تفتفة سيارتي جننتني ياجماعه اكسبوا فيني اجر ماكسيما الفين

[خفوق نجد]

السلام عليكم ورحمة الله وبركاته

اسعد الله اوقاتكم بكل خير

يالربع انا معي ماكسيما موديل الفين

جددتها رشيتها بويه وركبت كمبروسسور مستخدم طبعا هالشغلات سويتها مع بداية الصيف المكيف خربان ومريت حق المكيفات قالي اركب لك كمروسسور وانظف لك الليات وكل شي اخذ علي الف وميتين ريال شاملة القطع

الحاصل لما اشغل المكيف فيه تفتفه مو طبيعيه ترج السياره لا وقفت ولا انا امشي خفيف

المهم رحت لمصري كهربائي شيك عليها قالي ابد من كراسي المكينه

رحت لميزان العضيب قالولي بناخذ عليك 700 ريال بنرفع المكينه ونشتغل كل الكراسي الاربعه

المهم شفت السعر غالي حق شغل اليد 700 ريال

قلت خلوني امر الورش مريت كذا ورشه الي يقولي 500 واللي يقولي 450 وتجلس يومين

المهم لقيت لي واحد يماني قالي اشتغلها لك بساعه بس ماضمن لك ان التفتفته من الكراسي بس هي ترا متكسره قلت اوك

اكيد ساعه قالي نعم اكيد المحلات الثانيه بيكذبون عليك وكلام كثير قاله لي

المهم قام الرجال وجلس يفك طلع لي الكرسي الاول من فوق

الكرسيين الثانيه فك لي زي العمود من تحت او صاجه طويله مسمارين قدام ومسمارين ورا تحت المكينه

المهم قالي واحد من المسامير يبغاله لحام لازم تلحمه

رحت وشريت الكراسي كلفتني 520 ريال وطبعا هو شغل يده 300 ريال

المهم خلال ساعه ركب كل شي وقالي لازم تمر لك واحد يلحم لك المسمار قلت طيب

فريت كذا محل مالقيت رجعت له قالي والله باشوف لك حق الارديترات عساه يلحها لك قلت طيب كلمه وافق قالي بالحم لك تلحيم كهربائي بمية ريال قلت يلا بس فكنا

لحمها ونفس الرجه في السياره

قلت ياعم وش الحل قالي مر كمبيوتر يفحص لك

كل ماجيت محل فحص قالي ماكسيما مانفحص الا واحد سوداني قالي افحص لك كمبيوتر بميتين ريال قلت سلام عليكم فحص ميتين ريال عسا ماشر

المهم يالربع السياره للحين التفته فيها وش الحل من يفيدني تكفون البلوف مغيرها قبل تقريبا سته شهور

ياليت احد يفيدني ماكسيما الفين

الله يوفقكم يارب

[اسدهم]

ممكن حساس الهوا معروف في المكسيما والصني والتيما انقز التشليح وجرب اذاراحت اشترة شف مكانة مكان الي الي يشبك في الفلتر رايح الثرتل

[خفوق نجد]

لا اخوي فلتر الهواء مشيك عليه واحد قبل اسبوعين مافيه مشكله والليات كلها مافيها شي

[hassan-55]

جرب افحص الكويلات
مثلك مع المكيف تفتفه بسيطه
عندي اثنين من الكويلات خربانه على كلام المهندس اللي فحصها
رحت شريت اربع اصليات وغيرتها بيدي وغيرت البواجي
خفت التفتفه لكن ماراحت 100%

تأكد منها عند كهربائي

مشكلة التفتفه عندي وعندك كهربائيه100%


الله ييسر امرنا وامرك وامر كل مسلم..

