي اذا كانت السيارة تدخن دخان كثيف ونقص كثير في الزيت ف 100% التيربو ودع .


لك رساله على الخاص لاهنت ..

[hilux d4d]

لك رساله على الخاص لاهنت ..

رديت عليك الغالي