الاخ اصيل حجازي وباقي الاعضاء الكرام. استشارتكم

[Fahad 11]

السلام عليكم ورحمه الله وبركاته:

حاب اعرض عليكم مشكلة بسيارتي يوكن دينالي 2007
المشكلة لها اكثر من سنه ونصف وهي
لما ادق سلف ما تشتغل السيارة الا لما ادعس بنزين خفيف وبوقت محدد( بداية التشغيل)
واذا ماسويتها يكمل صوت السلف ولا تشتغل يعني اطفي واشغل مره ثانية ( طبعا في بعض الاحوال تشتغل من نفسها
وفي بعض الحيان تتفتف وتطفي وتطلع لمبة التراكشن بس هذا زمان
فحصت كمبيوتر طلع حساس كام شفت غيرته يمكن ثلاث مرات ولما اغيره وارجع افحص يقول حساس كام شفت
قالي الكهربائي يمكن من الجنزير لازم تفك الصدر حق المكينة وتشيك فكيته وغيره الجنزير مافيه فايده
اخر مره قبل اسبوع
قالي فلبيني ميكانيكي انه يعرف العطل وبيصلح السيارة ب 1500 ريال شغل يد واذا ما صلحت ما ياخذ فلوس
فلما فك الصدر قال يبغل البلف الخاص بالكام شفت وغيره ولا صلحت السيارة انا انجنيت
فابيكم تشيرون على وش اسوي طبعا السيارة ما احد يعرف يشغلها الا انا لاني حفظت وقت
التشغيل

و لكم مني جزيل الشكر..

[0راعي الجبيل0]

اتوقع اللي عندك خلل ابسط من كذا وهو افياش الحساسات وخاصة افياش حساس الكام وهو وحساس الكرنك مسئولة عن توقيت الشرارة وتقوم مقام الديلكو للانظمة القديمة بالنسبة للعطل فاتوقع والله اعلم هو خلل في توصيل الكهرباء للحساسات هذه بحيث ان الافياش متوسعه او فيه قطع وضعف بالاسلاك الموصلة ..والدليل انك تقول طلع نفس الحساس في كل مرة تفحص وبعد كل مرة تغيره ..ولو تتصفح الانترنت بتحصل المشكلة هذه كثيرة بين السيارات بحكم ان غرفة المحرك ساخنة فيقل عمر الاسلاك والافياش ..
من رأيي توديها لكهربائي يفحص على الافياش وعلى الفوليتة حقة ضفيرتها فاتوقع عندك هي بين 6 و 4 فولت ..

موفق خير والله يساعدك

تم الإرسال من جهازي GT-I9300 بواسطة تاباتوك 2

[Fahad 11]

راعي الجبيل الله يجزاك خير ومشكور على ردك
وباخذ بكلامك وبشيك على الاسلاك و الافياش عسى تنحل المشكلة باذن الله

[almo3jl]

حساس الكام شفت وحساس الصرقعه ولحسو مخ الواحد

اولا:حبيت انه واذكر ان فحص الكمبيوتر مايصير نهائي تفحص من غير ماتولع العلامه الصفراء التشيك وأي حرامي من الورش يقولك افحصها وهي ماشتغلت اللمبه كذاب والكمبيوتر مايعطيك نتائج نهائي الا اذا مخزنها هو عالجهاز يعني يشبك الجهاز يروح لاختيار جي ام سي وتلقائي بما انه مخزن هالمعلومات تطلع خيارات قدامك وبما ان الكثير لايعرف انقليزي وعلى النيه هذاك يعطيه قائمه الي طلع له لا وفيها اكواد ًيقولك هذا الخربان ويعطيك كلفه التصليح اغلب الاحيان فوق ???? الى????او????يبيك تنحاش

ياشباب محلات فحص الكمبيوتر شغاله على المبلغ بس اي غشيم يفتح محل ويطق جهاز ابو رفسه ويالله هات يتمثل وكل فحص ب???وعلى شان مايخسر يطلع لك اعطال غاليه ويمحط بسعر التركيب يبيك تنحاش ياتروح وماترجع ياتقوله صلح ويصلح لك كم حساس مع العلم الحساس مايخرب ابد لان الشركه حاطته زي المنبه اي خلل بالقطعه الي راكب عليها يرسل اشاره للكمبيوتر وتولع لمبه التشيك تنبيه لك ان الموتر فيه خلل وعند الفحص بالورشه المضمونه وهذولا ينعدوون على الاصابع او بالوكاله

هذا تنبيه مني مايعرف عن الفحص شي



ثانيا:جرب لما تدق سلف ومايشتغل الموتر معاك فك غطا تانكي البانزين وجرب دق سلف اذا اشتغلت معناته منه واذا لا مانت خسران شي


تم الإرسال بواسطة iPhone بإستخدام Tapatalk