مشكلة في الباثفاندر من يفزع لنا ؟

[باث الدوحة]

السلام عليكم ورحمة الله عندي باثفاندر 2008 ماشي 135000 حصل فيه تفتفه وتقطيع خفيف تجي وتروح فحصته كمبيوتر وطلع اثنين من الكويلات ضعيفه وبخاخ واحج فيه وصخ خفيف وفيه ضعف خفيف في الطرمبة وديته ورشه وغيرت الكويلات والبواجي وزادت التفتفه والتقطيع وديته ورشه ثانية قال احتمال البلوف او تكايات البلوف مااقتنعت ووديته للعيسى بالخبر وعملوا له اعادة برمجة ومشى الموتر اسبوعين بدون تقطيع وتفتفه ولكن عادات المشكلة وهي تروح وتجي يعني يوم امشي مافيه تقطيع ويوم ترجع وتجلس السيارة تقطع وتكتم وعزمها ثقيل ورجعت للوكالة وسوا فحص وقالوا بنغير اهواز في المكينة للهواء وبواجي وتنظيف البخاخات وطرمبة البنزين تغيير وتنظيف الثروتل وكرسيين للمكينة ولكن القطع غير متوفرة بنطلبها ونتصل عليك . اارجوا المشاركة وابداء الرأي وهل الوكالة وفحصها صحيح ام ان المشكلة من البلوف او تكاياتها . الصراحة احترت ولا ابي العب بالموتر وخاصة المكينة .

[يوسف_92]

قد صارت لنا سالفه شبيهه لها

كان معنا باثفندر 2007 السياره من افضل مايكون مافيها تفتفه ولا تقطيع

فجأه كذا نشغلها الصباح السياره صافيه مافيها شي

تدعس بنزين السياره ماتقبل يعني ماتتجاوب يمين يسار وش المشكله ماتقبل

يعني كانك تدوس في الهواء

رحنا للورش بالصناعيه كل واحد يفتي

اخر شي قلنا مالها الا الوكاله ( الحمراني )

كشف المهندس قال اتركها عندنا وبندق عليك قلت طيب

مر يومين ثلاثه اسبوع اسبوع ونص

دقو قال هذي من حساس التايمن قلنا غيره مو مشكله

غيره وسوا فاتوره

رحنا لهم والسياره نفس العله صافيه ومافيه اصوات بالمكينه بس ماتقبل الدعسه

فحصو كل شي ماهم عارفين الحل اخر شي قال توضيب مكينه هههههههههههههه

طبعا طلعنا السياره من الوكاله ودفعنا نص قيمة حساس التايمن اصلا القديم مافيه شي مو خربان

اخر شي رحنا لواحد ولد حلال بالصدفه قال اتركها عندي وانا اكلمك

بعدها بيوم دق الرجال تعال استلم موترك قلتله صلحته !

قال تعال بس

ورحنا ولا السياره صارت تمام وعزمها صار جامد وتقبل الدعسه رجعت وكاله باختصار

ايش صار ما ايش صار

قال دبات التلوث حقت الهدرز متسدده ( اغلب سيارات نيسان فيها نفس المشكله )

فرغها الرجال والسياره رجعت وكاله


الشاهد بالموضوع خل عنك الوكاله ماعندهم سالفه ترا + شف دبات التلوث حقت الهدرز احتمال كبير منها

بعد ماتتأكد ان كويلاتك وبخاخاتك سليمه

[باث الدوحة]

بيض الله وجهك اخوي يوسف-92
نحطها في الحسبان ونشوف بس المشكلة وين تلقى ورشة فاهمه وتخاف الله في الشرقية اغلبهم يتعلمون على السيارة ولا انه يعرف ويبالغ في المشكلة عشان يلسبك بذاك المبلغ

[السليطين]

دباتالتلوث او طرمبه البنزين

[فراس الدوسي]

عندك ثلاثة حسسات في المكينة منها الكرنك شفت

شيك عليها وان شاء الله منها لا توضيب ولا شي