أخواني الكرام ( بينبع الصناعية ) كيف الطريق البري لها

[بر الوالدين]

السلام عليكم و رحمة الله وبركاته

شاهدت هذا المقطع ( يوجد موسيقى )

http://www.youtube.com/watch?v=b-P6PRRJAsY (http://www.youtube.com/watch?v=b-P6PRRJAsY)


( الواجهه البحريه )


شرايكم بالمنطقه و هل تستحق المشوار

وكيف الطريق

[أبو سلطان 100]

الأخوان ما يقصرون

[بر الوالدين]

بإذن الله يبو سلطان ما راح يقصرون

و أنت بعد ما قصرت برفع الموضوع الله يجزاك خير و يرفع قدرك

[dss1425]

حياك اخوي - بر الوالدين

بالنسبة لينبع الصناعية مدينة جميلة وتسحق الزيارة ... وانت كنت تسأل عن الطريق البري اليها ولم تذكر الوجهة القادم منها انت .... على كل الاحوال اخي الكريم

مدينة ينبع مدينة جميلة وهادئة ومقصد للسياحة خاصة في فترة الصيف لاعتدال جوها نسبياً حيث درجة الحرارة في حدود 35 درجة . وفيها اماكن سياحية جميلة و متعددة.

ترتبط مدينة ينبع بعدة طرق سريعة و مزدوجة ... من الشمال باتجاه تبوك وضبا واملج ومن الجنوب باتجاه جده ومكه المكرمة - ومن الشرق باتجاه المدينة المنورة والقصيم .

اتمنى ان اكون افدتك بسؤالك .

[فهد 003]

طريقها اذا انت من أهل الرياض
تمسك طريق القصيم السريع واستمر بنقس الطريق السريع الى المدينة المنورة ومن المدينة المنوره امسك طريق ينبع أيضا طريق سريع من المدينة الى ينبع

[نايف2001]

اهلا وسهلا فيك بالنسبة للخط تمسك طريق القصيم ثم طريق القصيم المدينه ثم طريق المدينة ينبع بالنسبة للينبع شواطئ جميلة والجو لابأس والفنادق متوفرة ولو تحتاج الى معلومة اوخدمة تقدر تتواصل معاي .....تنورنا

[نايف2001]

بالنسبة للواجهة البحرية مشروع جبار ويتكون من عدة مراحل على مسافة 11كيلو الان تم الانتهاء من المرحلة الاولى اللي بالمقطع

[بر الوالدين]

ما قصرتوا جميع و بيض الله و جيهكم

نعم قادم من الرياض

بعد ما تعدى القصيم متجه للمدينه ( يعني تجي لوحات تقول ينبع ) قبل المدينه

ما قصرتوا

وياليت الحديث عن ( المنتجعات و الشاليهات و أرقامها ) بارك الله بالجميع لا عدمناكم

[الوافي.]

فعلا تجيك لوحات الى ينبع
من القصيم لا تنسى تعبي بنزين
وتتزود بمنتجات القصيم من الكليجا والفتيت الرائعين
وان كان وقت التمر لابد ان تمر على اكبر سوقين للتمور في العالم

[بر الوالدين]

يا هلا و الله بالجميع

الله يجزاكم خير أخواني جميع ومن ذكر الإفاده

اخوووووووووووووووواني

شرايكم في خط السير يكون

>>>> طالع من الرياض

أوقف في المدينه كم يوم ثم اتجه لـ ينبع أو ينبع اولاً ثم المدينه

[الحبييب]

السلام عليكم
اسمع انا اخوك اطلع من الرياض الى القصيم ثم الى المدينه لوحة ينبع بعد ماتدخل للمدينه
وتطلع منها ونت بنفس الخط يجيك مخرج ينبع على اليمين
ملاحظه
عب بنزين من البكيريه لقلت المحطات على الخط
عب بنزين الثانيه من الحناكيه
اذ كانك تبي تمسك الخط بعد المدينه المنوره انصحك با النهار
قممممممممه في روعت المنظر
خصوصن اذ كانك هاوي تصوير الله يعينك على الوقفات
بين المدينه وينبع حوالي 250 كيلو
تعبيتك من الحناكيه راح دخلك ينبع ان شا الله
والله يرجعك سالم غانم

[بر الوالدين]

و أنت سالم و غانم أخوي الحبيب يا حبيب

اسمع و أنا أخوك

و أنا على الخط متجه للمدينه ليه أدخل البكيريه

مافيه محطات قبل المدينه و هل المدينه قبل ينبع ؟؟

خلاص أدخل المدينه و اجلس كم يوم و اطلع لـ ينبع

و أعبي بانزين من مفرق ( عنيزه بريده )

