مشكله ريحه البنزين ف الباترول ..

[حسن الراشدي]

السلام عليكم و رحمه الله و بركاته ...

شخباركم شباب عساككم طيبين ..

الموضوع عندي باترول 99 تطلع ريحه بنزين عند الدعسه و لما اتجاوز ..

و الموتر يصرف بنزين كثيرر ..

ممكن تفيدوني يأإ اخوان ..

و شكرا لكم ..

[sgl2002]

وجه الطرمبة اللي في الشنطة تحت المراتب الاخيره تلقاه مهتري ويبخر ريحة البنزين معه


ثاني شي صرفية الباترول ذا المديل اذا فللت التانكيين بين ٤٣٠ الى ٥٠٠

واذا تعديت ١٤٠ وتدعيس بياكل اكثر

[حسن الراشدي]

وجه الطرمبة اللي في الشنطة تحت المراتب الاخيره تلقاه مهتري ويبخر ريحة البنزين معه


ثاني شي صرفية الباترول ذا المديل اذا فللت التانكيين بين 430 الى 500

واذا تعديت 140 وتدعيس بياكل اكثر

شكرا اخوي .. كم تتوقع سعر الطرمبه ..

[حسن الراشدي]

وين الخبراء ...

[العطاوي a511]

قالك وجه الغطاء حق الطرنبه ماهو طرنبه افتح اخر مرتبه تجد غطاء تحد الفرشه فك الغطاء تلقاء غطاء فوق التانكي هاذا الغطاء وجهه ينسم ويدخل عليك بالموتر حط سيلكون على اطراف الغطاء وتنتهي ريحه البانزين
صرفيه البنزين غير فلتر اصلي ونظف مدخل الثلاجه الثروتل تنظيفه الصحيح بفكه كامل وتنظيفه على الارض تنظيفه وهو راكب مايجيب النتائج المرجوه

اذا عندك حساس بالشكمان غيره تراه مسؤل عن الصرفيه بعد

[super_safari]

و عليكم السلام و رحمة الله و بركاته


أولاً ربلة الطرمبة تباع لوحدها.
و ثانيًا لو ربلة الطرمبة خربانة ستظل رائحة البنزين ظاهرة سواءً دعست أو ما دعست ؛ لأن الطرمبة تضخ باستمرار , و قوة ضخها ثابتة للمعلومية. البخاخات هي التي تتغير قوتها حسب مدخلات كمبيوتر المكينة.

الإشكال عندك من جهة الكبوت , يعني ربلات البخاخات , الليات , مرابط الليات قبل و بعد صفاية البنزين. و الله أعلم.
يجب النظر في هؤلاء كلهم أثناء اشتغال السيارة ؛ لأن البنزين سريع التبخر و أيضًا لا يترك أثر تراه أثناء توقف المحرك.

تنبيه جانبي:
أحذر من استخدام السليكون كبديل لربلة الطرمبة ؛ لأن مجرد قربها من البنزين سيذيبها و يجعلها تتساقط داخل التانكي , و قد حصل ذلك.


بالتوفيق

[hail_ksa]

مثل ماذكر الأخ العزيز sgl2002

المشكله من الربله تبع الطرمبه
ولا أوصيك كثر من السلقون بالأطراف علشان مايهرب البنزين إذا عبيت فل

[اسدهم]

ياعمي شف ليات الصفاية كنت اتجاهلها لين عفط الي يوم صب البنزين

[سفاري 95]

ملاحظه بسيطه ودي انوه عنها وذكرها قبلي الاخ super sfare الله يجزاه خير

ان السيلكون ماينفع ابد مع البنزين لو تحط علبه كامله ماينفع وهذا الكلام عن تجربه

اذا المشكله من الربله او غطاء التانكي الحديد لابد انك تغيرها وانتبه من مساميرها لاتشد عليها بقوه تمحل

والله يسهل لك

[حسن الراشدي]

مشكورين شباب ع الردود ماا تقصرون جزاكم الله كل خير ...