[وجعين]

كذالك نظف الثرويل الماصوره الي تربط بين الفلتر والمكينة (حجرة الاحتراق) بخ بخاخ صدى او اي سي ديلكو نصف العلبه

[خفوق نجد]

وش رايكم لو اروح لوكالة نسيان العيسى قسم الصيانه يفحصون عليها مو افضل ؟

[sgl2002]

التفتفه مع تشغيل المكيف والا بدون


اذا شغلت المكيف يرتفع عداد الضغط والا لا؟


اذا بدت تتفتف ودعست لها دعسه خفيف تروح التفتفه والا شلون؟



لانه احتمال منظم الدعسه اللي يرفعها مع المكيف
واحتمال الثروتل يبيله تنظيف

[خفوق نجد]

لا اخوي اشرح لك بالضبط

التفتيه وهزة السياره تجي مثلا وانا واقف واذا مشيت مثلا وهديت تجي تفتفه

مع تشغيل المكيف طبعا يعني لا وقفت عن اشارة تبدا تهتز السياره وتهز كل الراكبين بس اذا مشيت وتعديت العشرين تروح ولا احس فيها ابد

[خفوق نجد]

بعدين وش الثرويل ؟

[fex]

حبيبي جرب هذا المنظف
اسمة منظف البخاخات ميتسوبيشي (ياباني) 40ريال
تحطة مع البنزين ولا زم يكون التانكي للنص

من فوائدة ينظف البخاخات والسلندر وكل شي وهذي صورته
http://img.montada.haraj.com.sa.s3-website-eu-west-1.amazonaws.com/imgdir-s3/519bb7569d218.jpg

[الوسم]

التفتفه مع تشغيل المكيف والا بدون


اذا شغلت المكيف يرتفع عداد الضغط والا لا؟


اذا بدت تتفتف ودعست لها دعسه خفيف تروح التفتفه والا شلون؟



لانه احتمال منظم الدعسه اللي يرفعها مع المكيف
واحتمال الثروتل يبيله تنظيف
يا خفوق 00 خللك مع هالرجال الطيب وشف أسئلته وتراه يبي يعللمك وش العلله بس أنت لا تسفهه ويبي يجيب لك العله
نصيحة أخ في الله وأنا ما اعرفه لكن أعرف فيه حرصه على نفع النا س وما شاء الله عليه واذكروا الله عليه

[خفوق نجد]

جاوبته انا فوق بالاجابات ماسفهته يمين بالله وكاتب شرح المشكله تحت رده على طول

[الوسم]

أحسنت والله ييسر أمرك ويدللك على الخير

[sgl2002]

طيب اذا جات التفتفه عداد الضغط يطيح؟

وخرطوش الهواء اللي يجي بعد فلتر الهواء ربل تشوف فيه شقوق؟

والثروتل هو البوابه الدائرية المتصله بثلاجة المكينه اذا دعست تفتح للهواء بعض الاحيان تكون مسدوده وتكتم الموتر اذا فكيت رجلك من البنزين وتخلف وزن الهواء والبنزين

[الحربي 591]

اخوي ادخل ملفي الشخصي وشوف الموضوع عساه ينفعك

[الحربي 591]

http://www.mekshat.com/vb/showthread.php?t=638839

لا تنسى تعلمنا وش سويت

[خفوق نجد]

طيب اذا جات التفتفه عداد الضغط يطيح؟

وخرطوش الهواء اللي يجي بعد فلتر الهواء ربل تشوف فيه شقوق؟

والثروتل هو البوابه الدائرية المتصله بثلاجة المكينه اذا دعست تفتح للهواء بعض الاحيان تكون مسدوده وتكتم الموتر اذا فكيت رجلك من البنزين وتخلف وزن الهواء والبنزين

والله وانا اخوك انا لما اشغل السياره كل شي طبيعي والتفتفه تبدا لما اجي احرك السياره يعني امشي تبدا
يعني لا دقيت ريوس وبديت امشي تجي وانا امشي خفيف احس فيها ولما اوقف احس فيها

[الحربي 591]

http://www.mekshat.com/vb/showthread.php?t=638839

لا تنسى تعلمنا وش سويت

…………
… .

[الوسم]

يعني التفتفه مع الحركة فقط 000 صح !!

[manaf]

شيك على الكويلات او طرمبة البانزين

[ابو محمد64]

شوف موضوعي نزلته قبل نص ساعه بيفيدك

[الوقيدي]

لكي يكون شغلك صح لازم عداد الضغط على رقم 8 شرطه تحت الواحد . اذا تحقق لك ذلك فالمشكله كهربائيه بحته . غير ذلك فعند سنسور الظغط عطلان يحتاج ان يغسل ببخاخ الكترونيات وينشف ولاتلامس اجزاءه الداخليه بيديك . فهو حساس جدا. او يحتاج تغيير . قدتكون قطع الصني مشابهه له . الاهم ان يكون الضغط على 8 .