ولا شرايكم

[anas50]

السلام عليكم
عندك منتجع اراك ينبع
هذا رقمه بعد اذن الادارة : ٠١٤٣٢١٠٨٨٨
هذا رقم اخر : ٠١٤٣٥٧٠٠٠٠

بالنسبه لطريق تطلع من الرياض على القصيم ومن القصيم على المدينة ومن المدينة على ينبع
وفي طريق اخر من الرياض الي جدة ومن جدة الي ينبع

[بر الوالدين]

الله يجزاك خير أخوي أنس و الله يوفقك يالله يارب

يعني و الأفضل نجلس في المدينة المنوره كم يوم ثم نتجه لـ ينبع إن شاء الله تعالى


الله يوفقكم جميع


و كل عام و أنتم بخير و الله يبلغنا رمضان لا فاقدين ولا مفقدين و الله يتمه علينا و عليكم يالله يارب

[جني صغير]

تراني ابلحقك الليوم لينبع

وراك وراك

[بر الوالدين]

الله يكفينا شرك يالجني

تراني رايح نجران ثم بيشه

.
.
.

.

درب السعاده و التساهيل و التياسير دربك خضر

عطنا العلوم و الاخبار لا هنت

[جني صغير]

بإذن الله لما أشوف شي يعجبني ابنزل بالمنتدى

[الحبييب]

و أنت سالم و غانم أخوي الحبيب يا حبيب

اسمع و أنا أخوك

و أنا على الخط متجه للمدينه ليه أدخل البكيريه هههههههههههههه
لا تدخل البكريه ونت بنفس الخط حول مخرج البكريه الله يحفظك

مافيه محطات قبل المدينه و هل المدينه قبل ينبع ؟؟ المحطات من القصيم الى المدينه قليله لاكن فيه محطات
اما المدينه قبل ينبع نعم قبل ينبع

خلاص أدخل المدينه و اجلس كم يوم و اطلع لـ ينبع

و أعبي بانزين من مفرق ( عنيزه بريده ) كله واحد

ولا شرايكم الراي رايك

[بر الوالدين]

الراي رايك

هلا و الله بـ الحبيب

كل عام و الجميع بخير

الله يوفقك و يجزاك خير



ايه يالجني نزل كل شي هنا بهالموضوع :D

[خيال الغلبا]

الخدمات سيئة والسكن لايوجد سكن راقي ومريح...رحت لها مرتين وحرمت

[بر الوالدين]

الخدمات سيئة والسكن لايوجد سكن راقي ومريح...رحت لها مرتين وحرمت

متى آخر مرهـ رحت

[خيال الغلبا]

1434.............................................. .................................................. ........

[بر الوالدين]

السلام عليكم و رحمة الله وبركاته

أخواني و أحبتي

لقد ذهبت لـ المدينه ثم ينبع

المدينه فعلاً رائعه يكفيك الحرم و جلسته و تفطر على أذان المغرب ( صايم )

ينبع / الشاليهات في الأحمدي على 1800 ريال غرفتين و صاله و مسبح خاص / ويوجد غرفه و صاله بس بدون مسبح خاص

ينبع عاديه جدآ و الشاطي ما يئهل و شبه نظيف
منطقة الشرم شاليهات مفتوحه عداء الاحمدي و دلفين بتش مسبح خاص

الواجهه البحريه في الكورنيش الجنوبي حلوه و الأروع فيها تلفزيون شاشه كبيره ناقلين مكه على الهواء مباشره

الاكلات البحريه سمك طازج و طعمه رائع ( البحر جنبهم ) و يعتبرون غالين على شغلهم العادي

و رجعنا دخلت ( بدر ) و زيارة مقبرة بدر

و سلامتكم

[بوماريه]

توي جاي منه ينبع البحر . الايجار 250 وانت طالع . الجو حار . مقياس الموتر مانزل عن 45 . شواطئ نظيفه . الكورنيش

مزعج لوجود معسكرات ايجار لأخس أله اخترعت للأزعاج (دباب اربع كفرات ) انا ماادري هالغبى من بلدية المنطقه سامحين

لهم يؤجرون بالكورنيش بالمسطحات الخضراء . يعني اطفالك عرضعه للدهس بأي لحظه .

جميع خدمات المطاعم متوفره . منطقه هاديه اهلها محترمين . خاليه من الهلكسات والربوع ههههههههههههههههههههه