تسجيل الدخول

مشاهدة النسخة كاملة : شباب تكفون الفزعه غيرت طرمبة الجمس بدنسو ماكملت 24س


8ابوسلمان8
31/05/2014, 06:45 AM
السلام عليكم ورحمة الله وبركاته
اخواني تكفون الفزعه
انا معي جمس 97 حوض قطع 15
وقبل 3ايام طفا علي 3 مرات واشغله ويشتغل
اذا هديت طفا واشغل ويشتغل على طول
ورحت سالت قالو يمكن طرمبه وقالي ميكانيكي سعودي
افحصها كمبيوتر فحصتها قالي عندك الطرمبه ضعيفه
ورحت لمكنيكي وغيرتها بطرمبة دنسو لاندكروزر
غيرتها يوم الخميس فالليل ركبتها
وانا جاي فالطريق اليوم الجمعه الصبح وانا امشي طفا علي
وعيا يشتغل طقيت التانكي حركت السلك عيت تشتغل ركبته بسطحا
وديته نفس الورشه تكفون ياشباب

هل هو من الطرمبه خربت معقوله في يوم
او
انه من التركيب او طرمبة الاندكروزر دنسو ماتصلح اركب حقته الاصل

وياشباب انا اعبي بنزين 95 هل هو له دور في الطرمبه

اغير 91 واركب طرمبته الاصل او ايش

تكفووون يالربع والله انه ضيق صدري في يوم وخرب

مع انه قبل ماغيرها كان يطفى اذا هديت بس يشتغل بسرعه

ويوم ركبت هذي الجديده طفا معاد اشتغل

ابي رايكم تكفوووون
اسهيل
31/05/2014, 08:36 AM
اتوقع طربك مابه شي شيك على غيره وساك ماحلت الاوله
وجعين
31/05/2014, 03:03 PM
الله العالم الخراب من توصيلات الأسلاك حقات الطرنبة يمكن الكهربائي ماضبطهن يمكن حصل التماس وفصل الفيوز انت اذا بغيت تتأكد انه العطل من الطرنبه صب بنزين في القربه ولا تكثر ودق سلف اذا اشتغل العطل طرنبه التجربه هذا بسيطه وغير مكلفه وعمليه بدل مايعلبون عليك العماله
8ابوسلمان8
02/06/2014, 02:09 PM
هلابك اخوي والله عيا يشتغل وجبته بسطحا وطلعت الطرمبه
وغيرتها بحقت الوكاله امس واليوم امشي فيه وطفا علي واشغل واشتغل على طول
مادري وش المشكله تكفوووون ترا والله رفع ضغطي

هل لها حل ولا ابيع الموتر

شباب وينكم
8ابوسلمان8
02/06/2014, 02:14 PM
تكفون ياخوان علموني وش السواة غيرت طرمبه مرتين في اقل من يومين
الاول حقت دنسو لاندكروزر واحترقت الظاهر ولاعاد اشتغل وشلته بسطحا قال طرمبه
وغيرتها بحقت ايسي دلكو امس واشتغل واليوم الظهر وانا مهدي بلف طفا علي وشغل واشتغل على طول

وش السواة معه وش المشكله ؟؟؟؟
وجعين
02/06/2014, 11:18 PM
البنزين بلجموس والاكسدبيش ترى لازم ماينزل عن النصف لان الي يبرد الطرنبه هو البنزين وإذا قل البنزين ظهر الطرنبه مع المطاب يحتر لانه صار البنزين مايغطيه ابحث عن حساس الطرنبه قد يكون هو السبب مادري وين مكانه
كهرووب
02/06/2014, 11:32 PM
غير فلتر البنزين + الكتاوت حقت الطرمبه
abady1
03/06/2014, 03:09 AM
كان عندس كرسيدا تطفي اذا جيت اهدي
وديتها لكهربائي
غير بلف الهوا حق المكينة
و انحلت المشكلة ممكن يكون نفس المشكلة
متقاعد مبكر
03/06/2014, 12:33 PM
المشكله من نفس الكهربائي لانه تسبب في التماس الاوله وخرب القاعده حقت الطرمبه الاساسيه
خط الجبيل
03/06/2014, 03:21 PM
أعراض حساس الكرنك