[خفوق نجد]

التطورات يا اخوان
مريت كهربائي سوري
قالي غير بواجي وجيبها لي وخليها يوم كامل لانها تحتاج شغل قلت له طيب بكم قالي بميه
قلت طيب طلعت مشوار وامر محل قطع غيار شريت بواجي بستين ريال
وامر لي كم ورشه واحصل لي بنغلاديشي قلت تغير بواجي قالي ايه قلت كم وقت قالي نص ساعه بس
قلت بكم قالي ميه قلت توكلنا على الله
المهم وهو يشتغل قالي ليه انتا غير بواجي قلت فيه تفتفه قالي انا سوي فحص مافي مشكله
المهم ان الرجال اول مافتح الكويلات الاماميه قالي هذا خربان يبغاله تغيير

غيرنا البواجي المهم يوم حركت من عنده مدري حاس له شي في المكينه خلا الدعسه مدري كيف جايه مارتحت له وفيها ثقل في العزم احس انه طاح العزم مع الدعسه

والتفتفته راحت وانا واقف قبل وانا واقف ترج السياره الحين راحت

بس المشكله في العزم احس انه طاح هو حرك له شي فوق المكينه زر عليه مدري وشهو

[الحربي 591]

تلقاه فصل فيش الكويلات شيك عليك
… ."

[ابوابراهيم000]

المشكله هذي جت معي في مكسيما الفين
غير حساس الهواء
وليس فلتر الهواء وادعلي
اناكان يتفتف معي وترجف السياره
واقولها لك من الحين لو رحت لنيسان بيقولك غيركمبيوتر ب٥ الاف
وبيسويلك خصم ٤٨٠٠
ولاراح تنحل المشكله
وسلامتكم

[خفوق نجد]

ابشركم يالربع التفتفته راحت غيرت كويل واحد امامي بمية وسبعين ريال والحمد لله راحت التفتفه

بس الان عندي الدعسه مارتحت فيها من يوم حاسها البنغالي يوم غيرت الكويل سالت الفني يماني قالي مو مشكله اصلحها لك

وجاب المفك وجلس يسحب في الاسيام اللي ورا المكينه ويحوس لين احس انها هدت بس ماني مرتاح معها

[الوسم]

ابشركم يالربع التفتفته راحت غيرت كويل واحد امامي بمية وسبعين ريال والحمد لله راحت التفتفه

بس الان عندي الدعسه مارتحت فيها من يوم حاسها البنغالي يوم غيرت الكويل سالت الفني يماني قالي مو مشكله اصلحها لك

وجاب المفك وجلس يسحب في الاسيام اللي ورا المكينه ويحوس لين احس انها هدت بس ماني مرتاح معها
غير واحد من الكويلات وظبت السيارة ؟؟
الحمد لله عل السلامه

[خفوق نجد]

الله يسلمك يارب ويبارك فيك

[فياض الربيع]

تبي نصيحتي بعها الحين التقسيط يخليك تشتري السياره اللي تبي واذا رتبك قليل اشتر اكسنت وكاله وقيمه المكسيما دفعه تلاقي اكسنت الحين
2015 ولك وللزمن لاتفتفه ولا شي ولو تحافظ عليها تمشي معك سنين اترك
السيارات القديمه والله انها خساير على الفاضي وتعب وكل شوي في الصناعيه
في ذا الحر ولو تحسب قسط الاكسنت 700 ريال كل شهر افضل لك من مكسيما كل شهر تحط فيها 2000 ولا 3000 ريال وانت ماتدري لانك كل شوي تصلح شي ب400 وشي ب500
الزبده السيارات القديمه مامنها فايده طبعا مانويت اقول لك صلح سيارات لاني اعرف بتصلح
اليوم وبتخرب بعد كم يوم هذي الدرادع ولك الرأي