مناقشة شحن البطارية بالنار

[black super09]

اخواني الاعزاء السلام عليكم ورحمة الله وبركاته

اعرف ان العنوان غريب شوي لكن لا مانع من مناقشته وان شاء الله يكون فيه فائدة

في وقت مضى كنت مع احد كبار السن في طلعة بر رحمه الله وغفر له واسكنه فسيح جناته ورزقنا الله الجنة واياكم
وكان هذا الرجل صاحب ورشة ويعمل في هذه الورشة بنفسه وقد دار بيننا حديث عن الميكانيكا والكهرباء واعطال السيارات في البر وما يحصل لبعض الناس من اعطال في البر وذكر منها بطارية السيارة ولكني تفاجئة بسؤاله لي ماذا تفعل لو طاحت بطارية السيارة وانت في البر رديت عليه بسرعه وقلت انتع السيارة قال واذا كانت تماتيك قلت مادري وقتها كنت توني متعلم السواقه قال اسمع اذا طاحت بطارية السيارة وانت في البر فك البطارية ثم احفر حفرطول ذراعك او اطول وحط البطارية فيها وادفنها وبعد ما تدفنها جب شوي حطب وشب النار فوقها لمدة قصيره بعدها طلع البطارية وركبها في السيارة وراح تشتغل على طول بصراحة السالفة هذي قديمة مرة ولا جربتها
وش رايكم بالسالفة هل للنار علاقة بشحن البطارية اوللتربة وهل المعلومة هذي مرت على احد من قبل

[اسهيل]

سمعت عن دفنها بس النار ماسمعت

[حطاب البراري]

قبل 30 سنة ايام الجوع ماكان فيه وقتها لانت ولادش مافيه غير الراديوا وخابر الشيبان لانتهت بطارية الراديوا يضعونها في الفريزر يقولون انها تشحن البطارية الله يرحم شيبانا يكان عندهم علوم

[القناص-sniper]

انا سمعت بدفن البطاريه ورش بعض الماء

[يوسف_92]

انا سمعت بدفن البطاريه ورش بعض الماء

اخبرها نكته ذي طبعا هي ماتضحك بس اذكر اني قاريها في نكته مدري اذا اللي سمعته غير

الله اعلم

معلومه قد تفيدكم يوما ما
تخيل إنك مسافر بطريق البر (بسيارتك)
وفضت البطارية... والسيارة وقفت...
ولا فيه اي جهاز شحن،
ولا سيارة ثانيه تقدر تسوي معها اشتراك ،
وطبعا ماتقدر تنتعها لأنها اوتوماتيك ..
؟؟؟؟؟؟؟؟
!!!!!!!!!!
=================================
ممممممممممممممممممممممم ؟؟؟ !!! ،،،

إليكم خطوات شحن البطارية بطريقة علمية:

نزل البطارية من السيارة يعني فك براغيها بأي طريقة

احفر حفرة بعمق ذراع أو نصف متر وبعرض البطارية

ضع البطارية في الحفرة بحيث تكون أصابع البطارية للأعلى

ادفن البطارية بالرمل بشكل كامل

رش الرمل بقليل من الماء بحيث يكون فوق الحفرة مباشرة




:وانتظر فترة بسيطة وسوف تلاحظ









v
v
v
v
v
v



راح تنبت لك شجرة
فيها بطاريات صغييييييييره
أنتظر حتى تكبرالبطاريات، وركب وحده بسيارتك!
ههههه

[black super09]

طيب احد جرب دفن البطارية برش الماء او بدون رش الماء

واشكر الجميع على المرور والتفاعل جزاكم الله الجنة جميعا ووالديكم

[اليامي قطر]

متااااااابع

[عدد وحدد]

كذالك انا متابع نتمنى حل للسيارات التمتيك بفكره سهله

[ابوراكان تبوك]

الافضل بدل التخمينات الانتباه للبطارية في البر اذا معك سيارتين ماعندك مشكله لكن اذا كنت لوحدك او سياره واحده في مكان مقطعه لاتغامر بتشغيل اللمبات الزائده واا بطاريتك تسحب افصل الاصابع وخصوصاً التماتيك نذل
احيان قطعه بسيطه تروح فيها ارواح لاقدر الله

[راعي الرود]

اخبرها نكته ذي طبعا هي ماتضحك بس اذكر اني قاريها في نكته مدري اذا اللي سمعته غير

الله اعلم

معلومه قد تفيدكم يوما ما
تخيل إنك مسافر بطريق البر (بسيارتك)
وفضت البطارية... والسيارة وقفت...
ولا فيه اي جهاز شحن،
ولا سيارة ثانيه تقدر تسوي معها اشتراك ،
وطبعا ماتقدر تنتعها لأنها اوتوماتيك ..
؟؟؟؟؟؟؟؟
!!!!!!!!!!
=================================
ممممممممممممممممممممممم ؟؟؟ !!! ،،،

إليكم خطوات شحن البطارية بطريقة علمية:

نزل البطارية من السيارة يعني فك براغيها بأي طريقة

احفر حفرة بعمق ذراع أو نصف متر وبعرض البطارية

ضع البطارية في الحفرة بحيث تكون أصابع البطارية للأعلى

ادفن البطارية بالرمل بشكل كامل

رش الرمل بقليل من الماء بحيث يكون فوق الحفرة مباشرة




:وانتظر فترة بسيطة وسوف تلاحظ









v
v
v
v
v
v



راح تنبت لك شجرة
فيها بطاريات صغييييييييره
أنتظر حتى تكبرالبطاريات، وركب وحده بسيارتك!
ههههه

هههههههههههههههههههههههههههههههههههههههههههههههه :D:D

تعليقي على الموضوع :

الأفضل بدال الحوسه و الدوشه موتر البر يكون عليه بطاريتين و منظم اذا انتهت الاساسي اشحنها من الاضافيه و غير البطاريه اول بأول مشكلتنا لازم يصير الموتر مايشتغل بعدين نشرك له ونروح نغير المفروض كل سنه او سنه ونص بالكثير تطق لك وحده جديده وهذا اللي انا ماشي عليه